ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫಿಗೆ ಮಹತ್ತರ ತಿರುವು

ನಗರದ ಬದುಕನ್ನೇ ಮಹಾನ್ ಎಂದುಕೊಂಡಿರುವ ಪ್ಯಾಟೆ ಹುಡ್ಗೀರ್‌ಗೆ ಈ ಕಾರ್ಯಕ್ರಮಮದ ಮೂಲಕ ಹಳ್ಳಿ ಬದುಕಿನ ಬಹುಮುಖತೆಯನ್ನು ಪರಿಚಯಿಸಲಾಗುತ್ತಿದೆ. ಸದಭಿರುಚಿಯ ಈ ಶೋನಲ್ಲಿ ಅಕ್ಷತಾ, ಪೂರ್ಣಿಮಾ, ಸಂಗೀತಾ, ಅಪೂರ್ವ, ನಿಶಾ, ಕುಮುದಾ, ಪ್ರಿಯಾಂಕಾ ಪ್ರಭು, ಗಾಯಿತ್ರಿ, ರಂಜಿತಾ, ನಳಿನಿ, ಶ್ವೇತಾ, ಸ್ವಾತಿ ಹಳ್ಳಿಯ ನೋವು, ನಲಿವುಗಳನ್ನು ಕಂಡಿದ್ದಾರೆ.

ಸಾಕಷ್ಟು ಸೋಲು, ಗೆಲುವುಗಳ ಮೂಲಕ ಆರು ಮಂದಿ ಮಾತ್ರ ಕೆರಕಲಮಟ್ಟಿ ಗ್ರಾಮದಲ್ಲಿದ್ದಾರೆ. ಸದ್ಯಕ್ಕೆ ಒಂದು ಮುಖ್ಯ ಘಟ್ಟಕ್ಕೆ ಬಂದು ನಿಂತಿರುವ ಶೋ ಮಹತ್ತರ ತಿರುವು ಪಡೆಯಲು ಸಿದ್ಧವಾಗಿದೆ. ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫು -1ರಲ್ಲಿ ಭಾಗವಹಿಸಿ ಹಳ್ಳಿ ಲೈಫನ್ನು ಯಶಸ್ವಿಯಾಗಿ ಪೂರೈಸಿದ್ದ ರ‌್ಯಾಂಬೋ ಅರ್ಪಿತಾ, ಕೋಳಿ ರಮ್ಯಾ ಹಾಗೂ ನಯನಾ ಏಪ್ರಿಲ್ 18ರಂದು ಈ ಶೋನಲ್ಲಿ ಭಾಗವಹಿಸುವ ಮೂಲಕ ಶೋಗೆ ಹೊಸ ತಿರುವು ಸಿಗಲಿದೆ. ಪ್ರತಿ ರಾತ್ರಿ 8 ಗಂಟೆಗೆ ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫನ್ನು ಸುವರ್ಣ ವಾಹಿನಿಯಲ್ಲಿ ನೋಡಬಹುದು.