ಮುಖಪುಟ

ಟಿವಿ

ನಟ ದರ್ಶನ್ ಮತ್ತು ರಾಗಿಣಿ ಒಟ್ಟಿಗೆ ಸಿನಿಮಾ ಮಾಡಬೇಕು ಎನ್ನುವುದು ಅಭಿಮಾನಿಗಳ ಬಹುದಿನದ ಕನಸು. ಆದರೆ ಇದುವರೆಗೆ ಇವರಿಬ್ಬರ ಜೋಡಿ ಒಟ್ಟಿಗೆ ಸಿನಿಮಾ ಮಾಡಿಲ್ಲ. ರಾಗಿಣಿ ಕೂಡ ಶಿವರಾಜ್ ಕುಮಾರ್, ಸುದೀಪ್, ದುನಿಯಾ ವಿಜಯ್ ಸೇರಿದಂತೆ ಸಾಕಷ್ಟು ಸ್ಟಾರ್ ನಟರ ಜೊತೆಗೆ ತೆರೆ ಹಂಚಿಕೊಂಡಿದ್ದಾರೆ. ಆದರೆ ದರ್ಶನ್ ಜೊತೆಗೆ ಮಾತ್ರ ರಾಗಿಣಿ ಕಾಣಿಸಿಕೊಂಡಿಲ್ಲ.

ದರ್ಶನ್ ಮತ್ತು ರಾಗಿಣಿ ಕಾಂಬಿನೇಶನ್ ಸಿನಿಮಾ ಯಾವಾಗ ಎನ್ನುವ ಪ್ರಶ್ನೆ ಉತ್ತರ ಸದ್ಯಕ್ಕೆ ತಿಳಿಯದೆ ಇದ್ದರೂ ದರ್ಶನ್ ಜೊತೆಗೆ ಸಿನಿಮಾ ಮಾಡಲು ರಾಗಿಣಿ ಎಷ್ಟು ಉತ್ಸುಕರಾಗಿದ್ದಾರೆ ಎನ್ನುವುದು ತಿಳಿದಿದೆ. ಹೌದು, ಇತ್ತೀಚಿಗಷ್ಟೆ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿರುವ 'ನಂ 1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮಕ್ಕೆ ನಟಿ ರಾಗಿಣಿ ದ್ವಿವೇದಿ ಮತ್ತು ರಕ್ಷಿತಾ ಆಗಮಿಸಿದ್ದರು. ಈ ವೇಳೆ ಶಿವಣ್ಣನ ಪ್ರಶ್ನೆಯೊಂದಕ್ಕೆ ರಾಗಿಣಿ ಈ ರೀತಿ ಉತ್ತರ ನೀಡಿದ್ದಾರೆ.

''ಒಂದೇ ಟೈಂ ನಲ್ಲಿ ದರ್ಶನ್, ಪುನೀತ್, ಯಶ್ ಮೂರು ಹೀರೋ ಗಳ ಸಿನಿಮಾಗೆ ಡೇಟ್ ಕ್ಲಶ್ ಆಗುತ್ತಿದೆ ಅಂದರೆ ಯಾವ ಒಬ್ಬ ಹೀರೋವನ್ನು ಆಯ್ಕೆ ಮಾಡಿಕೊಳ್ಳುತ್ತಿರಾ.? ಎಂದು ಶಿವರಾಜ್ ಕುಮಾರ್ ಪ್ರಶ್ನೆ ಮಾಡಿದರು. ಆಗ ರಾಗಿಣಿ ಹಿಂದು ಮುಂದು ನೋಡದೆ ಪಟ್ ಅಂತ ದರ್ಶನ್ ಹೆಸರನ್ನ ತೆಗೆದುಕೊಂಡರು.

ಡೇಟ್ ಕ್ಲಶ್ ಏನೇ ಸಮಸ್ಯೆ ಇದ್ದರು ರಾಗಿಣಿ ದರ್ಶನ್ ಜೊತೆಗೆ ಸಿನಿಮಾ ಮಾಡುತ್ತಾರೆ. ಆದರೆ ಸದ್ಯದ ವರೆಗೆ ಒಂದು ಒಳ್ಳೆಯ ಅವಕಾಶ ಬಂದಿಲ್ಲ. ಹಾಗೆ ಇಬ್ಬರಿಗೆ ಹೋಲುವ ಒಂದು ಕಥೆ ಬಂದರೆ ರಾಗಿಣಿ ದರ್ಶನ್ ಜೊತೆಗೆ ಸಿನಿಮಾ ಮಾಡುವುದು ಪಕ್ಕಾ.