ಆದಮ್ ಪಾಶಾಗೆ ಅವಮಾನ: 'ತಕಧಿಮಿತ' ಡ್ಯಾನ್ಸ್ ರಿಯಾಲಿಟಿ ಶೋದಿಂದ ವಾಕ್ ಔಟ್.!

'ತಕಧಿಮಿತ' ಶೋದಿಂದ ಆದಮ್ ಪಾಶಾ ವಾಕ್ ಔಟ್.!

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಎರಡು ವಾರಗಳ ಹಿಂದೆಯಷ್ಟೇ ಶುರುವಾದ ಕಾರ್ಯಕ್ರಮ 'ತಕಧಿಮಿತ' ಡ್ಯಾನ್ಸ್ ರಿಯಾಲಿಟಿ ಶೋ. ಎರಡು ವಾರಗಳಲ್ಲೇ ಈ ಶೋ ವಿವಾದಕ್ಕೀಡಾಗಿದೆ. ಈ ಕಾರ್ಯಕ್ರಮದ ವೇದಿಕೆ ಮೇಲೆ ನಡೆದ ಕೆಲ ಘಟನೆಗಳಿಂದ ಮನನೊಂದು ಆದಮ್ ಪಾಶಾ ವಾಕ್ ಔಟ್ ಆಗಿದ್ದಾರೆ.

ದೂರು ಕೊಡಲು ಮುಂದಾಗಿರುವ ಆದಮ್ ಪಾಶಾ.!

'ತಕಧಿಮಿತ' ಡ್ಯಾನ್ಸ್ ರಿಯಾಲಿಟಿ ಶೋದ ನಿರೂಪಕ ಅಕುಲ್ ಬಾಲಾಜಿ ಮತ್ತು ನಿರ್ದೇಶಕಿ ಶ್ರದ್ಧಾ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ಕೊಡಲು ಆದಮ್ ಪಾಶಾ ಮುಂದಾಗಿದ್ದಾರೆ.

ಆದಮ್ ಪಾಶಾ ಬೇಸರಕ್ಕೆ ಕಾರಣವೇನು.?

'ತಕಧಿಮಿತ' ವೇದಿಕೆ ಮೇಲೆ ಆದಮ್ ಪಾಶಾಗೆ ನಿರೂಪಕ ಅಕುಲ್ ಬಾಲಾಜಿಯಿಂದ ಅವಮಾನ ಆಗಿದ್ಯಂತೆ. ಸ್ತ್ರೀಲಿಂಗ, ಪುಲ್ಲಿಂಗ ಅಂತೆಲ್ಲಾ ಆದಮ್ ಪಾಶಾ ಬಗ್ಗೆ ಅಕುಲ್ ಬಾಲಾಜಿ ಕೀಳಾಗಿ ಮಾತನಾಡಿದ್ದರಂತೆ. ಇದರಿಂದ ಬೇಸರಗೊಂಡ ಆದಮ್ ಪಾಶಾ ಪೊಲೀಸ್ ಠಾಣೆಯಲ್ಲಿ ದೂರು ಕೊಡಲು ನಿರ್ಧರಿಸಿದ್ದಾರೆ.

ಶ್ರದ್ಧಾ ಮೇಲೆ ಯಾಕೆ ಕೋಪ.?

ಆದಮ್ ಪಾಶಾಗೆ 'ತಕಧಿಮಿತ' ಡೈರೆಕ್ಟರ್ ಶ್ರದ್ಧಾ ಧಮ್ಕಿ ಹಾಕಿದ್ದಾರಂತೆ. ''ಜನ ವೋಟ್ ಮಾಡಿದರೂ, ನಿಮ್ಮನ್ನ ಎಲಿಮಿನೇಟ್ ಮಾಡುತ್ತೇನೆ'' ಅಂತ ಆದಮ್ ಪಾಶಾಗೆ ಶ್ರದ್ಧಾ ಹೇಳಿದ್ದರಂತೆ. ಹೀಗಾಗಿ, ಇದು ರಿಯಾಲಿಟಿ ಶೋ ಅಲ್ಲ ಎಂದು ಕಾರ್ಯಕ್ರಮದಿಂದ ಆದಮ್ ಪಾಶಾ ವಾಕ್ ಔಟ್ ಆಗಿದ್ದಾರೆ.

ಆದಮ್ ಪಾಶಾ ಸಂದರ್ಶನ

ಈ ವಿವಾದದ ಕುರಿತು ಫಿಲ್ಮಿಬೀಟ್ ಕನ್ನಡ ಜೊತೆಗೆ ಆದಮ್ ಪಾಶಾ ಮಾತನ್ನಾಡಿದ್ದಾರೆ. ಆ ಲೇಖನದ ಲಿಂಕ್ ಇಲ್ಲಿದೆ, ಕ್ಲಿಕ್ ಮಾಡಿ ಓದಿರಿ...