ಸಿಡುಕುವ, ನಾಟಕ ಆಡುವ ಅನುಪಮಾ ಗೌಡ ಈ ವಾರ ಔಟ್ ಆಗ್ಬೇಕ್ ಅಷ್ಟೆ.!

ವೈರಲ್ ಆಗಿದೆ ವಿಡಿಯೋ

ಅನುಪಮಾ ಗೌಡ ಬಗ್ಗೆ ಮೈಸೂರಿನ ಪ್ರಮೋದ್ ಎಂಬುವರು ಮಾತನಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಅಷ್ಟಕ್ಕೂ, ಅನುಪಮಾ ಗೌಡ ಬಗ್ಗೆ ಪ್ರಮೋದ್ ಏನು ಹೇಳಿದರು ಅಂದ್ರೆ.....

ಮುಂಚೆ ಫ್ಯಾನ್ ಆಗಿದ್ದೆ.! ಆದ್ರೆ ಈಗ ಇಲ್ಲ.!

''ನಿಜ ಹೇಳಬೇಕು ಅಂದ್ರೆ, 'ಬಿಗ್ ಬಾಸ್' ನೋಡುವ ಮುಂಚೆ ನಾನು ಅನುಪಮಾ ಗೌಡ ಫ್ಯಾನ್ ಆಗಿದ್ದೆ. ಆದ್ರೆ, 'ಬಿಗ್ ಬಾಸ್' ಒಳಗೆ ಹೋದ ಮೇಲೆ ನಿಮ್ಮ ನೇಚರ್ ಏನು ಅಂತ ನಮಗೆ ಗೊತ್ತಾಯ್ತು'' - ಪ್ರಮೋದ್, ಮೈಸೂರು.

ಸುಮ್ನೆ ಸಿಡುಕು ಯಾಕೆ.?

''ಚಿಕ್ಕ ಚಿಕ್ಕ ವಿಷಯಕ್ಕೆ ಚಂದನ್ ಶೆಟ್ಟಿ ಮೇಲೆ ಸಿಡುಕುತ್ತೀರಾ. ನಿಮಗೆ ಯಾರು ಸ್ಪರ್ಧಿ ಅಂತ ಅನಿಸುತ್ತಾರೆ, ಅವರ ಮೇಲೆ ಎಲ್ಲ ವಿಷಯಕ್ಕೂ ಕೋಪ ಮಾಡಿಕೊಳ್ಳುತ್ತೀರಾ. ಜೆಕೆ ಗೆ ಸಿಕ್ಕಾಪಟ್ಟೆ ಬಕೆಟ್ ಹಿಡಿಯುತ್ತೀರಾ...'' - ಪ್ರಮೋದ್, ಮೈಸೂರು.

ಇಂತಹ ನಾಟಕ ಬೇಕಾ.?

''ನಿಮ್ಮದು-ಜಗನ್ ದು ಏನೇ ಇದ್ದರೂ, ಅದು ಆಚೆ. ನನಗೆ ಬ್ರೇಕಪ್ ಆಗಿದೆ. ಟಾಟ್ಯೂ ಇದೆ ಅಂತ ಮೈಕ್ ಹಾಕೊಂಡು ಹೇಳಬೇಕಾ.? ಮೈಕ್ ತೆಗೆಯುವ ಹಾಗಿಲ್ಲ, ಒಪ್ಪಿಕೊಳ್ಳುತ್ತೇನೆ. ಆದ್ರೆ, ಅದರ ಬಗ್ಗೆ ಚರ್ಚೆ ಮಾಡಲು ಅದು ವೇದಿಕೆಯೇ.? ಹೊರಗಡೆ ಮಾತನಾಡಲು ಜಗನ್ ಎಲ್ಲೂ ಸಿಕ್ಕೇ ಇಲ್ವಾ.? ನೀವೆಲ್ಲ ಒಟ್ಟಿಗೆ ಕಲರ್ಸ್ ನಲ್ಲಿ ವರ್ಕ್ ಮಾಡಿದ್ದೀರಿ ತಾನೆ.? ಈ ನಾಟಕ ಎಲ್ಲ ಯಾಕೆ ಆಡುತ್ತೀರಾ.?'' - ಪ್ರಮೋದ್, ಮೈಸೂರು

'ಬಿಗ್ ಬಾಸ್'ಗೆ ಗೌರವ ಕೊಡಿ

''ಮೊದಲು ಬಿಗ್ ಬಾಸ್ ಗೆ ಗೌರವ ಕೊಡುವುದನ್ನು ಕಲಿಯಿರಿ. ರಿಯಾಝ್ ಕ್ಯಾಪ್ಟನ್ ಆದಾಗ 'ಮೋಸ' ಅಂತ ವ್ಯಂಗ್ಯವಾಗಿ ಹೇಳ್ತೀರಾ. ಹೊರಗೆ ಬನ್ನಿ ರಿಯಾಝ್ ಎಂತಹ ದೊಡ್ಡ ಸೆಲೆಬ್ರಿಟಿ ಅಂತ ನಿಮಗೆ ಗೊತ್ತಾಗುತ್ತೆ'' - ಪ್ರಮೋದ್, ಮೈಸೂರು

ಅಂತಹ ಸ್ಪರ್ಧಿ ನಮಗೆ ಬೇಡ

''ದಯವಿಟ್ಟು ಬಿಗ್ ಬಾಸ್, ನನ್ನದೊಂದು ಕೋರಿಕೆ. ಕಳೆದ ವಾರ ನ್ಯಾಯವಾಗಿ ದಯಾಳ್ ಔಟ್ ಆಗಿದ್ದಾರೆ. ಅದೇ ರೀತಿ ಈ ವಾರ ಅನುಪಮಾ ಗೌಡ ಔಟ್ ಆಗಬೇಕು ಅಷ್ಟೆ. ಅನುಪಮಾ ಇಂದ ನಿಮಗೆ ಟಿ.ಆರ್.ಪಿ ಏನೂ ಗಿಟ್ಟಲ್ಲ. ಅಂತಹ ಸ್ಪರ್ಧಿ ನಮಗೆ ಬೇಡ. ದಯವಿಟ್ಟು ಆಚೆ ಕಳುಹಿಸಿ'' - ಪ್ರಮೋದ್, ಮೈಸೂರು