ಕನ್ನಡ ಕಿರುತೆರೆಯಲ್ಲಿ 'ಸ್ವಾತಿ ಮುತ್ತು' ಬೆಡಗಿ ಮೀನಾ!

ಯಾವುದು ಆ ರಿಯಾಲಿಟಿ ಶೋ?

ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ 'ಡ್ಯಾನ್ಸ್ ಡ್ಯಾನ್ಸ್' ರಿಯಾಲಿಟಿ ಶೋನಲ್ಲಿ ವಿಶೇಷ ಅತಿಥಿ ಆಗಿ ನಟಿ ಮೀನಾ ಭಾಗವಹಿಸಿದ್ದಾರೆ. [ಡ್ಯಾನ್ಸ್ ಶೋನ ಮಧ್ಯದಲ್ಲೇ ಖುಷ್ಬೂ ಎದ್ದು ಹೋಗಿದ್ದು ಯಾಕೆ]

ಮೀನಾ ಜೊತೆ ಸುಧಾರಾಣಿ ಕೂಡ ಇದ್ದಾರೆ

ನಟಿ ಮೀನಾ ಜೊತೆಗೆ ಕನ್ನಡ ಚಿತ್ರರಂಗದ ಜನಪ್ರಿಯ ನಾಯಕಿ ಸುಧಾರಾಣಿ ಕೂಡ ಈ ವಾರದ 'ದಿಗ್ಗಜರ ರೌಂಡ್'ನಲ್ಲಿ ಅತಿಥಿಯಾಗಿ 'ಡ್ಯಾನ್ಸ್ ಡ್ಯಾನ್ಸ್' ಕಾರ್ಯಕ್ರಮದಲ್ಲಿ ಭಾಗವಹಿಸಿರುವುದು ವಿಶೇಷ. [100 ಅಡಿ ಎತ್ತರದ ವೇದಿಕೆಯಲ್ಲಿ 'ಡ್ಯಾನ್ಸ್ ಡ್ಯಾನ್ಸ್' ಶೋ]

ರವಿಚಂದ್ರನ್ ರನ್ನ ನೆನೆದ ಮೀನಾ!

''ಕನ್ನಡಿಗರು ನನಗೆ ನೀಡಿದ ಪ್ರೋತ್ಸಾಹಕ್ಕೆ ಅಭಿನಂದನೆ ಸಲ್ಲಿಸುತ್ತೇನೆ. ಕ್ರೇಜಿ ಸ್ಟಾರ್ ರವಿಚಂದ್ರನ್ ಜೊತೆ ಕೆಲಸ ಮಾಡಿರುವುದು ನನ್ನ ಹೆಮ್ಮೆ'' ಅಂತ 'ಡ್ಯಾನ್ಸ್ ಡ್ಯಾನ್ಸ್' ಕಾರ್ಯಕ್ರಮದಲ್ಲಿ ಹಳೇ ನೆನಪುಗಳಿಗೆ ಜಾರಿದ್ದಾರೆ ನಟಿ ಮೀನಾ.

ಡಾ.ರಾಜ್ ಕುಮಾರ್ ಅಂದ್ರೆ ಇಷ್ಟ!

ಕನ್ನಡದ ಹಲವು ಹಿಟ್ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿರುವ ನಟಿ ಮೀನಾಗೆ ಡಾ.ರಾಜ್ ಕುಮಾರ್ ಅಂದ್ರೆ ಪಂಚಪ್ರಾಣವಂತೆ.

ಅರಳುವ ಹೂವುಗಳೇ ಆಲಿಸಿರಿ....

ಮಾತಿನ ಜೊತೆಗೆ 'ಡ್ಯಾನ್ಸ್ ಡ್ಯಾನ್ಸ್' ವೇದಿಕೆಯಲ್ಲಿ 'ಅರಳುವ ಹೂವುಗಳೇ...' ಹಾಡನ್ನೂ ಹಾಡಿದ್ದಾರೆ ನಟಿ ಮೀನಾ.

ಮೀನಾಗೆ ಸುಧಾರಾಣಿ ಡಬ್ಬಿಂಗ್!

ಕನ್ನಡದಲ್ಲಿ ನಟಿ ಮೀನಾ ರವರಿಗೆ ವಾಯ್ಸ್ ಡಬ್ ಮಾಡ್ತಾಯಿದ್ದದ್ದು ನಟಿ ಸುಧಾರಾಣಿ. ಈ ಬಗ್ಗೆ ಸುಧಾರಾಣಿ 'ಡ್ಯಾನ್ಸ್ ಡ್ಯಾನ್ಸ್' ಕಾರ್ಯಕ್ರಮದಲ್ಲಿ ಮಾತನಾಡಿದ್ದಾರೆ.

ಈ ವಾರದ 'ಡ್ಯಾನ್ಸ್ ಡ್ಯಾನ್ಸ್' ವಿಶೇಷ

'ಡ್ಯಾನ್ಸ್ ಡ್ಯಾನ್ಸ್' ಕಾರ್ಯಕ್ರಮದಲ್ಲಿ ಈ ವಾರ 'ದಿಗ್ಗಜರ ವಿಶೇಷ'. ಡಾ.ರಾಜ್ ಕುಮಾರ್, ಡಾ.ವಿಷ್ಣುವರ್ಧನ್, ಶಂಕರ್ ನಾಗ್, ರವಿಚಂದ್ರನ್ ಹಾಡುಗಳಿಗೆ ಸ್ಪರ್ಧಿಗಳು ಡ್ಯಾನ್ಸ್ ಮಾಡಬೇಕು. ಇದಕ್ಕೆ ವಿಶೇಷ ನಿರ್ಣಾಯಕರಾಗಿ ಮೀನಾ ಮತ್ತು ಸುಧಾರಾಣಿ ಬಂದಿದ್ದಾರೆ.

ಕಾರ್ಯಕ್ರಮ ಪ್ರಸಾರ ಯಾವಾಗ?

'ಮೀನಾ ಮತ್ತು ಸುಧಾರಾಣಿ ಡ್ಯಾನ್ಸ್ ಡ್ಯಾನ್ಸ್ ವಿಶೇಷ' ಬುಧವಾರ (24/02/16) ರಿಂದ ಸುವರ್ಣ ವಾಹಿನಿಯಲ್ಲಿ ರಾತ್ರಿ 7.30ಕ್ಕೆ ಪ್ರಸಾರವಾಗಲಿದೆ.