ಭೂಮಿ ಶೆಟ್ಟಿ ಈಗ ಏನು ಮಾಡುತ್ತಿದ್ದಾರೆ ಗೊತ್ತಾ?

ನಟನೆಯತ್ತ ಒಲವು

ಪರಿಸರ ಪ್ರೇಮಿಯಾದ ಭೂಮಿಕಾ ಶೆಟ್ಟಿ ಸಣ್ಣ ವಯಸ್ಸಿನಲ್ಲೇ ಭರತನಾಟ್ಯ ಮತ್ತು ಯಕ್ಷಗಾನದಲ್ಲಿ ಪರಿಣಿತಿ ಪಡೆದವರು. ಹಲವು ನೃತ್ಯ ಕಾರ್ಯಕ್ರಮಗಳನ್ನು ನೀಡಿರುವ ಭೂಮಿಕಾ ಶೆಟ್ಟಿ ಅವರಿಗೆ ಸ್ಟೇಜ್ ಫಿಯರ್ ಇಲ್ಲವಂತೆ. ಬೇಬಿ ಶೆಟ್ಟಿ ಮತ್ತು ಭಾಸ್ಕರ್ ಶೆಟ್ಟಿ ಭೂಮಿಕಾ ಶೆಟ್ಟಿ ಅವರ ಪೋಷಕರು. ಕುಂದಾಪುರದ ಈ ಬೆಡಗಿಗೆ ಮನೆಯಲ್ಲಿ ಓದಿನ ಕಡೆಗೆ ಹೆಚ್ಚು ಗಮನ ನೀಡಿ ಒಳ್ಳೆಯ ಉದ್ಯೋಗ ಪಡೆದು ನೆಲೆನಿಲ್ಲುವಂತೆ ಆಗಾಗ ಉಪದೇಶ ಕೊಡುತ್ತಿದ್ದರಂತೆ. ಇವರ ತಂದೆ ಧಾರವಾಡದಲ್ಲಿ ಹೋಟೆಲ್ ಉದ್ಯಮದಲ್ಲಿ ತೊಡಗಿಸಿಕೊಂಡಿದ್ದರೆ, ಭೂಮಿಕಾ ಅವರಿಗೆ ನಟಿಯಾಗುವ ಆಸೆ ಇತ್ತಂತೆ.

ಧಾರಾವಾಹಿಗಳಲ್ಲಿ ನಟಿಸಿದ ಕಿನ್ನರಿ

ಮೆಕಾನಿಕಲ್ ಇಂಜಿನಿಯರಿಂಗ್ ಓದುವ ನೆಪದಲ್ಲಿ ಬೆಂಗಳೂರಿನಲ್ಲಿ ಬಂದು ನೆಲೆಸಿದರು. ತಾಯಿಯಿ ಬೆಂಬಲದೊಂದಿಗೆ ಕಲೆಯೊಂದಿಗೆ ನಂಟನ್ನು ಕಾಯ್ದುಕೊಂಡಿದ್ದ ಭೂಮಿಕಾ ಮೊದಲು ಒಂದು ಕಿರುತೆರೆ ಧಾರಾವಾಹಿಯಲ್ಲಿ ಅತಿಥಿ ಪಾತ್ರ ಮಾಡಿದ್ದರು. ನಂತರ ಬಂದ ಕಿನ್ನರಿ' ಆಡಿಷನ್ನಲ್ಲಿ ಆಯ್ಕೆಯಾದ ಇವರು ಮಣಿ' ಪಾತ್ರದ ಮೂಲಕ ಪ್ರೇಕ್ಷಕರ ಫೇವರೇಟ್ ನಟಿಯಾದರು. ಇವರ ಕಿರುತೆರೆಯಲ್ಲಿನ ನಟನೆ ಬಗ್ಗೆ ತಿಳಿದ ಕುಟುಂಬ ಇವರೊಂದಿಗೆ ಮುನಿಸಿಕೊಂಡಿದ್ದರಂತೆ. ಓದಿನ ಜೊತೆ ನಟನೆಯನ್ನು ತೂಗಿಸಿಕೊಂಡು ಹೋಗುವ ಭೂಮಿಕಾ ಒಂದು ತೆಲುಗು ಧಾರಾವಾಹಿಯಲ್ಲೂ ನಟಿಸಿದರು. ಆನಿಮೇಷನ್ ಕ್ಷೇತ್ರದಲ್ಲಿ ಪರಿಣಿತಿ ಹೊಂದಿರುವ ಇವರು ಸ್ಯಾಂಡಲ್ ವುಡ್ ನಲ್ಲೂ ಕಾಣಿಸಿಕೊಂಡಿದ್ದಾರೆ.

