ಬಿಗ್ ಬಾಸ್ ನಲ್ಲಿ ಜ್ಯೋತಿರ್ವಿಜ್ಞಾನಿ ಜಯ ಶ್ರೀನಿವಾಸನ್

ಆದಿ ಲೋಕೇಶ್ ರನ್ನು ಯಾಕೆ ಹೊರಹಾಕಿದರು

ಇದೇ ವಿಚಾರವಾಗಿ ಮನೆಯ ಇತರೆ ಸದಸ್ಯರು ಗುರುಪ್ರಸಾದ್ ಅವರ ಬಗ್ಗೆ ಮಾತನಾಡಿಕೊಂಡರು. ಅನುಪಮಾ ಅವರಿಗೆ ಮೆಚ್ಯುರಿಟಿ ಇಲ್ಲ ಎಂದಾದರೆ 110 ಸಿನಿಮಾಗಳನ್ನು ಮಾಡಿದವರು ಆದಿ ಲೋಕೇಶ್ ರನ್ನು ಮನೆಯಿಂದ ಯಾಕೆ ಕಳುಹಿಸಿದರು. ಮನೆಯಲ್ಲಿ ಹೇಗಿದ್ದರು, ಏನು ಮಾಡಿದರು ಎಂಬುದು ಮುಖ್ಯವೇ ಹೊರತು ಸೀನಿಯಾರಿಟಿ, ಅನುಭವ ಮುಖ್ಯ ಅಲ್ಲ ಎಂದೂ ಮಾತನಾಡಿಕೊಂಡರು.

ಮನೆಗೆ ಬಂದ ಹೊಸ ಅತಿಥಿ ಜ್ಯೋತಿರ್ವಿಜ್ಞಾನಿ

ಇದೇ ಸಂದರ್ಭದಲ್ಲಿ ಮನೆಗೆ ಹೊಸ ಅತಿಥಿಯ ಆಗಮನವಾಯಿತು. ಅವರು ಬೇರಾರು ಅಲ್ಲ ಸಂಖ್ಯಾವಾಸ್ತು, ಜ್ಯೋತಿರ್ವಿಜ್ಞಾನಿ, ಮಹರ್ಷಿ ಗುರೂಜಿ ಜಯ ಶ್ರೀನಿವಾಸನ್. ಅವರ ಆಗಮನದಿಂದ ಮನೆಯಲ್ಲಿ ಸ್ವಲ್ಪ ಗಲಿಬಿಲಿ ಉಂಟಾಯಿತು. ಇವರು ಸ್ಪರ್ಧಿಯಾಗಿ ಬಂದರೇ ಅಥವಾ ಅತಿಥಿಯಾಗಿಯೇ ಎಂದು ಕುತೂಹಲದಿಂದ ನೋಡಿದರು.

ಸದಸ್ಯರ ಕಿರುಚಾಟಕ್ಕೆ ಬೆವತು ಹೋದ ಗುರೂಜಿ

ಮನೆಯ ಸದಸ್ಯರು ಗುರೂಜಿ ಜಯ ಶ್ರೀನಿವಾಸನ್ ಅವರನ್ನು ಆದರದಿಂದ ಬರಮಾಡಿಕೊಂಡರು. ಅವರು ಎಲ್ಲರೊಂದಿಗೂ ಮಾತನಾಡುತ್ತಾ ಸಂಖ್ಯಾಶಾಸ್ತ್ರದ ಬಗ್ಗೆಯೂ ಹೇಳಿದರು. ಮನೆಯ ಸದಸ್ಯರ ಅರಚಾಟ, ಕಿತ್ತಾಟ ನೋಡಿ ಅವರು ಕ್ಷಣಕಾಲ ಬೆವತು ಹೋದರು. ನಿಧಾನಕ್ಕೆ ಮಾತನಾಡಿರಪ್ಪಾ. ನೀವು ಅಷ್ಟೆಲ್ಲಾ ಜೋರಾಗಿ ಮಾತನಾಡಿದರೆ ನನಗೆ ಮೈಯಲ್ಲಾ ಬೆವರುತ್ತದೆ ಎಂದರು.

