'ಬೆಣ್ಣೆ ದೋಸೆ' ಹೋಟೆಲ್ ನಲ್ಲಿ ಮಾಲಾಶ್ರೀ ಆಟೋ ಸವಾರಿ

'ಹೆಣ್ಮಕ್ಳೇ ಸ್ಟ್ರಾಂಗು ಗುರು' ಎಂಬ ಮಾತಿನ ಅರ್ಥವನ್ನು 1989ರಲ್ಲಿ ಕನ್ನಡ ಬೆಳ್ಳಿತೆರೆಗೆ ಪದಾರ್ಪಣೆ ಮಾಡಿದ ಮಾಲಾಶ್ರೀ ತಮ್ಮ ಚಿತ್ರಗಳ ಮೂಲಕ ಸಾಬೀತು ಪಡಿಸಿದರು. ಅಂತಹ ನಟಿ 'ಕನಸಿನ ರಾಣಿ' ಮಾಲಾಶ್ರೀ ಈ ವಾರ 'ಬೆಂಗಳೂರು ಬೆಣ್ಣೆದೋಸೆ' ಹೋಟೆಲ್ ನ ಅತಿಥಿ.

'ಬೆಂಗಳೂರು ಬೆಣ್ಣೆ ದೋಸೆ' ಕಾರ್ಯಕ್ರಮದ ಪ್ರಾರಂಭದಲ್ಲಿಯೇ ಆಟೋ ಓಡಿಸಿ, 'ಗಂಗಾ' ಸಿನಿಮಾದ ಝಲಕ್ ನೀಡಿದರು ಮಾಲಾಶ್ರೀ. ತಮ್ಮ ಸಿನಿಮಾಗಳಲ್ಲಿ ವಿಲನ್ ಗಳ ಬೆಂಡೆತ್ತಿ ಬ್ರೇಕ್ ಹಾಕುವ ಮಾಲಾಶ್ರೀ, 'ಬೆಣ್ಣೆ ದೋಸೆ' ಹೋಟೆಲ್ ನಲ್ಲಿ ಹಿಟ್ಟು ರುಬ್ಬಿ ಎಲ್ಲರನ್ನು ರಂಜಿಸಿದ್ದಾರೆ. [ಡಾ.ರಾಜ್ ಕುಮಾರ್, ಅಂಬರೀಶ್ ಬಗ್ಗೆ ಏನ್ ಹೇಳಿದ್ರು ಗೊತ್ತಾ?]

ಜೊತೆಗೆ ''ಕೂಗೋ ಕೋಳಿಗೆ ಖಾರಮಸಾಲೆ..'', ''ಒಳಗೆ ಸೇರಿದರೆ ಗುಂಡು..'', ''ಯಾರಿವಳು ಯಾರಿವಳು..'' ಹಾಡುಗಳಿಗೆ ಸ್ಟೆಪ್ ಹಾಕಿದ್ದಾರೆ. ಮಾಲಾಶ್ರೀ ಸ್ಪೆಷಲ್ 'ಬೆಂಗಳೂರು ಬೆಣ್ಣೆ ದೋಸೆ' ಇದೇ ಅಕ್ಟೋಬರ್ 18 ರಂದು (ಭಾನುವಾರ) ರಾತ್ರಿ 9ಕ್ಕೆ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.