ನಿಮಗ್ಯಾರಿಗೂ ಗೊತ್ತಿಲ್ಲದ 'ಬಿಗ್ ಬಾಸ್' ಸುದೀಪ್.!

'ಬಿಗ್ ಬಾಸ್-3' ಸ್ಪೆಷಾಲಿಟಿ ಏನು?

''ಬಿಗ್ ಬಾಸ್' ಕರ್ನಾಟಕಕ್ಕೆ ಶಿಫ್ಟ್ ಆಗಿರುವುದು ಈ ಬಾರಿಯ (ಸೀಸನ್ 3) ವಿಶೇಷ. ತುಂಬಾ ಖರ್ಚು ಮಾಡಿದ್ದಾರೆ ಅದಕ್ಕಾಗಿ. ಇದುವರೆಗೂ ಯಾವುದೇ ಭಾಷೆಯಲ್ಲಿ 'ಬಿಗ್ ಬಾಸ್' ಮನೆ ಶಿಫ್ಟ್ ಆಗಿಲ್ಲ. ಇದು ಸಾಧ್ಯವಾಗಿದ್ದು ನಿಮ್ಮೆಲ್ಲರಿಂದ. ಇಲ್ಲಿ ಕಾರ್ಯಕ್ರಮಕ್ಕೆ ಹೆಚ್ಚು ಜನಪ್ರಿಯತೆ ಇರುವ ಕಾರಣ, ಮನೆ ಇಲ್ಲಿಗೆ ಶಿಫ್ಟ್ ಆಗಿದೆ.'' - ಸುದೀಪ್['ನನ್ನ ಮದುವೆ ಆಗಿ' ಅಂತ ಸುದೀಪ್ ಬಹಿರಂಗವಾಗಿ ಕೇಳಿದ್ದು ಯಾರಿಗೆ?]

ನನಗೆ ಖುಷಿ ಯಾಕ್ ಗೊತ್ತಾ?

''ಬಿಗ್ ಬಾಸ್' ಮನೆ ಶಿಫ್ಟ್ ಆಗಿರುವುದು ನನಗೆ ಖುಷಿ. ಯಾಕೆ ಅಂದ್ರೆ, ಶೋ ಮುಗಿಯುತ್ತಿದ್ದ ಹಾಗೆ ನಾನು ಮನೆಗೆ ಹೋಗಬಹುದು. ನಾನು ನಿದ್ದೆ ಇಲ್ಲದೇ ಕೆಲಸ ಮಾಡುತ್ತಿದ್ದೆ ಈ ಶೋಗಾಗಿ. ನನಗೆ ಆಗ್ತಾನೇ ಇರ್ಲಿಲ್ಲ. ಪೂಣೆಗೆ ಹೋಗುವುದಕ್ಕೆ 2 ಗಂಟೆ ಬೇಕು. ಅಲ್ಲಿಂದ ಲೋನಾವಾಲಾಗೆ ತೆರಳಬೇಕು. ತುಂಬಾ ಕಷ್ಟ.'' - ಸುದೀಪ್

ನಿದ್ದೆಗೆಟ್ಟು ಕೆಲಸ ಮಾಡಿದ್ದೇನೆ.!

''ನನಗೆ ಚೆನ್ನಾಗಿ ದುಡ್ಡು ಕೊಟ್ಟಿದ್ದಾರೆ. ಅದಕ್ಕೆ ಶೋ ಮಾಡುತ್ತಿದ್ದೇನೆ ಅಂತ ಎಲ್ಲರೂ ಅಂದುಕೊಳ್ಳಬಹುದು. ಆದ್ರೆ, ಸತ್ಯ ಅದಲ್ಲ. ನಾನು ಬಿಗ್ ಬಾಸ್ ಆಗಿ ನಿದ್ದೆ ಇಲ್ಲದೆ ಕೆಲಸ ಮಾಡಿದ್ದೇನೆ.'' - ಸುದೀಪ್

ಸುದೀಪ್ ಶೆಡ್ಯೂಲ್ ಇರುವುದು ಹೀಗೆ.....

