ಬಿಗ್ ಬಾಸ್ ಮನೆಯ ಅಡುಗೆ ಕೋಣೆಗೆ ಬೀಗ

ವಿಡಿಯೋ ಕ್ಲಿಪ್ಪಿಂಗ್ ನೋಡಲು ಉಳಿದವರಿಗೆ ಶಿಕ್ಷೆ

ಅದರಂತೆ ಎಲ್ಲರೂ ಕಾಲುಗಳ ಅಡಿಯಿಂದ ಕೈಗಳನ್ನು ತೂರಿಸಿ ಎರಡೂ ಕಿವಿಗಳನ್ನು ಹಿಡಿದುಕೊಂಡರು. ಶ್ವೇತಾ ಅವರ ತಾಯಿ ಬಂದಿದ್ದ ವಿಡಿಯೋ ಕ್ಲಿಪ್ಪಿಂಗ್, ಆದಿ ಮತ್ತು ನೀತೂ ಅವರು ಶ್ವೇತಾ ಅವರ ಬಗ್ಗೆ ಮಾತನಾಡಿಕೊಂಡಿದ್ದು, ಟಾಸ್ಕ್ ಒಂದರ ವಿಡಿಯೋ ಕ್ಲಿಪ್ಪಿಂಗ್ ತೋರಿಸಲಾಯಿತು.

ಮದ್ದೂರು ವಡೆ ಆಸೆಗೆ ಬಿಗ್ ಬಾಸ್ ತಣ್ಣೀರು

ಮನೆಯಲ್ಲಿ ಎಲ್ಲರೂ ಮದ್ದೂರು ವಡೆ ತಿನ್ನಬೇಕು ಎಂದು ಬಯಸಿದರು. ಆದರೆ ಬಿಗ್ ಬಾಸ್ ಅವರೆಲ್ಲರ ಆಸೆಗೆ ತಣ್ಣೀರೆರಚಿ ಅಡುಗೆ ಮನೆಗೇ ಬೀಗ ಜಡಿದರು. ಬಿಗ್ ಬಾಸ್ ಇದು ಮೂಲಸೌಲಭ್ಯ. ಇದನ್ನು ನಾನು ಖಂಡಿಸುತ್ತೇವೆ ಎಂದು ಎಲ್ಲರೂ ಹೇಳಿದರು. ಆದರೂ ಮನೆಯ ಸರಳುಗಳಿಂದ ತೂರಿ ಟಿಶ್ಯೂ ಪೇಪರ್ ತೆಗೆದುಕೊಂಡು ಬಂದರು ಸೃಜನ್.

ಅಡುಗೆ ಮನೆಗೆ ಪ್ರವೇಶ ನಿಷಿದ್ಧ

ಕಿಚನ್ ಏರಿಯಾದಲ್ಲಿರುವ ಯಾವುದೇ ವಸ್ತುಗಳನ್ನು ಮುಟ್ಟುವಂತಿಲ್ಲ. ಒಂದು ವೇಳೆ ಹಾಗೇನಾದರೂ ಮಾಡಿದರೆ ಕೊನೆಯ ದಿನಗಳ ಮೇಲೆ ವ್ಯತಿರಿಕ್ತ ಪರಿಣಾಮಗಳಾಗುತ್ತವೆ ಎಂದು ಎಚ್ಚರಿಸಿದರು. ಅದರಂತೆ ಅಲ್ಲಿಂದ ತಂದ ವಸ್ತುಗಳನ್ನು ಅಲ್ಲೇ ಇಡಬೇಕು ಎಂದು ಆದೇಶಿಸಿದರು. ಸೃಜನ್ ಮತ್ತು ಅಕುಲ್ ಅವರಿಗೂ ವಿಶೇಷ ಎಚ್ಚರಿಕೆ ನೀಡಲಾಯಿತು.

ಏಕದಿನದ ಟಾಸ್ಕ್ ಸ್ವಾಭಿಮಾನಕ್ಕೆ ಸಲಾಮ್

ಏತನ್ಮಧ್ಯೆ ಬಿಗ್ ಬಾಸ್ ಏಕ ದಿನದ ಟಾಸ್ಕ್ ನೀಡಿದರು. ಅದುವೇ 'ಸ್ವಾಭಿಮಾನಕ್ಕೆ ಸಲಾಮ್'. ಎಲ್ಲರೂ ತಮ್ಮ ಸ್ವಾಭಿಮಾನವನ್ನು ಬಿಂಬಿಸುವ ಬಾವುಟಗಳನ್ನು ತಯಾರಿಸಬೇಕು. ಅದು ಹೇಗೆ ತನ್ನ ಸ್ವಾಭಿಮಾನಕ್ಕೆ ಪ್ರತೀಕ ಎಂಬುದನ್ನು ಹೇಳಬೇಕು ಎಂದು ಹೇಳಿದರು.

ಎಲ್ಲರ ಕೈಯಲ್ಲೂ ಬಣ್ಣದ ಬಾವುಟ

ಎಲ್ಲರೂ ತಮ್ಮ ತಮ್ಮ ಬಾವುಟದ ಬಗ್ಗೆ ಉದ್ದುದ್ದ ಭಾಷಣ ಬಿಗಿದರು. ತನ್ನ ಬಾವುಟದ ಬಗ್ಗೆ ಶ್ವೇತಾ ಅವರು ಮಾತನಾಡುತ್ತಾ, ನನ್ನ ಹೃದಯದಲ್ಲಿರುವುದು ನಮ್ಮ ಕುಟುಂಬ, ನನ್ನ ಪತಿ ಹಾಗೂ ಸೃಜನ್ ಮತ್ತವರ ಪತ್ನಿ ಗ್ರೀಷ್ಮಾ ಎಂದರು.

ಶ್ವೇತಾ ಬಾವುಟ ಸೋಫಾಗೆ ಟಚ್

ಬಾವುಟವನ್ನು ಸದಾ ತಮ್ಮ ಜೊತೆಗೆ ಇಟ್ಟುಕೊಂಡಿರಬೇಕು. ಕೆಳಗೆ ಇಡುವಂತಿಲ್ಲ. ತಲೆಯಿಂದ ಮೇಲೇ ಇರುವಂತೆ ನೋಡಿಕೊಳ್ಳಬೇಕು ಎಂದು ಎಚ್ಚರಿಸಿದರು. ಮುಂಜಾನೆ ಹೊತ್ತಿಗೆ ಶ್ವೇತಾ ಅವರ ಧ್ವಜಸ್ತಂಭ ಸೋಫಾಗೆ ತಾಕುತ್ತಿತ್ತು. ಉಳಿದವರು ಅದನ್ನು ಹಾಗೆಯೇ ಹಿಡಿದು ಮಲಗಿದ್ದರು. ಈ ಟಾಸ್ಕ್ ನಲ್ಲಿ ಗೆದ್ದವರಿಗೆ ಬಿಗ್ ಬಾಸ್ ವಿಶೇಷ ಬಹುಮಾನ ಕೊಡುವುದಾಗಿ ಘೋಷಿಸಿದ್ದಾರೆ.