ಅಂತೂ ಇಂತೂ 'ತಂಬೂರಿ ಪೆಟ್ಟಿ' ಕೃತಿಕಾ ಔಟ್ ಆದ್ರಪ್ಪಾ!

ಕಡೆಗೂ 'ಬಿಗ್ ಬಾಸ್-3' ವೀಕ್ಷಕರು ಕಾಯುತ್ತಿದ್ದ ಘಳಿಗೆ ಬಂದು ಬಿಟ್ಟಿದೆ. 'ಬಿಗ್ ಬಾಸ್' ಮನೆಯ 'ಡ್ರಾಮಾ ಕ್ವೀನ್' ಅಂತಲೇ ಖ್ಯಾತಿ ಗಳಿಸಿದ್ದ 'ರಾಧಾ ಕಲ್ಯಾಣ' ಖ್ಯಾತಿಯ ಕೃತಿಕಾ ಈ ವಾರ ಎಲಿಮಿನೇಟ್ ಆದರು.

ಕಿರುತೆರೆ ನಟಿಯಾಗಿರುವ ನಟಿ ಕೃತಿಕಾಗೆ ಫ್ಯಾನ್ ಫಾಲೋವರ್ಸ್ ಕಡಿಮೆ. ನಟಿ ಪೂಜಾ ಗಾಂಧಿ, ನಟಿ ಶ್ರುತಿ, ಮಾಸ್ಟರ್ ಆನಂದ್ ಮತ್ತು ಸುನಾಮಿ ಕಿಟ್ಟಿಗೆ ಹೋಲಿಸಿದರೆ ಜನಪ್ರಿಯತೆಯಲ್ಲೂ ಕೃತಿಕಾ ಕೊಂಚ ಹಿಂದೆ. ['ಬಿಗ್ ಬಾಸ್ ಅಲ್ಲ ಫ್ಲಾಪ್ ಬಾಸ್ ಡೌನ್ ಡೌನ್' ಅಂತಾವ್ರೆ ವೀಕ್ಷಕರು!]

ವೀಕ್ಷಕರಿಂದ ಕಡಿಮೆ ಎಸ್.ಎಂ.ಎಸ್ ಪಡೆದ ನಟಿ ಕೃತಿಕಾ ಈ ವಾರ 'ಬಿಗ್ ಬಾಸ್' ಮನೆಯಿಂದ ಗೇಟ್ ಪಾಸ್ ಪಡೆದರು. ಅಲ್ಲಿಗೆ, ವಾರಗಳಿಂದ ಕೃತಿಕಾ ಔಟ್ ಆಗ್ಬೇಕು ಅಂತ ಸಾಮಾಜಿಕ ಜಾಲಾತಾಣಗಳಲ್ಲಿ ಬೊಬ್ಬೆ ಇಡುತ್ತಿದ್ದ ವೀಕ್ಷಕರು ನಿಟ್ಟುಸಿರು ಬಿಟ್ಟಿದ್ದಾರೆ. ['ಕೃತಿಕಾ ಕೊಡೋ ಟಾರ್ಚರ್ ಹೆಂಗ್ ಗುರು ತಡೆಯೋದು?!']

ವೀಕ್ಷಕರ ಎಸ್.ಎಂ.ಎಸ್ ಕೃಪಾಕಟಾಕ್ಷದಿಂದ ಏಳನೇ ಬಾರಿ ಸುನಾಮಿ ಕಿಟ್ಟಿ ಸೇಫ್ ಆದರು. ಹಾಗೇ, ನಟಿ ಶ್ರುತಿ, ಪೂಜಾ ಗಾಂಧಿ, ಮಾಸ್ಟರ್ ಆನಂದ್ ಕೂಡ ಬಚಾವ್ ಆದರು.