ಅಕುಲ್ ಗೆ ಅದೃಷ್ಟ ಇದೆ, ಆದರೆ

ಅವರು ಮನೆಯಲ್ಲಿ ಇದ್ದ ಸ್ವಲ್ಪ ಹೊತ್ತು ಎಲ್ಲರನ್ನೂ ರಂಜಿಸಿದರು. ಕೆಲವು ಅಭ್ಯರ್ಥಿಗಳ ಜನ್ಮದಿನಕ್ಕೆ ಅನುಗುಣವಾಗಿ ಅವರ ಭವಿಷ್ಯವನ್ನೂ ನುಡಿದರು. ಅಕುಲ್ ಬಾಲಾಜಿ ಅವರು ತಮ್ಮ ಅದೃಷ್ಟ ಸಂಖ್ಯೆ ಆರರ ಪಕ್ಕದ ನಾಲ್ಕು, ಐದು, ಮೂರನ್ನು ಚೆನ್ನಾಗಿ ನೋಡಿಕೊಂಡರೆ ಲಕ್ ಇದೆ ಎಂದರು.

ಎರಡು ಮೂರು ಗಂಟೆಗಳ ಕಾಲ ಇದ್ದ ಗುರೂಜಿ

ಬಳಿಕ ಸುಜನ ಎಂದರು, ಅಲ್ಲೇ ಇದ್ದ ಸೃಜನ್, ಗುರುಗಳೇ ಸುಜನ ಅಲ್ಲ ಸೃಜನ್ ಅಂದರೆ ಕ್ರಿಯೇಟೀವ್ ಎಂದರ್ಥ ಎಂದು ನಮ್ಮ ಹೆಸರನ್ನು ಸ್ಪಷ್ಟಪಡಿಸಿದರು. ಅವರಿಗೂ ಒಳ್ಳೆಯದಾಗುತ್ತದೆ ಎಂದು ಹೇಳಿದರು. ಮನೆಯಲ್ಲಿ ಅವರು ಎರಡು ಮೂರು ಗಂಟೆಗಳ ಕಾಲ ಇದ್ದು ಬಳಿಕ ನಿರ್ಗಮಿಸಿದರು.

ಕೊನೆಯ ಐದು ಸ್ಪರ್ಧಿಗಳು ಯಾರು?

ಜಯ ಶ್ರೀನಿವಾಸನ್ ಅವರನ್ನು ಕನ್ಫೆಷನ್ ರೂಮಿಗೆ ಕರೆದ ಬಿಗ್ ಬಾಸ್ ಒಂದು ಪ್ರಶ್ನೆ ಕೇಳಿದರು. ನಿಮ್ಮ ಪ್ರಕಾರ ಕೊನೆಯ ಐದು ಸ್ಪರ್ಧಿಗಳು ಯಾರಾಗಿರುತ್ತಾರೆಂದು ಕೇಳಿದರು. ಅದಕ್ಕೆ ಅವರು ಕೊಟ್ಟ ಉತ್ತರ ಒಂದನೇ ನಂಬರ್ ನಲ್ಲಿ ಹುಟ್ಟಿರುವ ಸೃಜನ್, ಅಕುಲ್, ರೋಹಿತ್ ಮತ್ತು ಗುರುಪ್ರಸಾದ್. ಇನ್ನೊಬ್ಬರು ಯಾರಾಗಬಹುದು ಎಂಬ ಬಗ್ಗೆ ತಮಗೂ ಖಚಿತವಾಗುತ್ತಿಲ್ಲ ಎಂದರು.

ಗುರುಪ್ರಸಾದ್ ಬಗ್ಗೆ ಮತ್ತೆ ಕಸಿವಿಸಿ

ಬಳಿಕ ಅವರು ಹೊರಟು ಹೋದ ಮೇಲೆ ಅವರೊಂದಿಗೆ ಗುರುಪ್ರಸಾದ್ ನಡೆದುಕೊಂಡಿದ್ದು ಸರಿಇಲ್ಲ ಎಂದು ಮನೆಯ ಸದಸ್ಯರು ಮಾತನಾಡಿಕೊಂಡರು. ಒಟ್ಟಾರೆ ಜಯ ಶ್ರೀನಿವಾಸನ್ ಅವರ ಎಂಟ್ರಿ ಮನೆಯ ಸದಸ್ಯರಿಗೆ ಒಂದು ಭಿನ್ನ ಅನುಭವವಂತೂ ಕೊಟ್ಟಿದೆ.