'ಡ್ರಾಮಾ ಕ್ವೀನ್' ಕೃತಿಕಾಗೆ ರವಿ ಕೊಟ್ಟ ವಿಚಿತ್ರ ಶಿಕ್ಷೆ.!

'ಬಿಗ್ ಬಾಸ್-3' ಕಾರ್ಯಕ್ರಮದಲ್ಲಿ 'ಡ್ರಾಮಾ ಕ್ವೀನ್' ಅಂತಲೇ ಫೇಮಸ್ ಆಗಿರುವ ಕಿರುತೆರೆ ನಟಿ ಕೃತಿಕಾಗೆ ಈ ವಾರ ವಿಚಿತ್ರ ಶಿಕ್ಷೆ ಸಿಕ್ಕಿದೆ. ಅದೇನಪ್ಪಾ ಅಂದ್ರೆ, 'ಬಿಗ್ ಬಾಸ್' ಮನೆಯಲ್ಲಿ ನೆಲದ ಮೇಲೆ ಕೃತಿಕಾ ಕಾಲಿಟ್ಟು ನಡೆಯುವಂತಿಲ್ಲ.!

ಕೃತಿಕಾ ನೆಲದ ಮೇಲೆ ಕಾಲಿಟ್ಟು ನಡೆಯದಂತೆ ಈ ವಾರದ ಮನೆಯ ಕ್ಯಾಪ್ಟನ್ ನಟಿ ಶ್ರುತಿ ನೋಡಿಕೊಳ್ಳಬೇಕು. ಅಷ್ಟಕ್ಕೂ, ಈ ಶಿಕ್ಷೆಯನ್ನ ಕೃತಿಕಾಗೆ ದಯಪಾಲಿಸಿದವರು ಗಾಯಕ ರವಿ ಮುರೂರು. [ಹುಚ್ಚ ವೆಂಕಟ್ ರಿಂದ ಹೊಡೆತ ತಿಂದ ರವಿ ಈ ಬಾರಿ ಔಟ್?]

'ಬಿಗ್ ಬಾಸ್-3' ಕಾರ್ಯಕ್ರಮದಿಂದ ಈ ವಾರ ಔಟ್ ಆದ ರವಿ ಮುರೂರು, ಮನೆಯಿಂದ ನಿರ್ಗಮಿಸುವ ಮುನ್ನ ಅವರಿಗೆ 'ಬಿಗ್ ಬಾಸ್' ವಿಶೇಷ ಅಧಿಕಾರ ನೀಡಿದರು. ['ಬಿಗ್ ಬಾಸ್' ಮನೆಯಿಂದ ಗಾಯಕ ರವಿ ಮುರೂರು ಔಟ್.!]

''ಬಿಗ್ ಬಾಸ್' ಮುಂದಿನ ಆದೇಶದ ವರೆಗೆ ನೆಲದ ಮೇಲೆ ಕಾಲಿಟ್ಟು ನಡೆಯದಂತೆ ಮನೆಯ ಯಾರಾದರೂ ಒಬ್ಬ ಸದಸ್ಯರ ಹೆಸರನ್ನ ರವಿ ಮುರೂರು ಸೂಚಿಸಬೇಕಿತ್ತು''. ಅದರಂತೆ, ಕೃತಿಕಾ ಹೆಸರನ್ನ ರವಿ ಸೂಚಿಸಿದರು.

ಆ ಕ್ಷಣವೇ ಕೃತಿಕಾರನ್ನ ಕ್ರಿಕೆಟರ್ ಎನ್.ಸಿ.ಅಯ್ಯಪ್ಪ ಹೊತ್ತುಕೊಂಡು 'ಬಿಗ್ ಬಾಸ್' ಮನೆ ಒಳಗೆ ಕರೆದುಕೊಂಡು ಹೋದರು.