ಕನ್ನಡ ಕಿರುತೆರೆಯಲ್ಲಿ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ!

ಪಲ್ಲಕ್ಕಿ ಮುಖಾಂತರ ವೇದಿಕೆಗೆ ಆಗಮನ

ನಟಿ ಶಿಲ್ಪಾ ಶೆಟ್ಟಿ ರಾಣಿಯ ಹಾಗೆ ಪಲ್ಲಕ್ಕಿ ಮುಖಾಂತರ ವೇದಿಕೆಗೆ ಎಂಟ್ರಿಕೊಟ್ಟರು. 'ಡ್ಯಾನ್ಸ್ ಡ್ಯಾನ್ಸ್' ಕಾರ್ಯಕ್ರಮದ ಎಲ್ಲಾ ಸ್ಪರ್ಧಿಗಳು ಶಿಲ್ಪಾ ಶೆಟ್ಟಿಗೆ ಪುಷ್ಟ ವೃಷ್ಟಿ ಮಾಡಿದರು. [100 ಅಡಿ ಎತ್ತರದ ವೇದಿಕೆಯಲ್ಲಿ 'ಡ್ಯಾನ್ಸ್ ಡ್ಯಾನ್ಸ್' ಶೋ]

ಅಕುಲ್ ಜೊತೆ ಶಿಲ್ಪಾ ಸ್ಟೆಪ್

'ಡ್ಯಾನ್ಸ್ ಡ್ಯಾನ್ಸ್' ಕಾರ್ಯಕ್ರಮದ ನಿರೂಪಕ ಅಕುಲ್ ಬಾಲಾಜಿ ಜೊತೆ ಶಿಲ್ಪಾ ಶೆಟ್ಟಿ ಸೂಪರ್ ಸ್ಟೆಪ್ ಹಾಕಿದರು.

ಸ್ಪರ್ಧಿಗಳಿಗೆ ವಿಶೇಷ ಟಾಸ್ಕ್

ತಾವು ಸ್ವತಃ ದುಡಿದು ತಂದ ಹಣದಿಂದ ನಟಿ ಶಿಲ್ಪಾ ಶೆಟ್ಟಿಗೆ ಉಡುಗೊರೆ ಖರೀದಿಸುವ ವಿಶೇಷ ಟಾಸ್ಕ್ ನ ಸ್ಪರ್ಧಿಗಳಿಗೆ ನೀಡಲಾಗಿತ್ತು. ಅದರ ತುಣುಕುಗಳನ್ನ ನೋಡಿ ನಟಿ ಶಿಲ್ಪಾ ಶೆಟ್ಟಿ ಪ್ರಶಂಸೆ ವ್ಯಕ್ತ ಪಡಿಸಿದರು.

ಶಿಲ್ಪಾ ಶೆಟ್ಟಿಗೆ ಬಂದ ಉಡುಗೊರೆ

ಸ್ಪರ್ಧಿ ಅಭಿಶೇಕ್ ಬಾಗಿನದ ರೂಪದಲ್ಲಿ ಸೀರೆ, ಹಣ್ಣು, ತಾಂಬೂಲವನ್ನು ಶಿಲ್ಪಾ ಶೆಟ್ಟಿ ಅವರಿಗೆ ನೀಡಿದರು. ಶ್ರವಂತ್ ಮತ್ತು ಶ್ರಾವ್ಯ ಸಂಪಾದಿಸಿದ ಹಣ ಶಿಲ್ಪಾ ಶೆಟ್ಟಿ ಮುಖಾಂತರ ಎನ್.ಜಿ.ಓಗೆ ನೀಡಲಾಯ್ತು. ಮಂಗಳೂರು ಮಲ್ಲಿಗೆ ಹಾಗೂ ಶಿಲ್ಪಾ ಅವರ ಮಗನ ಭಾವಚಿತ್ರವನ್ನೂ ಉಡುಗೊರೆಯಾಗಿ ಪಡೆದ ಶಿಲ್ಪಾ ಶೆಟ್ಟಿ ಫುಲ್ ಖುಷ್ ಆದರು.

ಬೆಲ್ಲಿ ಡ್ಯಾನ್ಸ್

ಶಿಲ್ಪಾ ಶೆಟ್ಟಿ ಮತ್ತು ಲಾಸ್ಯ 'ಡ್ಯಾನ್ಸ್ ಡ್ಯಾನ್ಸ್' ಶೋನಲ್ಲಿ ಬೆಲ್ಲಿ ಡ್ಯಾನ್ಸ್ ಮಾಡಿ ಎಲ್ಲರನ್ನ ರಂಜಿಸಿದ್ದಾರೆ.

ಕಾರ್ಯಕ್ರಮ ಪ್ರಸಾರ ಯಾವಾಗ?

'ಡ್ಯಾನ್ಸ್ ಡ್ಯಾನ್ಸ್' ಶಿಲ್ಪಾ ಶೆಟ್ಟಿ ವಿಶೇಷ ಇದೇ ಸೋಮವಾರ (15-02-2016) ಸುವರ್ಣ ವಾಹಿನಿಯಲ್ಲಿ ರಾತ್ರಿ 7.30ಕ್ಕೆ ಪ್ರಸಾರವಾಗಲಿದೆ.