ಮೊದಲ ದಿನವೇ ನಾಮಿನೇಟ್ ಆದ 'ಸೇಲ್ಸ್ ಮ್ಯಾನ್' ದಿವಾಕರ್ ಬದುಕಿನ ಕಥೆ-ವ್ಯಥೆ

ಸೇಲ್ಸ್ ಮ್ಯಾನ್ ದಿವಾಕರ್

ಟಿಪ್ ಟಾಪ್ ಆಗಿ ರೆಡಿಯಾಗಿ, ಹೆಗಲಿಗೆ ಒಂದು ಬ್ಯಾಗ್ ನೇತು ಹಾಕಿಕೊಂಡು, ಊರೂರು ಸುತ್ತುವ 'ಸೇಲ್ಸ್ ಮ್ಯಾನ್' ಕೆಲಸ ಮಾಡುವವರು ದಿವಾಕರ್.

ಒಂಬತ್ತು ವರ್ಷಗಳಿಂದ ಸೇಲ್ಸ್ ಮ್ಯಾನ್ ವೃತ್ತಿ

ಒಂಬತ್ತು ವರ್ಷಗಳಿಂದ ಸೇಲ್ಸ್ ಮ್ಯಾನ್ ಕೆಲಸ ಮಾಡುತ್ತಿರುವ ದಿವಾಕರ್, ಕಾಲು ನೋವು, ಬೆನ್ನು ನೋವು, ಸೊಂಟ ನೋವು... ಶರೀರದಲ್ಲಿ ಯಾವುದೇ ಮೂಳೆ ನೋವು ಇದ್ದರೂ... ನೆಗಡಿ, ಶೀತ, ಕಫ, ಕೆಮ್ಮು ಬಂದರೂ, ಅದನ್ನ ಶಮನ ಮಾಡುವ ಆಯುರ್ವೇದಿಕ್ ಪ್ರಾಡೆಕ್ಟ್ ಒಂದನ್ನ ಮಾರಾಟ ಮಾಡುತ್ತಾ ಬಂದಿದ್ದಾರೆ.

ದಿವಾಕರ್ ಮಾಡದ ಕೆಲಸ ಇಲ್ಲ

ಹಾಗ್ನೋಡಿದರೆ, ಇಲ್ಲಿಯವರೆಗೂ ದಿವಾಕರ್ ಮಾಡದ ಕೆಲಸ ಇಲ್ಲ. ಜೀವನ ನಡೆಸಲು ಏನೇನು ಕೆಲಸ ಮಾಡಬೇಕೋ, ಎಲ್ಲಾ ಕೆಲಸವನ್ನೂ ಮಾಡಿದ್ದಾರೆ. ಎಮ್ಮೆ ಮೇಯಿಸಿದ್ದಾರೆ, ಹೋಟೆಲ್ ನಲ್ಲಿ ಕೆಲಸ ಮಾಡಿದ್ದಾರೆ, ಕೂಲಿ ಹಾಗೂ ಗಾರೆ ಕೆಲಸವನ್ನೂ ಮಾಡಿರುವ ದಿವಾಕರ್ ಹೊಟ್ಟೆ ಹಸಿವಾದಾಗ ಭಿಕ್ಷೆ ಕೂಡ ಬೇಡಿದ್ದಾರಂತೆ.

ಎರಡನೇ ಕ್ಲಾಸ್ ಓದಿರುವ ದಿವಾಕರ್

ನರಸೀಪುರದಲ್ಲಿ ಹುಟ್ಟಿ ಮಡಿಕೇರಿಯಲ್ಲಿ ಬೆಳೆದ ದಿವಾಕರ್ ಗೆ ಮದುವೆ ಆಗಿ ಮಗು ಇದೆ. ಎರಡನೇ ಕ್ಲಾಸ್ ವರೆಗೂ ಓದಿರುವ ದಿವಾಕರ್ ಗೆ ಕನ್ನಡ, ತೆಲುಗು, ತಮಿಳು ಭಾಷೆ ಮಾತನಾಡಲು ಬರುತ್ತದೆ.

ಸೇಫ್ ಆಗುತ್ತಾರಾ ದಿವಾಕರ್.?

ಯಾವುದೇ ಪ್ಲಾನ್ನಿಂಗ್ ಇಲ್ಲದೆ, 'ಬಿಗ್ ಬಾಸ್' ಮನೆಯೊಳಗೆ ಕಾಲಿಟ್ಟ ಮೊದಲ ವಾರವೇ ಟಾರ್ಗೆಟ್ ಆಗಿರುವ ದಿವಾಕರ್, ಎಲಿಮಿನೇಷನ್ ನಿಂದ ಸೇಫ್ ಆಗ್ತಾರಾ.? ನೋಡೋಣ.