'ಬಿಗ್ ಬಾಸ್' ಸ್ಪರ್ಧಿ ಆಶಿತಾ ನಡೆ ಅವರ ತಂದೆಯ ಕೋಪಕ್ಕೆ ಕಾರಣವಾಗಿತ್ತು!

ಮೊದಲ ಧಾರಾವಾಹಿ

ಆಶಿತಾ ಚಂದ್ರಪ್ಪ ಅವರು ಮೊದಲು 'ಜೊತೆ ಜೊತೆಯಲಿ' ಎಂಬ ಧಾರಾವಾಹಿಯಲ್ಲಿ ಟೀಚರ್ ಆಗಿ ನಟನೆ ಮಾಡಿದ್ದರು. ಮೊದಲ ಸೀರಿಯಲ್ ನಲ್ಲಿಯೇ ತಮ್ಮ ಪಾತ್ರಕ್ಕೆ ಅವರಿಗೆ ಒಳ್ಳೆಯ ಹೆಸರು ಸಿಕ್ಕಿತು.

'ನೀಲಿ' ಧಾರಾವಾಹಿಯಲ್ಲಿ ನಟನೆ

'ಜೊತೆ ಜೊತೆಯಲಿ' ನಂತರ ಉದಯ ಟಿವಿಯ 'ಸುಂದರಿ' ಧಾರಾವಾಹಿಯಲ್ಲಿ ಐಎಎಸ್ ಅಧಿಕಾರಿ ಪಾತ್ರದಲ್ಲಿ ನಟಿಸಿದ್ದ ಆಶಿತಾ ಸದ್ಯ ಸ್ಟಾರ್ ಸುವರ್ಣ ವಾಹಿನಿಯ 'ನೀಲಿ' ಸೀರಿಯಲ್ ನಲ್ಲಿ ನಾಯಕಿ ಆಗಿದ್ದಾರೆ.

ಬಂಗಾರದ ಪಂಜರ

ಇಂತಿಪ್ಪ ಆಶಿತಾ ಮನಸ್ಸಿನಲ್ಲಿ ತುಂಬ ನೋವು ಕೂಡ ಇದೆ. ಶ್ರೀಮಂತ ಕುಟುಂಬದಲ್ಲಿ ಬೆಳೆದ ಅವರನ್ನು ತಂದೆ ಅತಿಯಾದ ಮುದ್ದಿನಿಂದ ಬೆಳೆಸಿದರು. ಆದರೆ, ಬರುಬರುತ್ತಾ ಅದು ಆಶಿತಾ ಪಾಲಿಗೆ ಬಂಗಾರದ ಪಂಜರದಂತೆ ಆಯಿತು.

ತಂದೆ ಜೊತೆ ಭಿನ್ನಾಭಿಪ್ರಾಯ

ಮಗಳು ಓದಿದ ನಂತರ ಒಳ್ಳೆಯ ಮನೆಗೆ ಸೊಸೆ ಆಗಿ ಹೋಗಬೇಕು ಎಂಬುದು ತಂದೆ ಆಸೆ ಆಗಿತ್ತು. ಆದರೆ ಆಶಿತಾ ಸಿನಿಮಾ, ಸೀರಿಯಲ್ ನಲ್ಲಿ ನಟಿಸುವ ಕನಸು ಹೊಂದಿದ್ದರು. ಇದೇ ವಿಷಯಕ್ಕೆ ಅಪ್ಪ ಮಗಳ ನಡುವೆ ಭಿನ್ನಾಭಿಪ್ರಾಯ ಬಂತು.

ದೊಡ್ಡ ಕಿರಿಕ್ ಆಯ್ತು

ತಂದೆ ಸಹಾಯ ಇಲ್ಲದೆ ಆಶಿತಾ ಧಾರಾವಾಹಿಯಲ್ಲಿ ನಟನೆ ಶುರು ಮಾಡಿದರು. ಆದರೆ ತಮ್ಮ ಮೊದಲ ಧಾರಾವಾಹಿಯಲ್ಲಿ ಕಿರಿಕ್ ಆಗಿ ಅದರಿಂದ ದೂರ ನಡೆದರು.

ಅಪ್ಪನ ಮೆಚ್ಚಿಸಬೇಕು

ಸದ್ಯ ಬಿಗ್ ಬಾಸ್ ಮೆಟ್ಟಿಲು ಏರಿರುವ ಆಶಿತಾ ಏನೇ ಜಗಳ ಇದ್ದರೂ ತಮ್ಮ ತಂದೆಯಿಂದ ಭೇಷ್ ಎನಿಸಿಕೊಳ್ಳುವ ಕೆಲಸ ಮಾಡಬೇಕು ಎನ್ನುವ ಹಾದಿಯಲ್ಲಿ ಸಾಗುತ್ತಿದ್ದಾರೆ.

ಮುಂದಿನ ಗುರಿ

ಧಾರಾವಾಹಿಯ ಮೂಲಕ ಎಲ್ಲರ ಗಮನ ಸೆಳೆದಿರುವ ಆಶಿತಾ ಸಿನಿಮಾದಲ್ಲಿ ಒಂದು ಒಳ್ಳೆಯ ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ.