'ಬಿಗ್ ಬಾಸ್' ವೇದಿಕೆ ಮೇಲೆ ಚಮಕ್ ಕೊಟ್ಟ ಚಂದ್ರು ಸಿಹಿಯೋ.? ಕಹಿಯೋ.?

ಸಿಹಿ ಕಹಿ ಚಂದ್ರು ಹಿನ್ನಲೆ

ಅಶ್ವತ್ಥ ನಾರಾಯಣ ರಾವ್ ಹಾಗೂ ಮೀನಾಕ್ಷಿ ದಂಪತಿಯ ಪುತ್ರ ಚಂದ್ರಶೇಖರ್. 1961 ರಲ್ಲಿ ಹುಟ್ಟಿದ ಚಂದ್ರಶೇಖರ್ ರವರಿಗೆ ಚಿಕ್ಕವಯಸ್ಸಿನಿಂದಲೂ ನಾಟಕ, ನಟನೆ ಬಗ್ಗೆ ಆಕರ್ಷಣೆ ಇತ್ತು. ಅದರಂತೆಯೇ ಕನ್ನಡ ಚಿತ್ರರಂಗಕ್ಕೆ ಚಂದ್ರಶೇಖರ್ ಪದಾರ್ಪಣೆ ಮಾಡಿದರು.

'ಸಿಹಿ ಕಹಿ' ಸೀರಿಯಲ್

ಕಿರುತೆರೆಯ ಧಾರಾವಾಹಿಗಳಲ್ಲಿ ನಟಿಸುತ್ತಿದ್ದ ಚಂದ್ರಶೇಖರ್, ಅಂದಿನ ಕಾಲಕ್ಕೆ ಅತಿ ಹೆಚ್ಚು ಟಿ.ಆರ್.ಪಿ ಹೊಂದಿದ್ದ ದೂರದರ್ಶನದ 'ಸಿಹಿ ಕಹಿ' ಸೀರಿಯಲ್ ನ ಪ್ರಮುಖ ಪಾತ್ರಧಾರಿ. ಈ ಸೀರಿಯಲ್ ನಿಂದಲೇ ಚಂದ್ರಶೇಖರ್ ರವರಿಗೆ 'ಸಿಹಿ ಕಹಿ ಚಂದ್ರು' ಎಂಬ ಹೆಸರು ಬಂತು.

'ಸಿಹಿ ಕಹಿ' ಕುಟುಂಬ

'ಸಿಹಿ ಕಹಿ' ಧಾರಾವಾಹಿಯಲ್ಲೇ ನಟಿಸುತ್ತಿದ್ದ ಗೀತಾ ಹಾಗೂ ಚಂದ್ರು ಪ್ರೀತಿಸಿ ಮದುವೆ ಆದರು. ಸಿಹಿ ಕಹಿ ಚಂದ್ರು ಹಾಗೂ ಸಿಹಿ ಕಹಿ ಗೀತಾ ದಂಪತಿಗೆ ಹಿತಾ ಮತ್ತು ಖುಷಿ ಎಂಬ ಇಬ್ಬರು ಹೆಣ್ಮಕ್ಕಳಿದ್ದಾರೆ.

ಹಾಸ್ಯ ನಟ

'ಗೋಲ್ ಮಾಲ್ ರಾಧಾ ಕೃಷ್ಣ', 'ಸ್ಪರ್ಶ', 'ಬೊಂಬಾಟ್ ಹೆಂಡ್ತಿ', 'ಗೌರಿ ಗಣೇಶ', 'ಗಣೇಶನ ಮದುವೆ' ಸೇರಿದಂತೆ ಹಲವು ಕನ್ನಡ ಸಿನಿಮಾಗಳಲ್ಲಿ ಹಾಸ್ಯ ಕಲಾವಿದನಾಗಿ, ಪೋಷಕ ಪಾತ್ರಧಾರಿಯಾಗಿ ನಟಿಸಿದ ಖ್ಯಾತಿ ಸಿಹಿ ಕಹಿ ಚಂದ್ರುರವರದ್ದು.

ಜನಪ್ರಿಯ ಧಾರಾವಾಹಿಗಳ ನಿರ್ದೇಶಕ

ಕಿರುತೆರೆಯಲ್ಲಿಯೇ ಅತಿ ಹೆಚ್ಚು ಜನಪ್ರಿಯತೆ ಗಳಿಸಿದ 'ಪಾಪಾ ಪಾಂಡು' ಹಾಗೂ 'ಸಿಲ್ಲಿ ಲಲ್ಲಿ' ಧಾರಾವಾಹಿಗಳ ನಿರ್ದೇಶಕ ಕೂಡ ಇದೇ 'ಸಿಹಿ ಕಹಿ ಚಂದ್ರು'.

ಖ್ಯಾತಿ ತಂದುಕೊಟ್ಟ ಬೊಂಬಾಟ್ ಭೋಜನ

ಇವೆಲ್ಲದರ ಜೊತೆಗೆ ರುಚಿಕರವಾದ ಅಡುಗೆ ಮಾಡುವುದರಲ್ಲಿಯೂ ಸಿಹಿ ಕಹಿ ಚಂದ್ರು ಫೇಮಸ್ಸು. ಅದಕ್ಕೆ ಸಾಕ್ಷಿ 'ಬೊಂಬಾಟ್ ಭೋಜನ' ಕಾರ್ಯಕ್ರಮ.

ನಾನ್ ವೆಜ್ ಅಡುಗೆ ಮಾಡಲ್ಲ

ಸದ್ಯ ಸಿಹಿ ಕಹಿ ಚಂದ್ರು 'ಬಿಗ್ ಬಾಸ್' ಮನೆ ಪ್ರವೇಶ ಮಾಡಿದ್ದಾರೆ. ಯಾವುದೇ ಕಾರಣಕ್ಕೂ ಮಾಂಸಾಹಾರ ತಿನ್ನಲ್ಲ, ನಾನ್ ವೆಜ್ ಅಡುಗೆ ಕೂಡ ಮಾಡಲ್ಲ, ಕೂಗಾಡುವುದಿಲ್ಲ, ಇನ್ನೊಬ್ಬರ ಬಗ್ಗೆ ಸುಳ್ಳು ಹೇಳಲ್ಲ ಎನ್ನುತ್ತಾ 'ಬಿಗ್ ಬಾಸ್' ಮನೆಯೊಳಗೆ ಹೋಗಿರುವ ಸಿಹಿ ಕಹಿ ಚಂದ್ರು ಜರ್ನಿ ಸಿಹಿಯಾಗಿರುತ್ತೋ, ಕಹಿಯಾಗಿರುತ್ತೋ... ನೋಡೋಣ.