'ಬಿಗ್' ಮನೆಗೆ ಎಂಟ್ರಿ ಪಡೆಯುವ 'Common Men' ಸಂಖ್ಯೆ ಬಿಚ್ಚಿಟ್ಟ ಬಿಗ್ ಬಾಸ್ ಡೈರೆಕ್ಟರ್

ಒಟ್ಟು 16 ಜನರಿಗೆ ಪ್ರವೇಶ

''ಈ ಬಾರಿ ಬಿಗ್ ಬಾಸ್ ಮನೆಯೊಳಗೆ ಸುಮಾರು 16 ಸ್ಪರ್ಧಿಗಳು ಪ್ರವೇಶಿಸುವ ಸಾಧ್ಯತೆ ಇದೆ. ಮೊದಲು 15 ಜನ ಎಂದುಕೊಂಡಿದ್ವಿ. ಆದ್ರೆ, ಕಾಮನ್ ಮ್ಯಾನ್ ಗಳ ಪ್ರೊಫೈಲ್ ನೋಡಿದ್ಮೇಲೆ ಇಂಟ್ರೆಸ್ಟಿಂಗ್ ಆಗಿತ್ತು. ಹಾಗಾಗಿ, ಒಟ್ಟು ಸಂಖ್ಯೆಯಲ್ಲೂ ಹೆಚ್ಚು ಮಾಡಬೇಕು ಎನಿಸಿತು'' - ಪರಮೇಶ್ವರ ಗುಂಡ್ಕಲ್, ಬಿಗ್ ಬಾಸ್ ನಿರ್ದೇಶಕ

ಮೊದಲು ಅಂದುಕೊಂಡಿದ್ದು....

''ಮೊದಲು ಕಾಮನ್ ಮ್ಯಾನ್ ಗಳು ಅಂದಾಗ, 3 ರಿಂದ 4 ಜನ ಆಯ್ಕೆ ಮಾಡಬೇಕು ಅಂದುಕೊಂಡ್ವಿ. ಒಟ್ಟು 15 ಜನರನ್ನ ಬಿಗ್ ಬಾಸ್ ಮನೆಗೆ ಕಳುಹಿಸಬೇಕು. ಅದಕ್ಕಿಂತ ಹೆಚ್ಚು ಜನರು ಬೇಡ ಎಂದು ಯೋಚಿಸಿದ್ವಿ'' - ಪರಮೇಶ್ವರ ಗುಂಡ್ಕಲ್, ಬಿಗ್ ಬಾಸ್ ನಿರ್ದೇಶಕ

ಅಂತಿಮವಾಗಿ ಎಷ್ಟು ಜನಸಾಮನ್ಯರಿಗೆ ಟಿಕೆಟ್ ಸಿಕ್ತು

''ಜನ ಸಾಮಾನ್ಯರ ಪಟ್ಟಿಯಲ್ಲಿ ಒಬ್ಬರಿಗಿಂತ ಮತ್ತೊಬ್ಬರು ಗಮನ ಸೆಳೆಯುತ್ತಿದ್ದರು. ಹಾಗಾಗಿ, ನಮ್ಮ ನಿಲುವನ್ನ ಬದಲಿಸಿಕೊಂಡು, ಮತ್ತಿಬ್ಬರಿಗೆ ಅವಕಾಶ ಕೊಡೋಣ ಅಂತ ಮನಸ್ಸು ಬದಲಾಯಿಸಿದ್ವಿ. ಅಂತಿಮ ಕ್ಷಣದಲ್ಲಿ 5 ರಿಂದ 6 ಜನ ಕಾಮನ್ ಮ್ಯಾನ್ ಪಟ್ಟಿಯಲ್ಲಿ ಎಂಟ್ರಿ ಕೊಡಬಹುದು'' - ಪರಮೇಶ್ವರ ಗುಂಡ್ಕಲ್, ಬಿಗ್ ಬಾಸ್ ನಿರ್ದೇಶಕ

ಕಾಮನ್ ಮ್ಯಾನ್ ಗಳ 'ಬಿಗ್ ಬಾಸ್' ಮಾಡಬಹುದು

''ಒಟ್ಟು 15 ಜನರು, ಕಾಮನ್ ಮ್ಯಾನ್ ಗಳನ್ನ ಒಳಗೊಂಡಿರುವ ಬಿಗ್ ಬಾಸ್ ಮಾಡಬೇಕೆಂಬುವುದು ನಮ್ಮ ಆಸೆಯೂ ಹೌದು. ಆದ್ರೆ, ಜನ ಹೇಗೆ ಸ್ವೀಕರಿಸುತ್ತಾರೋ ಗೊತ್ತಿಲ್ಲ. ಯಾಕಂದ್ರೆ, ಈ ಹಿಂದೆ ಸೆಲೆಬ್ರಿಟಿಗಳ ಬಿಗ್ ಬಾಸ್ ನೋಡಿ ಖುಷಿ ಪಟ್ಟಿದ್ದ ಜನ, ಕಾಮನ್ ಮ್ಯಾನ್ ಗಳ ಬಿಗ್ ಬಾಸ್ ನಲ್ಲಿ ನಿರೀಕ್ಷೆಯ ಮನರಂಜನೆ ಸಿಗದೇ ಇದ್ದಾಗ ಅದು ಹಿನ್ನೆಡೆಯಾಗುತ್ತೆ ಎಂಬ ಆತಂಕ. ಆದ್ರೂ, ಮುಂದಿನ ದಿನಗಳಲ್ಲಿ ಇದು ಸಾಧ್ಯವಾದರೂ ಅಚ್ಚರಿಯಿಲ್ಲ'' - ಪರಮೇಶ್ವರ ಗುಂಡ್ಕಲ್, ಬಿಗ್ ಬಾಸ್ ನಿರ್ದೇಶಕ