ನಿರೂಪಣೆಗೂ ಜೈ ಎಂದಿದ್ದ ಭೂಮಿ

ಯೋಗೇಶ್ ಅಭಿನಯದ ಲಂಬೋದರ' ಚಿತ್ರದ ಮೂಲಕ ಕಿರುತೆರೆಯ ಕಿನ್ನರಿ ಚಂದನವನ ಪ್ರವೇಶಿಸಿದರು. ಬಳಿಕ ಕೋವಿಡ್ ಸಂದರ್ಭದಲ್ಲಿ ಇಕ್ಕಟ್ ಎಂಬ ಚಿತ್ರದಲ್ಲಿ ನಟಿಸಿ ಸೈ ಎನಿಸಿಕೊಂಡರು. ಇದಕ್ಕೂ ಮೊದಲು ಕಿಚ್ಚ ಸುದೀಪ್ ನಿರೂಪಣೆಯ ಬಿಗ್ ಬಾಸ್ ಕನ್ನಡ 7 ಸೀಸನ್ ನಲ್ಲಿ 9ನೇ ಸ್ಪರ್ಧಿಯಾಗಿ ಭಾಗವಹಿಸಿದ್ದರು. ಇದರಲ್ಲಿ ಬರೋಬ್ಬರಿ 112 ದಿನಗಳ ಕಾಲ ಉಳಿದು ಎದುರಾಳಿಗಳಿಗೆ ಟಫ್ ಫೈಟ್ ಕೊಟ್ಟಿದ್ದರು. ಟಾಪ್ 5ರವರೆಗೂ ಬಂದಿದ್ದ ಭೂಮಿಕಾ ಶೆಟ್ಟಿ ಅವರು, ಬಳಿಕ ಮಜಾಭಾರತ ಎಂಬ ಕಾಮಿಡಿ ಶೋಗೆ ಕೆಲ ದಿನಗಳ ಕಾಲ ನಿರೂಪನೆಯನ್ನೂ ಮಾಡಿದರು.

ಮುಂದಿನ ಪ್ರಾಜೆಕ್ಟ್ ಯಾವುದಿರಬಹುದು..?

ಸದ್ಯ ಫಿಟ್ನೆಸ್ ಫ್ರೀಕ್ ಆಗಿರುವ ಭೂಮಿಕಾ ಶೆಟ್ಟಿ ಅವರು, ತಮ್ಮ ದೇಹವನ್ನು ದಂಡಿಸುತ್ತಿದ್ದಾರೆ. ಜಿಮ್ನ್ಯಾಸ್ಟಿಕ್, ಕಿಕ್ ಬಾಕ್ಸಿಂಗ್, ವೈಟ್ ಲಿಫ್ಟ್ ಸೇರಿದಂತೆ ಜಿಮ್ ನಲ್ಲಿ ಸಕತ್ ವರ್ಕೌಟ್ ಮಾಡುತ್ತಿದ್ದಾರೆ. ಅಲ್ಲದೇ, ಬೈಕ್ ರೈಡ್ ಕೂಡ ಮಾಡಿದ್ದು, ಇದು ಭೂಮಿಕಾ ಶೆಟ್ಟಿ ಅವರ ಮುಂದಿನ ಪ್ರಾಜೆಕ್ಟ್ ಗಾಗಿ ಮಾಡುತ್ತಿರುವ ವರ್ಕೌಟ್ ಇರಬಹುದಾ ಎಂದು ಅಭಿಮಾನಿಗಳು ಗೆಸ್ ಮಾಡಿದ್ದಾರೆ. ಆದರೆ ಈ ಬಗ್ಗೆ ಭೂಮಿಕಾ ಶೆಟ್ಟಿ ಅವರು ಯಾವ ಗುಟ್ಟನ್ನೂ ಬಿಟ್ಟುಕೊಟ್ಟಿಲ್ಲ.