'ವೀಕೆಂಡ್ ವಿತ್ ರಮೇಶ್-3' ಮೊಟ್ಟಮೊದಲ ಅತಿಥಿ ಯಾರು?

ಮೊದಲ ಅತಿಥಿ 'ಪ್ರಕಾಶ್ ರೈ'

ಮುಂದಿನ ವಾರ ದಿಂದ ಆರಂಭವಾಗಲಿರುವ 'ವೀಕೆಂಡ್ ವಿಥ್ ರಮೇಶ್ ಸೀಸನ್-3'ಯ ಮೊದಲ ಅತಿಥಿಯಾಗಿ ಬಹುಭಾಷ ನಟ ಪ್ರಕಾಶ್ ರೈ ಭಾಗವಹಿಸಿಲಿದ್ದಾರಂತೆ.

'ವೀಕೆಂಡ್ ಟೆಂಟ್'ನಲ್ಲಿ ರೈ ಜೀವನ ಕಥೆ

ಈ ಮೂಲಕ ಕನ್ನಡ, ತೆಲುಗು, ತಮಿಳು, ಹಿಂದಿ, ಹೀಗೆ ಭಾರತೀಯ ಸಿನಿಮಾ ರಂಗದ ವಿವಿಧ ಭಾಷೆಗಳಲ್ಲಿ ಖ್ಯಾತ ನಟನಾಗಿ ಗುರುತಿಸಿಕೊಂಡಿರುವ ಪ್ರಕಾಶ್ ರೈ ಅವರ ಗೊತ್ತಿಲ್ಲದ ಅನೇಕ ಸಂಗತಿಗಳು ಜನರಿಗೆ ಪರಿಚಯವಾಗಲಿದೆ.

ಎರಡನೇ ಅತಿಥಿ 'ಜಗ್ಗೇಶ್'

ಇನ್ನೂ 'ಸೀಸನ್-3' ಯಲ್ಲಿ ಎರಡನೇ ಅತಿಥಿಯಾಗಿ ನವರಸ ನಾಯಕ ಜಗ್ಗೇಶ್ ಭಾಗವಹಿಸಿಲಿದ್ದಾರಂತೆ. ಕಳೆದ ಎರಡು ಸೀಸನ್ ನಲ್ಲೂ ಕಾಣಿಸಿಕೊಳ್ಳದ ಜಗ್ಗೇಶ್, ಈ ಬಾರಿ ಅತಿಥಿಯಾಗಿದ್ದಾರೆ ಎನ್ನಲಾಗಿದೆ.

ಪ್ರೇಕ್ಷಕರಿಗೆ ಸಕತ್ ಇಷ್ಟವಾದ ಟಾಕ್ ಶೋ!

ಅಂದ್ಹಾಗೆ, 'ವೀಕೆಂಡ್ ವಿಥ್ ರಮೇಶ್' ಕಾರ್ಯಕ್ರಮ ಕಿರುತೆರೆಯಲ್ಲಿ ಹೆಚ್ಚು ಜನಪ್ರಿಯ ಹೊಂದಿದೆ. ಅತಿಥಿಗಳ ಬದುಕಿನ ಕಥೆ, ಯಾರಿಗೂ ಗೊತ್ತಿಲ್ಲದ ಸತ್ಯಗಳು ಜನರ ಮುಂದೆ ಇಡುವಂತಹ ವಿಶೇಷ ಕಾರ್ಯಕ್ರಮ. ರಮೇಶ್ ಅರವಿಂದ್ ಈ ಕಾರ್ಯಕ್ರಮವನ್ನ ಅದ್ಭುತವಾಗಿ ನಿರೂಪಣೆ ಮಾಡಿ, ಗಮನ ಸೆಳೆದಿದ್ದಾರೆ.

ಮಾರ್ಚ್ 25 ರಿಂದ ಆರಂಭ

ಇದೇ ಮಾರ್ಚ್ 25 ರಿಂದ ಶನಿವಾರ ಮತ್ತು ಭಾನುವಾರ ರಾತ್ರಿ 9 ಗಂಟೆಗೆ ಜೀ ಕನ್ನಡದಲ್ಲಿ 'ವೀಕೆಂಡ್ ವಿಥ್ ರಮೇಶ್' ಪ್ರಸಾರವಾಗಲಿದೆ.