For Quick Alerts
    ALLOW NOTIFICATIONS  
    For Daily Alerts

    ಬಿಗ್ ಬಾಸ್ ಗೆ ಬಾಂಬ್ ಶೆಲ್ ಪಮೇಲಾ ಎಂಟ್ರಿ

    By Mahesh
    |

    ವಿವಾದದ ಹುತ್ತವಾಗಿರುವ ಬಿಗ್‌ಬಾಸ್‌ ರಿಯಾಲಿಟಿ ಶೋಗೆ ಹಾಲಿವುಡ್‌ ನ ಬಾಂಬ್‌ಶೆಲ್‌ ಪಮೇಲಾ ಅಂಡರ್‌ಸನ್‌ ಪ್ರವೇಶ ಪಡೆಯುವುದು ಖಚಿತವಾಗಿದೆ. ಅಮೆರಿಕಾದಿಂದ ಸೋಮವಾರ ಪಮೇಲಾ ಅಂಡರ್‌ಸನ್‌ ಇಲ್ಲಿಗೆ ಆಗಮಿಸಲಿದ್ದಾರೆ. ಮುಂದಿನ ವಾರ ಬಿಗ್‌ಬಾಸ್‌ ಗೃಹಪ್ರವೇಶಿಸುತ್ತಾರೆ ಎಂದು ಕಲರ್ಸ್ ಚಾನೆಲ್‌ ವಕ್ತಾರರು ಹೇಳಿದ್ದಾರೆ. ಈಗಾಗಲೇ ಶಿವಸೇನೆ, ಗಲಾಟೆ, ಸಲ್ಮಾನ್ ನಿರೂಪಣೆ, ಬಿಗ್ ಬಾಸ್ ಮನೆಯಲ್ಲಿನ ಮಿತಿ ಮೀರಿದ ಪ್ರೀತಿ, ಕಲಹಗಳಿಂದ ಟಿಆರ್ ಪಿ ಪಟ್ಟಿಯಲ್ಲಿ ಎತ್ತರೆತ್ತರಕ್ಕೆ ಬೆಳೆಯುತ್ತಿದೆ. ಬೇ ವಾಚ್ ನಟಿ ಪಮೇಲಾ ಎಂಟ್ರಿಯಿಂದ ಇನ್ನಷ್ಟು ಪ್ರೇಕ್ಷಕರನ್ನು ಆಕರ್ಷಿಸಲು ಕಲರ್ಸ್ ಸಿದ್ಧತೆ ನಡೆಸಿದೆ.

    ಲೋನಾವಾಲಾದಲ್ಲಿ ಬಿಗ್‌ಬಾಸ್‌ ಚಿತ್ರೀಕರಣ ನಡೆಯುತ್ತಿದೆ. ಜನಪ್ರಿಯ ಬ್ರಿಟಿಷ್‌ ರಿಯಾಲಿಟಿ ಶೋ ಬಿಗ್‌ ಬ್ರದರ್‌ಗೆ ಪ್ರತಿಯಾಗಿ ಭಾರತದಲ್ಲಿ ಬಿಗ್‌ಬಾಸ್‌ ಷೋ ಆರಂಭವಾಗಿದ್ದು, ಪ್ರತಿ ಕಂತಿನಲ್ಲೂ ಒಂದಲ್ಲಾ ಒಂದು ಗಲಾಟೆ ಇಲ್ಲದೆ ಮುಗಿಯುವುದಿಲ್ಲ. 3 ತಿಂಗಳ ಕಾಲ ಹೊರ ಜಗತ್ತಿನೊಂದಿಗೆ ಸಂಪರ್ಕ ಬೆಳೆಸದೆ ಬಿಗ್‌ಬಾಸ್‌ ಮನೆಯೊಳಗೆ ಮೊಕ್ಕಾಂ ಹೂಡುವ ಸ್ಫರ್ಧಿಗಳ ಚಲನವಲನಗಳ ಮೇಲೆ ಕನಿಷ್ಠ 60-70 ಕ್ಯಾಮರಾಗಳು ಕಣ್ಣಿಟ್ಟಿರುತ್ತವೆ.

    ಪಮೇಲಾಗೂ ಮುಂಚೆ ಕೆಲ್ಲಿ ಬ್ರೂಕ್ ಗೆ ಭಾರಿ ಮೊತ್ತ ನೀಡಿ ಬಿಗ್ ಬಾಸ್ 4 ಮನೆಗೆ ಕರೆತರಲು ಕಲರ್ಸ್ ವಾಹಿನಿ ವಿಫಲ ಯತ್ನ ನಡೆಸಿತ್ತು. ಡಬ್ಲ್ಯೂಡಬ್ಲ್ಯೂಇ ಕುಸ್ತಿಪಟು ಗ್ರೇಟ್ ಖಲಿಯ ನಂತರ ಮನೆ ಹೊಕ್ಕ ಡಾಲಿ ಬಿಂದ್ರಾ ಯಾವುದೇ ಕಟ್ಟುಪಾಡಿಲ್ಲದೆ ಗಂಡು ಹೆಣ್ಣಿನ ವ್ಯತ್ಯಾಸವಿಲ್ಲದೆ ಸೊಂಟದ ಕೆಳಗಿನ ಭಾಷೆ ಬಳಸುತ್ತಾ ಎಲ್ಲರಿಗೂ ಕಿರಿಕಿರಿ ಉಂಟು ಮಾಡಿದ್ದಾರೆ.

    ಆದರೂ, ಗಲಾಟೆ, ಕದನ, ರೋಮಾನ್ಸ್ ಇದ್ದರೆ ಟಿಆರ್ ಪಿ ಹೆಚ್ಚಿಸಲು ಸಾಧ್ಯ ಎಂದು ನಂಬಿರುವ ವಾಹಿನಿ, ವೀಣಾ ಮಲ್ಲಿಕ್ ಪ್ರೇಮ, ಸಾರಾ ಮದುವೆ ಎಲ್ಲವೂ ಸಾಂಗವಾಗಿ ನಡೆಯಲು ಬಿಟ್ಟು, ಇದೇನೂ ರೀಲೋ, ರಿಯಲ್ಲೋ ತಿಳಿಯದಂತೆ ಮಾಡಿದೆ. ಪ್ಲೇ ಬಾಯ್ ಮಾಡೆಲ್ ಪಮೇಲಾ ಎಂಟ್ರಿ ಖಚಿತವಗಿದ್ದರೂ, ಎಷ್ಟು ದಿನ ಅಡ್ಜೆಸ್ಟ್ ಮಾಡಿಕೊಂಡು ಉಳಿಯುತ್ತಾರೆ ಎಂಬುದರ ಬಗ್ಗೆ ಮಾಹಿತಿಯಿಲ್ಲ. ನಾಲ್ಕು ಕೋಟಿ ಕೊಟ್ಟರೂ ಬಿಗ್ ಬಾಸ್ ಮನೆಯಲ್ಲಿ ರಾತ್ರಿ ಉಳಿದುಕೊಳ್ಳೋದಕ್ಕೆ ಪಮೇಲಾ ಒಲ್ಲೆ ಅಂದಳಂತೆ. ಪಮೇಲಾಗೆ ಪ್ರತ್ಯೇಕ ಬಂಗ್ಲೆ ಕೊಡುವ ಬಗ್ಗೆ ಚಿಂತನೆ ನಡೆದಿದೆ.

    English summary
    Pamela Anderson has confirmed to be part of the most controversial reality show Bigg Boss 4 as a guest. Her entry in the Bigg Boss house is expected to raise the show"s TRP to sky.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X