ಜೀ ಕನ್ನಡದಲ್ಲಿ ಹಾಲು ಜೇನು ನಾನು ನೀನು ಶೋ

ಈ ರಿಯಾಲಿಟಿಶೋನ ನಿರೂಪಕಿ ಛಾಯಾಸಿಂಗ್. ಇದು ಅವರ ಮೊದಲ ಕಿರುತೆರೆ ಕಾರ್ಯಕ್ರಮ. 'ಹಾಲು ಜೇನು ನಾನು ನೀನು' ರಿಯಾಲಿಟಿ ಶೋನಲ್ಲಿ ಒಟ್ಟು ನಾಲ್ಕು ಸುತ್ತುಗಳಿರುತ್ತವೆ. ಹಾಸ್ಯ, ಭಾವನಾತ್ಮಕ ಮತ್ತು ಸ್ಪರ್ಧಾತ್ಮಕ ಅಂಶಳಿಂದ ಕೂಡಿರುತ್ತದೆ. ಮೂರನೇ ಸುತ್ತಿನಲ್ಲಿ ಗೇಮ್ ಶೋ. ನಾಲ್ಕನೇ ಸುತ್ತಿನಲ್ಲಿ ವಿಜೇತರನ್ನು ಆಯ್ಕೆ ಮಾಡಲಾಗುತ್ತದೆ.

ಶೋನಲ್ಲಿ ಗೆದ್ದ ದಂಪತಿಗಳಿಗೆ ವಿದೇಶದಲ್ಲಿ ಮಧುಚಂದ್ರ ಅವಕಾಶ ಸಿಗಲಿದೆ. ಈ ಸದಾವಕಾಶ ಸೂಪರ್ ವಿನ್ನರ್‌ಗೆ ಮಾತ್ರ. ಇನ್ನು ವಿನ್ನರ್ ಹಾಗೂ ರನ್ನರ್ ಅಪ್‌ಗೂ ಬಂಪರ್ ಬಹುಮಾನಗಳಿರುತ್ತವೆ. ಈ ಶೋನಲ್ಲಿ ಹಾಸ್ಯಕ್ಕೂ ಒತ್ತು ನೀಡಲಾಗಿದೆ.

ಗಂಡಹೆಂಡತಿ ನಡುವೆ ತಪ್ಪೊಪ್ಪಿಗೆ ಮತ್ತು ಶಿಕ್ಷೆ, ಉಡುಗೊರೆ, ಡ್ಯುಯೆಟ್, ಮಿಮಿಕ್ರಿ ಅಂಶಗಳೂ ಇರುತ್ತವೆ. ಏ.9ರಿಂದ ಪ್ರತಿ ಸೋಮವಾರ ಮತ್ತು ಮಂಗಳವಾರ ರಾತ್ರಿ 9 ರಿಂದ 10 ಗಂಟೆಗೆ 'ಹಾಲು ಜೇನು ನೀನು ನಾನು' ಪ್ರಸಾರವಾಗಲಿದೆ. ಶೋನ ಪ್ರಾಯೋಜಕರು ಹಿಮಾನಿ ನವರತ್ನ ಕೂಲ್ ಟಾಲ್ಕ್. (ಒನ್‌ಇಂಡಿಯಾ ಕನ್ನಡ)