ಭಗ್ನ ಪ್ರೇಮಿ, ಕನ್ನಡ ಸಿನಿ ಕಲಾವಿದೆ ಆತ್ಮಹತ್ಯೆ

ಮೈಕೋ ಲೇಔಟ್ ಪೊಲೀಸ್ ಠಾಣೆಯ ಬಿಟಿಎಂ ಲೇಔಟ್ 1ನೇಹಂತದಲ್ಲಿ ವಾಸವಾಗಿದ್ದ ಸವಿತಾಳಿಗೆ ವಿವಾಹವಾಗಿತ್ತು. ಆದರೆ, ಪತಿ ಶಶಿಕುಮಾರ್ ಗೆ ವಿಚ್ಛೇದನ ನೀಡಿ, ಪ್ರಿಯಕರ ದೀಪಕ್ ಹಿಂದೆ ಓಡಿ ಬಂದಿದ್ದಳು. ಆದರೆ, ಕೆಲ ತಿಂಗಳುಗಳ ನಂತರ ದೀಪಕ್ ತನ್ನನ್ನೇ ನಂಬಿ ಬಂದಿದ್ದ ಸವಿತಾಳಿಗೆ ಕೈ ಕೊಟ್ಟು ಮತ್ತೊಬ್ಬಳನ್ನು ವರಿಸಿದ್ದಾನೆ.

ಕನ್ನಡ ಸೇರಿದಂತೆ ತಮಿಳು, ತೆಲುಗು ಹಾಗೂ ಹಿಂದಿ ಚಿತ್ರಗಳಲ್ಲಿ ನರ್ತಕಿಯಾಗಿ ಕಾಣಿಸಿಕೊಂಡಿದ್ದ ಸವಿತಾಳಿಗೆ ದೀಪಕ್ ಮಾಡಿದ ಮೋಸದಿಂದ ತುಂಬಾ ನೋವಾಗಿದೆ. ಲಕ್ಕಸಂದ್ರದಲ್ಲಿರುವ ತನ್ನ ತಂದೆಗೆ ಎಲ್ಲಾ ವಿಷಯ ಹೇಳಲು ನಿರ್ಧರಿಸಿದ್ದಾಳೆ.

ಆದರೆ, ಕೊನೆ ಕ್ಷಣದಲ್ಲಿ ಮನಸ್ಸು ಬದಲಿಸಿ, ಆತ್ಮಹತ್ಯೆ ಮಾಡಿಕೊಂಡು ಪ್ರಾಣ ಬಿಡುತ್ತಾಳೆ. ಕೊಳೆತು ನಾರುತ್ತಿದ್ದ ಸವಿತಾ ಶವವನ್ನು ಪರೀಕ್ಷೆಗೆ ಕಳುಹಿಸಲಾಗಿದ್ದು, ಕೌಟುಂಬಿಕ ಕಲಹ, ಪ್ರೇಮ ವೈಫಲ್ಯದಿಂದ ಹೊರ ಬರಲಾರದ ಸವಿತಾ ಸಾವಿಗೆ ಶರಣಾಗಿದ್ದಾಳೆ.