''ಕಳೆದ ಬಾರಿ ನನಗೆ 'ರನ್ನ' ಶೂಟಿಂಗ್ ಕೂಡ ಇತ್ತು. 'ರನ್ನ' ಶೂಟಿಂಗ್ ಮುಗಿಸಿ ನಾನು 5 ಗಂಟೆಗೆ ಹೊರಟರೆ, 9 ಗಂಟೆಗೆ ಫ್ಲೈಟ್ ಇತ್ತು. 11 ಗಂಟೆಗೆ ಪೂಣೆಯಲ್ಲಿ ಲ್ಯಾಂಡ್ ಆಗ್ತಿದ್ದೆ. ಅಲ್ಲಿಂದ ಕಾರ್ ನಲ್ಲಿ ಲೋನಾವಾಲಾಗೆ ಹೊರಟು ತಲುಪುದರೊಳಗೆ 12.30 ಆಗ್ತಿತ್ತು.'' - ಸುದೀಪ್

ಇಡೀ ರಾತ್ರಿ ಜಾಗರಣೆ

''ಅಲ್ಲಿ ಊಟ ಮಾಡಿದ ತಕ್ಷಣ, ವಾರದ ಐದು ಎಪಿಸೋಡ್ ಗಳನ್ನ ನಾನು ನೋಡಬೇಕಿತ್ತು. ಅದೆಲ್ಲಾ ನೋಡುವಷ್ಟರಲ್ಲಿ ಬೆಳಗ್ಗೆ 5 ಗಂಟೆ ಆಗ್ತಿತ್ತು. ಅಷ್ಟೊತ್ತಿಗೆ ನಾನು ಮಲಗಿದ್ರೆ, ತಿಪ್ಪರಲಾಗ ಹಾಕಿದ್ರೂ ನನ್ನನ್ನ ಏಳಿಸುವುದಕ್ಕೆ ಆಗಲ್ಲ. ಹೀಗಾಗಿ, ಮಲಗುತ್ತಿರಲಿಲ್ಲ. ಅಷ್ಟರಲ್ಲಿ ರೈಟರ್ಸ್ ಬಂದು ಏನೇನು ಮಾತನಾಡಬೇಕು ಅನ್ನುವ ಬಗ್ಗೆ ಚರ್ಚೆ ಆಗ್ತಿತ್ತು.'' - ಸುದೀಪ್

ಒಂದೇ ದಿನ ಎರಡು ಎಪಿಸೋಡ್

''ಎಲ್ಲವೂ ಫೈನಲ್ ಆದ ತಕ್ಷಣ ಶೂಟಿಂಗ್ ಸ್ಟಾರ್ಟ್ ಆಗ್ತಿತ್ತು. ಮೊದಲ ಎಪಿಸೋಡ್ 1.30 ವರೆಗೂ ನಡೆಯುತ್ತಿತ್ತು. ಸ್ವಲ್ಪ ಗ್ಯಾಪ್ ತಗೊಂಡು 4.30 ಗೆ ಸೆಕೆಂಡ್ ಎಪಿಸೋಡ್ ಶುರುಮಾಡಿದರೆ 12 ಗಂಟೆಗೆ ಪ್ಯಾಕಪ್ ಆಗ್ತಿತ್ತು. 2 ಗಂಟೆಗೆ ಹೊರಟರೆ, ಅವತ್ತೂ ಕೂಡ ನಿದ್ದೆ ಇರ್ತಿರ್ಲಿಲ್ಲ. ಮಾರನೇ ದಿನ ಮತ್ತೆ 'ರನ್ನ' ಶೂಟಿಂಗ್. ಎರಡು ದಿನ ನಿದ್ದೆ ಇಲ್ಲದೆ ಕೆಲಸ. ಹೀಗೆ ಇಡೀ ಕಾರ್ಯಕ್ರಮ ನಡೆಸಿಕೊಟ್ಟಿದ್ದೇನೆ. ಹೀಗಾಗಿ ಬೆಂಗಳೂರಿಗೆ ಶಿಫ್ಟ್ ಆಗಿರುವುದು ನನಗೆ ತುಂಬಾ ಖುಷಿ.'' - ಸುದೀಪ್