ಒಂದ್ಕಡೆ ಪವರ್ ಸ್ಟಾರ್, ಮತ್ತೊಂದೆಡೆ ಗೋಲ್ಡನ್ ಸ್ಟಾರ್: ಫುಲ್ ಧಮಾಕ.!

ಮಜಾ ಟಾಕೀಸ್ ನಲ್ಲಿ ಪುನೀತ್.!

ಮುಂದಿನ ವಾರ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ 'ಮಜಾ ಟಾಕೀಸ್' ಕಾರ್ಯಕ್ರಮದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅತಿಥಿ ಆಗಿ ಆಗಮಿಸಲಿದ್ದಾರೆ. ಮತ್ತೆ ಗಣೇಶ್....?

ವೀಕೆಂಡ್ ಸಾಧಕರ ಸೀಟಿನಲ್ಲಿ ಗಣೇಶ್

ಮತ್ತೊಂದೆಡೆ ಜೀ-ಕನ್ನಡದಲ್ಲಿ ಪ್ರಸಾರವಾಗುವ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲಿ ಮುಂದಿನ ವಾರ ಗೋಲ್ಡನ್ ಸ್ಟಾರ್ ಗಣೇಶ್ ಅತಿಥಿ ಆಗಿದ್ದಾರೆ.

'ಅಪ್ಪು' ಎಪಿಸೋಡ್ ರೆಕಾರ್ಡ್ ಆಗಿದೆ

ಪುನೀತ್ ರಾಜ್ ಕುಮಾರ್ 'ಮಜಾ ಟಾಕೀಸ್' ಗೆ ಬಂದಿರುವ ಎಪಿಸೋಡ್ ತಿಂಗಳುಗಳ ಹಿಂದೆಯೇ ರೆಕಾರ್ಡ್ ಮಾಡಲಾಗಿದೆ. ಆದ್ರೆ, 250ನೇ ಎಪಿಸೋಡ್ ಗೆ ಟೆಲಿಕಾಸ್ಟ್ ಮಾಡಬೇಕೆಂದು ಇನ್ನು ಪ್ರಸಾರ ಮಾಡಿರಲಿಲ್ಲ.

250 ನೇ ಎಪಿಸೋಡ್ ಗೆ ಅಪ್ಪು

'ಮಜಾ ಟಾಕೀಸ್' ನ 250 ನೇ ಎಪಿಸೋಡ್ ನಲ್ಲಿ ಅಪ್ಪು ಎಂಟ್ರಿ ಕೊಟ್ಟಿದ್ದು, ಜುಲೈ 1 ಮತ್ತು 2ನೇ ತಾರೀಖು ಈ ಕಾರ್ಯಕ್ರಮ ಪ್ರಸಾರವಾಗಲಿದೆ.

'ವೀಕೆಂಡ್' ಕೊನೆಯ ಎಪಿಸೋಡ್ ಗೆ ಗಣೇಶ್

'ವೀಕೆಂಡ್ ವಿತ್ ರಮೇಶ್' ಮೂರನೇ ಆವೃತ್ತಿಯ ಕೊನೆ ಅತಿಥಿಯಾಗಿ ಗಣೇಶ್ ಸಾಧಕರ ಕುರ್ಚಿಯಲ್ಲಿ ಕೂರಲಿದ್ದಾರಂತೆ. ಜೀ-ಕನ್ನಡದ ಮೂಲಗಳ ಪ್ರಕಾರ ಜುಲೈ 1 ಮತ್ತು 2ರಂದು 'ವೀಕೆಂಡ್ ವಿತ್ ರಮೇಶ್ ಸೀಸನ್-3' ಅಂತ್ಯವಾಗಲಿದೆ. ಗಣೇಶ್ ಅವರ ಎಪಿಸೋಡ್ ಕೊನೆಯ ಸಂಚಿಕೆಯಾಗಲಿದೆಯಂತೆ.

ಗಣೇಶ್ ಸಂಚಿಕೆ ಇನ್ನು ರೆಕಾರ್ಡ್ ಆಗಿಲ್ಲ!

ಈ ವಾರ ವೀಕೆಂಡ್ ಸಾಧಕರ ಕುರ್ಚಿಯಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಆಗಮಿಸಲಿದ್ದು, ಈಗಾಗಲೇ ಕಾರ್ಯಕ್ರಮ ರೆಕಾರ್ಡ್ ಕೂಡ ಆಗಿದೆ. ಈ ವಾರ ಅಂದ್ರೆ ಜೂನ್ 24 ಮತ್ತು 25 ರಂದು ಸಿಎಂ ಎಪಿಸೋಡ್ ಪ್ರಸಾರವಾಗಲಿದೆ.

ಮುಂದಿನ ವಾರ ಫುಲ್ ಧಮಾಕ

ಹೀಗೆ, ಮುಂದಿನ ವಾರ ಪವರ್ ಸ್ಟಾರ್ ಮತ್ತು ಗೋಲ್ಡನ್ ಸ್ಟಾರ್ ಇಬ್ಬರು ಕಿರುತೆರೆಯಲ್ಲಿ ಮಿಂಚಲಿದ್ದಾರೆ. ಈ ಮೂಲಕ ಮುಂದಿನ ವಾರ ಫುಲ್ ಮನರಂಜನೆ ಪಕ್ಕಾ.