ಮತ್ತೆ ರೊಚ್ಚಿಗೆದ್ದು ಏಕವಚನ ಬಳಸಿದ ಜಗನ್.! ಇದು ಸೀಕ್ರೆಟ್ ಟಾಸ್ಕ್.?

ಇಬ್ಬರ ನಡುವೆ ಜಗಳ ಆಗಲು ಕಾರಣ.?

ತಿಂಡಿ ತಿಂದ ಬಳಿಕ ತಮ್ಮ ತಟ್ಟೆಯನ್ನ ರಿಯಾಝ್ ಸರಿಯಾಗಿ ತೊಳೆದಿರಲಿಲ್ಲವಂತೆ. ತಟ್ಟೆಯಲ್ಲಿ ದೋಸೆ ಹಾಗೇ ಇದ್ದ ಕಾರಣ, ಕ್ಲೀನ್ ಆಗಿ ತೊಳೆಯಿರಿ ಎಂದು ಜಗನ್ ಹೇಳಿದರು.

ಮಿಸ್ಟರ್ ಪರ್ಫೆಕ್ಟ್ ರಿಯಾಝ್

''ಆ ತರಹ ಇರಲು ಚಾನ್ಸೇ ಇಲ್ಲ. ನಾನು ಏನೇ ಮಾಡಿದರೂ ಪರ್ಫೆಕ್ಟ್ ಆಗಿ ಮಾಡುತ್ತೇನೆ'' ಎಂದು ರಿಯಾಝ್ ಹೇಳಿದರು. ರಿಯಾಝ್ ಆಡಿದ ಈ ಮಾತಿನಿಂದಾಗಿ ಜಗನ್ ಗೆ ಟೆಂಪರ್ ರೈಸ್ ಆಯ್ತು.

ಮಾತಿನ ಚಕಮಕಿ

''ನಿಜವಾಗಲೂ, ಅದರಲ್ಲಿ ದೋಸೆ ಹಾಗೇ ಇತ್ತು. ತುಂಬಾ ಸಂಯಮದಿಂದ ಹೇಳುತ್ತಿದ್ದೇನೆ. ನೀವು ಬೇರೆ ತರಹ ಮಾತನಾಡಿದರೆ, ನಾನು ಬೇರೆ ತರಹ ಮಾತನಾಡಬೇಕಾಗುತ್ತೆ'' ಎಂದು ಏರುದನಿಯಲ್ಲಿ ಜಗನ್ ಮಾತನಾಡಿದ್ದಕ್ಕೆ, ''ಮಾತಾಡು, ಬೇಡ ಅನ್ನಲಿಲ್ಲ. ನಿನ್ನಿಷ್ಟ. ನಾನು ಆ ತರಹ ತೊಳೆಯುವುದಿಲ್ಲ. ಎಷ್ಟು ಕಾಳಜಿ ಇಂದ ತೊಳೆಯುತ್ತೇನೆ ಅಂತ ನನಗೆ ಗೊತ್ತು'' ಎಂದು ರಿಯಾಝ್ ಉತ್ತರಿಸಿದರು.

ಏಕವಚನ ಪ್ರಯೋಗ

''ಲೋ... ನೀನು ತಾನು ಅಂತ ಮಾತನಾಡಬೇಡ. ನೆಟ್ಟಗೆ ಮಾತನಾಡುತ್ತಿದ್ದೇನೆ ಅಂದಾಗ ನೆಟ್ಟಗೆ ಮಾತಾಡು. ನಾನು ಮಾತನಾಡಿದರೆ, ಬಾಯಲ್ಲಿ ಬರುವುದು ತುಂಬಾ ಬೇರೆ ಪದ'' ಎಂದು ಜಗನ್ ಆವಾಝ್ ಹಾಕಿದರು.

ಸೀಕ್ರೆಟ್ ಟಾಸ್ಕ್ ಕೊಟ್ಟಿದ್ದಾರಾ.?

ಜಗನ್ ರವರ ಈ ವರ್ತನೆ ನೋಡಿದ್ಮೇಲೆ, ''ಜಗಳ ಮಾಡುವ, ಕೋಪ ಬರಿಸುವ ಸೀಕ್ರೆಟ್ ಟಾಸ್ಕ್ ನ ಜಗನ್ ಗೆ ಕೊಟ್ಟಿರಬೇಕು'' ಅಂತ ರಿಯಾಝ್ ಲೆಕ್ಕಾಚಾರ ಹಾಕುತ್ತಿದ್ದರು.

ಕೋಪಗೊಂಡ ಜಗನ್

ಇತ್ತ, ''ಪರ್ಫೆಕ್ಟ್ ಆಗಿ ಮಾಡುತ್ತೇನೆ'' ಎಂದು ರಿಯಾಝ್ ಹೇಳಿದ ಮಾತು ಜಗನ್ ತಲೆಯಲ್ಲಿ ಕೊರೆಯುತ್ತಿತ್ತು.