ಅದೇ ಪ್ರಶ್ನೆ, ಅದೇ ಉತ್ತರ, ಮತ್ತೆ ಸುದೀಪ್ ಹೆಸರು ತೆಗೆದ ರಾಗಿಣಿ

ನಂ 1 ಯಾರಿ ಕಾರ್ಯಕ್ರಮದಲ್ಲಿ

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರ ಆಗುವ 'ನಂ 1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮಕ್ಕೆ ನಟಿ ರಾಗಿಣಿ ದ್ವಿವೇದಿ ಮತ್ತು ರಕ್ಷಿತಾ ಬಂದಿದ್ದರು. ಈ ವೇಳೆ ಕಾರ್ಯಕ್ರಮದ Rapid ಫೈಯರ್ ರೌಂಡ್ ನಲ್ಲಿ ಶಿವಣ್ಣ ''ಸುದೀಪ್, ಯಶ್, ಲೂಸ್ ಮಾದ ಯೋಗಿ ಈ ಮೂವರಲ್ಲಿ ನೀವು ಯಾರನ್ನು ಮದುವೆಯಾಗಲು ಇಷ್ಟ ಪಡುತ್ತೀರಾ..? ಯಾರ ಜೊತೆ ಡೇಟಿಂಗ್ ಮಾಡುತ್ತೀರಾ ಮತ್ತು ಯಾರನ್ನು ಕೊಲೆ ಮಾಡುತ್ತೀರಾ? ಅಂತ ಪ್ರಶ್ನೆ ಕೇಳಿದರು.

ಸುದೀಪ್ ಜೊತೆ ಮದುವೆ

ಶಿವರಾಜ್ ಕುಮಾರ್ ಪ್ರಶ್ನೆಗೆ ಉತ್ತರಿಸಿದ ರಾಗಿಣಿ ''ನಾನು ಸುದೀಪ್ ಜೊತೆಗೆ ಮದುವೆ ಆಗುತ್ತೇನೆ ಅಂತ ಹೇಳಿದರು. ಅಂದಹಾಗೆ, ರಾಗಿಣಿ ದ್ವಿವೇದಿ ಈ ನಟನ ಹೆಸರನ್ನು ತೆಗೆದುಕೊಂಡಿದ್ದು ಕೇವಲ Rapid ಫೈಯರ್ ಆಟಕಷ್ಟೆ. ಸೀರಿಯಸ್ ಆಗಿ ಅಲ್ಲ.

ಯಶ್ ಜೊತೆಗೆ ಡೇಟಿಂಗ್

'ನೀವು ಯಾರ ಜೊತೆ ಡೇಟಿಂಗ್ ಮತ್ತು ಯಾರನ್ನು ಕೊಲೆ ಮಾಡುತ್ತೀರಾ' ಅಂತ ಶಿವಣ್ಣ ಕೇಳಿದಕ್ಕೆ ರಾಗಿಣಿ ''ನಟ ಯಶ್ ಜೊತೆ ಡೇಟಿಂಗ್ ಮತ್ತು ಲೂಸ್ ಮಾದ ಯೋಗಿ ಅವರನ್ನು ಕೊಲೆ ಮಾಡುತ್ತೇನೆ'' ಅಂತ ಹೇಳಿದರು. ಶಿವಣ್ಣ ಯಾಕೆ ಯೋಗಿ ಕೋಲೆ ಮಾಡುತ್ತಿರಾ ಎಂದು ತಮಾಷೆಗೆ ಕಾಲು ಏಳೆದರು.

ಅದೇ ಜೋಡಿ, ಅದೇ ಪ್ರಶ್ನೆ, ಅದೇ ಉತ್ತರ

ವಿಶೇಷ ಅಂದರೆ ಈ ಹಿಂದೆ ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿದ್ದ 'ಸೂಪರ್ ಟಾಕ್ ಟೈಂ' ಕಾರ್ಯಕ್ರಮಕ್ಕೆ ರಾಗಿಣಿ ಮತ್ತು ರಕ್ಷಿತಾ ಆಗಮಿಸಿದ್ದರು. ಆಗ ಸಹ ಇದೇ ಪ್ರಶ್ನೆಯನ್ನು ರಾಗಿಣಿಗೆ ಕೇಳಲಾಗಿತ್ತು. ಆಗ ಸಹ ರಾಗಿಣಿ ''ನಾನು ಸುದೀಪ್ ಜೊತೆಗೆ ಮದುವೆ, ಯಶ್ ಜೊತೆಗೆ ಡೇಟಿಂಗ್ ಮಾಡುತ್ತೇನೆ. ಯೋಗಿನ ಕೊಲೆ ಮಾಡುತ್ತೇನೆ'' ಎಂದಿದ್ದರು. ಈಗ 'ನಂ 1 ಯಾರಿ ವಿತ್ ಶಿವಣ್ಣ ಕಾರ್ಯಕ್ರಮದಲ್ಲಿಯೂ ಅದೇ ಪ್ರಶ್ನೆಗೆ ಅದೇ ಉತ್ತರವನ್ನು ರಾಗಿಣಿ ಹೇಳಿದರು.

ಹ್ಯಾಟ್ರಿಕ್ ಸಿನಿಮಾ ಮಾಡಬೇಕು

ನಟ ಸುದೀಪ್ ಮತ್ತು ರಾಗಿಣಿ ಅವರ ಜೋಡಿ ತೆರೆ ಮೇಲೆ ತುಂಬ ಮುದ್ದು ಮುದ್ದಾಗಿ ಕಾಣುತ್ತದೆ. ಅಂದಹಾಗೆ, ಈ ಹಿಂದೆ 'ಕೆಂಪೇಗೌಡ' ಮತ್ತು 'ವೀರಮದಕರಿ' ಸಿನಿಮಾ ಮಾಡಿದ್ದ ಈ ಜೋಡಿ ಮತ್ತೆ ಹ್ಯಾಟ್ರಿಕ್ ಸಿನಿಮಾಗಾಗಿ ಒಂದಾಗುತ್ತಾರ ಎನ್ನುವ ನಿರೀಕ್ಷೆ ಅಭಿಮಾನಿಗಳಲ್ಲಿ ಇದೆ. ಎರಡು ಸೂಪರ್ ಹಿಟ್ ಸಿನಿಮಾ ನೀಡಿದ್ದ ಈ ಜೋಡಿ ಮತ್ತೆ ಸಿನಿಮಾ ಮಾಡಬೇಕು ಎನ್ನುವುದು ಎಲ್ಲರ ಆಸೆ.