For Quick Alerts
    ALLOW NOTIFICATIONS  
    For Daily Alerts

    ಬಿಗ್‌ಬಾಸ್ ವಿರುದ್ಧ ಹರಿಹಾಯ್ದ ಮಾಜಿ ಸ್ಪರ್ಧಿ

    |

    ಬಿಗ್‌ಬಾಸ್ ಭಾರತದ ಜನಪ್ರಿಯ ರಿಯಾಲಿಟಿ ಶೋಗಳಲ್ಲಿ ಒಂದಾಗಿದೆ. ಕನ್ನಡ, ಹಿಂದಿ, ತೆಲುಗು, ತಮಿಳು, ಮಲಯಾಳಂ, ಬೆಂಗಾಲಿ, ಮರಾಠಿ ಭಾಷೆಗಳಲ್ಲಿ ಬಿಗ್‌ಬಾಸ್ ಪ್ರಸಾರವಾಗುತ್ತಿದೆ. ಎಲ್ಲ ಭಾಷೆಗಳಲ್ಲಿಯೂ ಸಾಕಷ್ಟು ಜನಪ್ರಿಯತೆ ಪಡೆದುಕೊಂಡಿದೆ ಈ ಶೋ.

    ಬಿಗ್‌ಬಾಸ್‌ಗೆ ಹೋಗಿ ಬಂದ ಸಾಮಾನ್ಯರು ಸಹ ಸೆಲೆಬ್ರಿಟಿಗಳಾಗಿದ್ದಿದೆ. ಆದರೆ ಇದೀಗ ಮಾಜಿ ಬಿಗ್‌ಬಾಸ್ ಸ್ಪರ್ಧಿಯೊಬ್ಬರು ಬಿಗ್‌ಬಾಸ್‌ ಅನ್ನು ಕಠುವಾಗಿ ಟೀಕಿಸಿದ್ದು, ಈ ಶೋ ಅನ್ನು ಬ್ಯಾನ್ ಮಾಡಬೇಕು ಎಂದು ಒತ್ತಾಯಿಸಿದ್ದಾರೆ.

    ಹಿಂದಿ ಬಿಗ್‌ಬಾಸ್ ಸೀಸನ್ 13 ರಲ್ಲಿ ಸ್ಪರ್ಧಿಸಿದ್ದ ನಟಿ ಹಿಮಾಂಶಿ ಖುರಾನಾ ಇದೀಗ ಬಿಗ್‌ಬಾಸ್ ವಿರುದ್ಧ ಟೀಕಾಪ್ರಹಾರ ನಡೆಸಿದ್ದಾರೆ.

    ಐಎಚ್‌ಡಬ್ಲು ಕೌನ್ಸಿಲ್‌ (ಇಂಟಿಗ್ರೇಟೆಡ್ ಹೆಲ್ತ್ ಕೌನ್ಸಿಲ್‌) ಜೊತೆಗಿನ ಸಂದರ್ಶನದಲ್ಲಿ ಮಾತನಾಡಿರುವ ನಟಿ ಹಿಮಾಂಶಿ, ''ಜನರು ನಾವು ಯಾವ ರಿಯಾಲಿಟಿ ಶೋನಲ್ಲಿ ಭಾಗವಹಿಸುತ್ತೇವೆಯೋ ಅದರ ಆಧಾರದ ಮೇಲೆ ನಮ್ಮನ್ನು ಗುರುತಿಸುತ್ತಾರೆ, ನಮ್ಮ ವ್ಯಕ್ತಿತ್ವ ಇಂಥಹದ್ದೆಂದು ಅಳೆಯುತ್ತಾರೆ. ಆದರೆ ಅವರಿಗೆ ಕ್ಯಾಮೆರಾದ ಹಿಂದೆ ಏನಾಗುತ್ತದೆ ಎಂಬುದು ಗೊತ್ತಿರುವುದಿಲ್ಲ'' ಎಂದಿದ್ದಾರೆ.

    ''ಆಯೋಜಕರಿಗೆ ಕೆಲವು ಸ್ಪರ್ಧಿಗಳು ಫೇವರೇಟ್‌ಗಳಾಗಿರುತ್ತಾರೆ, ಹಾಗಾಗಿ ಅವರನ್ನು ಹೀರೋ ಮಾಡಲು ಆಯ್ದ ದೃಶ್ಯಗಳನ್ನಷ್ಟೆ ತೋರಿಸುತ್ತಾರೆ. ಆಗ ಉಳಿದ ಸ್ಪರ್ಧಿಗಳು ವಿಲನ್‌ಗಳಂತೆ ಕಾಣುತ್ತಾರೆ. ಇದು ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲಿಂಗ್‌ಗೂ ಕಾರಣವಾಗುತ್ತದೆ'' ಎಂದಿದ್ದಾರೆ ಹಿಮಾಂಶಿ.

    ''ಬಿಗ್‌ಬಾಸ್‌ ಮನೆಯಲ್ಲಿದ್ದ ಸಮಯ ನನ್ನ ಜೀವನದ ಬಹಳ ಕೆಟ್ಟ ಸಮಯ, ಅಲ್ಲಿ ಸಾಕಷ್ಟು ವಿಷಯಗಳು ನಡೆಯುತ್ತಿದ್ದವು, ಜಗಳಗಳು ನಡೆಯುತ್ತಿದ್ದವು ಅವು ನನ್ನ ಮಾನಸಿಕ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿದವು. ನನಗೆ ಖಿನ್ನತೆ ಕಾಡಲಾರಂಭಿಸಿತು, ಪ್ಯಾನಿಕ್ ಅಟ್ಯಾಕ್‌ಗಳು ಆಗಲಾರಂಭವಾಯ್ತು'' ಎಂದಿದ್ದಾರೆ.

    ಆಟಗಾರರನ್ನು ಬಹಳ ಕೆಟ್ಟದಾಗಿ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಮಾಡಲಾಗುತ್ತದೆ. ಆ ಟ್ರೋಲ್‌ಗಳು ಆ ಸ್ಪರ್ಧಿಗಳ ಮನಸ್ಸಿನ ಮೇಲೆ ಗಾಢ ಪರಿಣಾಮ ಬೀರುತ್ತವೆ. ಸ್ಪರ್ಧಿಗಳು ಮನೆಯಿಂದ ಹೊರಗೆ ಬಂದ ಮೇಲೆ ಅವರು ಯಾವುದೇ ವಿಷಯ ಮಾತನಾಡಿದರೂ ಅದನ್ನು ಋಣಾತ್ಮಕವಾಗಿ ಪರಿಗಣಿಸುತ್ತಾರೆ. ವ್ಯಂಗ್ಯ ಮಾಡುತ್ತಾರೆ. ನಾನು ಇದನ್ನು ಅನುಭವಿಸಿದ್ದೇನೆ. ಇದರಿಂದಾಗಿಯೇ ನಾನು ಖಿನ್ನತೆಗೆ ಜಾರಿದ್ದೆ. ಆದರೆ ಈಗ ನನ್ನ ಮಾನಸಿಕ ಆರೋಗ್ಯ ಚೆನ್ನಾಗಿದೆ'' ಎಂದಿದ್ದಾರೆ.

    English summary
    Hindi Bigg Boss former contestant Himanshi Khurana lambasted on Bigg Boss reality show. She said due to that show my mental health was disturbed.
    Tuesday, December 20, 2022, 7:45
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X