For Quick Alerts
ALLOW NOTIFICATIONS  
For Daily Alerts

ಏಪ್ರಿಲ್‌ನಲ್ಲಿ ಸ್ಯಾಂಡಲ್‌ವುಡ್ ಟೆಲಿ ಪ್ರಶಸ್ತಿಗಳು ಪ್ರಕಟ

By Rajendra
|

ಕಿರುತೆರೆ ಎಂದೇ ಜನಪ್ರಿಯವಾದ ಟೆಲಿವಿಷನ್ ಉದ್ಯಮ ವಾಸ್ತವವಾಗಿ ಬೃಹತ್ ಉದ್ಯಮವಾಗಿ ಬೆಳೆದಿದೆ. ಒಬ್ಬ ವ್ಯಕ್ತಿ ಪ್ರತಿ ದಿನ ಸರಾಸರಿ 4ರಿಂದ 5 ಗಂಟೆಗಳ ಕಾಲ ಟೆಲಿವಿಷನ್‌ನಲ್ಲಿ ಮೆಗಾ ಧಾರಾವಾಹಿಗಳು, ರಿಯಾಲಿಟಿ ಷೋಗಳು, ಧಾರ್ಮಿಕ ಕಾರ್ಯಕ್ರಮಗಳು ಹಾಗೂ ವಾರ್ತೆಗಳನ್ನು ವೀಕ್ಷಿಸುತ್ತಾನೆ. ಕಿರುತೆರೆಯಲ್ಲಿಯೂ ಹಲವಾರು ತಾರೆಗಳು ಉದಯಿಸುತ್ತಿದ್ದಾರೆ. ಕೆಲವರು ರಾಷ್ಟ್ರೀಯ ಮಟ್ಟದಲ್ಲಿಯೂ ಮನ್ನಣೆ ಪಡೆಯುತ್ತಿದ್ದಾರೆ. ತಮ್ಮದೇ ಆದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಟೆಲಿವಿಷನ್ ಧಾರಾವಾಹಿಗಳು ಗೃಹಿಣಿಯರು ಮತ್ತು ಉದ್ಯೋಗಸ್ಥ ಮಹಿಳೆಯರಿಗೂ ಅಚ್ಚುಮೆಚ್ಚು. ಕಿರುತೆರೆಯಲ್ಲಿ ಮಿಂಚಿದ ಅನೇಕರು ಬೆಳ್ಳಿ ಪರದೆಗೂ ಲಗ್ಗೆ ಇಟ್ಟಿದ್ದಾರೆ, ಇಡುತ್ತಿದ್ದಾರೆ.

ಸ್ಯಾಂಡಲ್‌ವುಡ್ ಟೆಲಿ ಅವಾರ್ಡ್ಸ್ (ಎಸ್‌ಟಿಎ), ಸ್ಯಾಂಡಲ್‌ವುಡ್ ಕಿರುತೆರೆ ಪ್ರಶಸ್ತಿಗಳು ಕರ್ನಾಟಕ ಟೆಲಿವಿಷನ್ ಉದ್ಯಮದಲ್ಲಿಯೇ ಅತ್ಯಂತ ವಿಶಿಷ್ಟವಾದ ಕಾರ್ಯಕ್ರಮ. ಕರ್ನಾಟಕದ ಎಲ್ಲ ಟೆಲಿವಿಷನ್ ಚಾನೆಲ್‌ಗಳನ್ನೂ ಗಮನದಲ್ಲಿ ಇರಿಸಿಕೊಂಡು ಸಂಗೀತ, ಮನೋರಂಜನೆ, ಜೀವನಶೈಲಿ, ಫ್ಯಾಷನ್ ಇತ್ಯಾದಿ ಜನಪ್ರಿಯ ವಿಭಾಗಗಳು ಮತ್ತು ತಾಂತ್ರಿಕ ವಿಭಾಗಗಳಲ್ಲಿ ಪ್ರಶಸ್ತಿ ನೀಡುವ ಉದ್ದೇಶವನ್ನು ಈ ಕಾರ್ಯಕ್ರಮ ಹೊಂದಿದೆ. ಸ್ಯಾಂಡಲ್‌ವುಡ್ ಕಿರುತೆರೆ ಪ್ರಶಸ್ತಿ, ಟೆನ್ ಆನ್ ಟೆನ್ಜ್ ಮೀಡಿಯಾ ಸಂಸ್ಥೆಯ ಪರಿಕಲ್ಪನೆ.

ಟೆನ್ ಆನ್ ಟೆರ್ನ್ಜ್ ಪ್ರತಿ ವರ್ಷ ಈ ಪ್ರಶಸ್ತಿ ನೀಡಲು ಉದ್ದೇಶಿಸಿದ್ದು, ಈ ಬಾರಿಯ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಮುಂದಿನ ಏಪ್ರಿಲ್‌ನಲ್ಲಿ ನಡೆಯಲಿದೆ. ಬೆಂಗಳೂರಿನ ಕಬ್ಬನ್ ಉದ್ಯಾನದಲ್ಲಿರುವ ಟೆನಿಸ್ ಅಂಕಣದಲ್ಲಿ ಈ ಕಾರ್ಯಕ್ರಮ ಆಕರ್ಷಕವಾಗಿ ನಡೆಯಲಿದೆ.ನಗರದಲ್ಲಿ ನಡೆದ ವರ್ಣರಂಜಿತ ಕಾರ್ಯಕ್ರಮದಲ್ಲಿ ಖ್ಯಾತ ತಾರೆಯರಾದ ಕಿಟ್ಟಿ ಮತ್ತು ನೀತು ಅವರು ಪ್ರಶಸ್ತಿಯನ್ನು ಅನಾವರಣಗೊಳಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಅವರು ಕಿರುತೆರೆಯ ಕಲಾವಿದರನ್ನು ಗುರುತಿಸುವ ಇಂಥ ಪ್ರಯತ್ನಗಳಿಗೆ ಶುಭ ಹಾರೈಸಿದರು.

2009ರ ಜುಲೈಯಿಂದ 2010ರ ಜುಲೈ ನಡುವಣ ಪ್ರಸಾರವಾದ ಟೆಲಿವಿಷನ್ ಕಾರ್ಯಕ್ರಮಗಳು ಮತ್ತು ಧಾರಾವಾಹಿಗಳಿಗೆ ಸುಮಾರು 40 ಪ್ರಶಸ್ತಿಗಳನ್ನು ಪ್ರಕಟಿಸಲಾಗುತ್ತಿದೆ. ಅತ್ಯುತ್ತಮ ಕಥೆ, ಚಿತ್ರಕಥೆ, ಉತ್ತಮ ಸಂಭಾಷಣೆ, ಉತ್ತಮ ನಿರ್ದೇಶಕ, ಉತ್ತಮ ಸುದ್ದಿ ಚಾನೆಲ್, ಉತ್ತಮ ಮನೋರಂಜನಾ ಚಾನೆಲ್, ವರ್ಷದ ಅತ್ಯುತ್ತಮ ಧಾರಾವಾಹಿ ಇತ್ಯಾದಿ ಪ್ರಶಸ್ತಿಗಳನ್ನು ಇಲ್ಲಿ ಹೆಸರಿಸಬಹುದು .

English summary
Sandalwood Telly Awards (STA) is an event of its kind, in the Karnataka television industry. It aims at awarding the various technical and popular categories like music, entertainment, lifestyle, fashion, etc across all Karnataka television channels. Sandalwood Telly Awards is the brainwork of 'Ten on Tenz Media – a media company.

Kannada Photos

Go to : More Photos
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more