ದರ್ಶನ್ - ಪುನೀತ್ ರಾಜ್ ಕುಮಾರ್ ನಡುವೆ TRP ಚಾಲೆಂಜ್ !

'ತಾರಕ್' ಸಿನಿಮಾ

ದರ್ಶನ್ ಅಭಿನಯದ 'ತಾರಕ್' ಸಿನಿಮಾ ಈಗ ಟಿವಿಯಲ್ಲಿ ಪ್ರಸಾರ ಆಗುತ್ತಿದೆ. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಇದೇ ಭಾನುವಾರ ಯುಗಾದಿ ಹಬ್ಬದ ವಿಶೇಷವಾಗಿ ಈ ಸಿನಿಮಾ ಪ್ರಸಾರ ಆಗಲಿದೆ.

'ಅಂಜನೀಪುತ್ರ' ಚಿತ್ರ

ವಿಶೇಷ ಅಂದರೆ ಪುನೀತ್ ರಾಜ್ ಕುಮಾರ್ ಅವರ 'ಅಂಜನೀಪುತ್ರ' ಸಿನಿಮಾ ಕೂಡ ಅದೇ ದಿನ ಪ್ರಸಾರ ಆಗುತ್ತಿದೆ. ಯುಗಾದಿ ಹಬ್ಬಕ್ಕೆ ಉದಯ ಟಿವಿಯಲ್ಲಿ ಪುನೀತ್ ಸಿನಿಮಾ ಸಂಜೆ ಆರು ಗಂಟೆಗೆ ಪ್ರಸಾರ ಆಗುತ್ತಿದೆ.

ಟಿ ಆರ್ ಪಿ ಚಾಲೆಂಜ್

ಕನ್ನಡದ ಸ್ಟಾರ್ ನಟರಾದ ದರ್ಶನ್ ಮತ್ತು ಪುನೀತ್ ಅವರ ಸಿನಿಮಾಗಳು ಒಂದೇ ದಿನ ಕಿರುತೆರೆಯಲ್ಲಿ ಪ್ರಸಾರ ಆಗುತ್ತಿದ್ದು, ಸಾಮಾನ್ಯವಾಗಿಯೇ ಟಿ ಆರ್ ಪಿ ಚಾಲೆಂಜ್ ಶುರುವಾಗಿದೆ. ಯಾವ ಸಿನಿಮಾಗೆ ಹೆಚ್ಚು ಟಿ ಆರ್ ಪಿ ಸಿಗುತ್ತದೆ ಎನ್ನುವ ಪ್ರಶ್ನೆ ಹುಟ್ಟಿಕೊಂಡಿದೆ.

'ದೊಡ್ಮನೆ ಹುಡ್ಗ' ನಂಬರ್ 1

ಇಲ್ಲಿಯವರೆಗೆ ಕನ್ನಡ ಕಿರುತೆರೆಯಲ್ಲಿ 'ದೊಡ್ಮೆನೆ ಹುಡ್ಗ' ಸಿನಿಮಾ ಅತಿ ಹೆಚ್ಚು ಟಿ ಆರ್ ಪಿ ಪಡೆದ ಸಿನಿಮಾಗಿ ರೆಕಾರ್ಡ್ ಸೃಷ್ಟಿ ಮಾಡಿದೆ.

ಪ್ರಮುಖ ಸಿನಿಮಾಗಳು

'ಕಿರಿಕ್ ಪಾರ್ಟಿ', 'ಚಕ್ರವರ್ತಿ', 'ರಾಜಕುಮಾರ', 'ಮಾಸ್ಟರ್ ಪೀಸ್' ಸಿನಿಮಾಗಳು ಕಿರುತೆರೆಯಲ್ಲಿ ಅತಿ ಹೆಚ್ಚು ಟಿ ಆರ್ ಪಿ ಪಡೆದ ಪ್ರಮುಖ ಸಿನಿಮಾಗಳಾಗಿವೆ.