ಬಿಗ್ ಬಾಸ್ ಮನೆಗೆ 'ಗೇ' ಸ್ಪರ್ಧಿ ವೈಲ್ಡ್ ಕಾರ್ಡ್ ಎಂಟ್ರಿ

ಇದಕ್ಕಾಗಿ ರೊಶೆಲ್ ರಾವ್ ಅನಗತ್ಯವಾಗಿ ಮಂದನಾ ವಿರುದ್ಧ ವಿಷಕಾರಿ ನಾಮಿನೇಟ್ ಆಗುವಂತೆ ಮಾಡಿಕೊಂಡರು. ಹೀಗಾಗಿ ಈ ವಾರ ಸೇಫ್ ಆದರು. ರೊಶೆಲ್ ಜೊತೆಗೆ ಪ್ರಿನ್ಸ್ ನರುಲಾ ಕೂಡಾ ಸೇಫ್ ಆಗಿದ್ದಾರೆ. ಒಮ್ಮೆಯಾದರೂ ನಾಮಿನೇಟ್ ಆಗದೆ ಉಳಿಯುವ ಸ್ಥಿತಿ ಹೇಗಿರುತ್ತೆ ಎಂಬುದನ್ನು ನೋಡಬೇಕು ಎನ್ನುತ್ತಿದ್ದ ಸೈಲಂಟ್ ಸ್ಟಾರ್ ರಿಮಿ ಈ ಬಾರಿಯೂ ಮನೆಗೆ ಹೋಗುವ ಮನಸ್ಥಿತಿಯಲ್ಲಿದ್ದೇನೆ ಎನ್ನುತ್ತಿದ್ದಾರೆ.

ಬಿಗ್ ಬಾಸ್ ನ ಅಪ್ಪಟ ಅಭಿಮಾನಿ ಎಂದು ಹೇಳಿಕೊಳ್ಳುವ ವಸ್ತ್ರ ವಿನ್ಯಾಸಕ ಕನ್ವಲ್ಜೀತ್ ಅವರು ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಡುವ ದೃಶ್ಯಾವಳಿಯ ಕ್ಲಿಪಿಂಗ್ ಗಳು ಈಗಾಗಲೇ ಪ್ರಸಾರವಾಗಿವೆ. ಸೀಸನ್ 1 ರಿಂದ ನಾನು ಒಮ್ಮೆಯಾದರೂ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಡುವ ಕನಸು ಕಾಣುತ್ತಿದ್ದೆ. ಈಗ ಮನೆಗೆ ಎಂಟ್ರಿ ಕೊಡಲು ತುಂಬಾ ಉತ್ಸುಕನಾಗಿದ್ದೇನೆ ಎಂದಿದ್ದಾರೆ.

ನಾನು ಇಲ್ಲಿ ಗೇ ಫ್ಯಾಷನ್ ಸಮುದಾಯದ ಪ್ರತಿನಿಧಿಯಾಗಿ ಇರುತ್ತೇನೆ. ನಾನು ಸ್ಪರ್ಧಿಯಾಗಿ ಉಳಿಯುತ್ತೇನೆ ಹಾಗೂ ಫಿನಾಲೆ ತನಕ ಹೋಗುವ ಭರವಸೆ ಇದ್ದೆ . ಇದಕ್ಕಾಗಿ ಯಾವುದೇ ಪೂರ್ವ ತಯಾರಿ ಅಗತ್ಯವಿಲ್ಲ ಎಂದಿದ್ದಾರೆ. ಮಾಧುರಿ ದೀಕ್ಷಿತ್, ಅಮಿತಾಬ್ ಬಚ್ಚನ್, ರಿಯಾ ಸೇನ್, ರಾಖಿ ಸಾವಂತ್, ಡಾಲಿ ಬಿಂದ್ರಾ ಅವರಿಗೆ ವಸ್ತ್ರ ವಿನ್ಯಾಸ ಮಾಡಿದ್ದಾರೆ.

ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದಿದ್ದ ಪುನೀತ್ ವಶಿಷ್ಠ ಹಾಗೂ ರಿಷಬ್ ಸಿನ್ಹಾ ಪೈಕಿ ಪುನೀತ್ ಮನೆಯಿಂದ ಹೊರಬಿದ್ದಿದ್ದಾರೆ. ಈಗ ಕನ್ವಲ್ಜೀತ್ ಅವರು ಕೂಡಾ ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದುಕೊಳ್ಳುತ್ತಿದ್ದಾರೆ. ಕೀತ್ ಮರು ಪ್ರವೇಶ ಪಡೆದುಕೊಳ್ಳುತ್ತಿದ್ದಾರೆ.

ಫ್ಯಾಷನ್ ವಿನ್ಯಾಸಕ, ಟಿವಿ ಕಲಾವಿದ ಇಮಾಮ್ ಸಿದ್ದಿಕಿ ಈ ಹಿಂದೆ ಬಿಗ್ ಬಾಸ್ ಸ್ಪರ್ಧಿಯಾಗಿದ್ದರು. ಇವರು ಕನ್ವಲ್ಜೀತ್ ಬಾಲ್ಯದ ಗೆಳೆಯರು ಎಂಬುದು ಗುಟ್ಟಿನ ಸಂಗತಿಯೇನಲ್ಲ. ಈ ಹಿಂದೆ ವಿಜೆ ಆಂಡಿ ಸೇರಿದಂತೆ ಅನೇಕರು ಬಿಗ್ ಬಾಸ್ ಮನೆಯಲ್ಲಿ ಎಲ್ ಜಿಬಿಟಿ ಸಮುದಾಯದ ಕೆಟಗರಿಗೆ ಬೆಂಬಲ ಸೂಚಿಸಿದ್ದರು.