'ಬಿಗ್ ಬಾಸ್' ಮುಂದೆ 'ಕಾಮನ್ ಮ್ಯಾನ್' ದಿವಾಕರ್ ಇಟ್ಟಿರುವ 'ದೊಡ್ಡ' ಬೇಡಿಕೆ ಏನ್ಗೊತ್ತಾ.?

ಸೀಕ್ರೆಟ್ ರೂಮ್ ನಲ್ಲಿ ದಿವಾಕರ್

'ಬಿಗ್ ಬಾಸ್' ಮನೆಯಿಂದ ಹೊರ ಬಂದಿರುವ ದಿವಾಕರ್ ಸದ್ಯ ಸೀಕ್ರೆಟ್ ರೂಮ್ ನಲ್ಲಿ ಇದ್ದಾರೆ. ಸೀಕ್ರೆಟ್ ರೂಮ್ ನಲ್ಲಿ ಬೇರೆ ಯಾವ ಸ್ಪರ್ಧಿಯೂ ಇಲ್ಲದ ಕಾರಣ, ಹೊಸ ವರ್ಷದ ಪ್ರಯುಕ್ತ ತಮಗೆ ವೈನ್ ಕಳುಹಿಸಿಕೊಡಿ ಎಂದು ದಿವಾಕರ್ 'ಬಿಗ್ ಬಾಸ್' ರನ್ನ ಕೇಳಿಕೊಂಡಿದ್ದಾರೆ.

ಯಾರಿಗೂ ಹೇಳಲ್ವಂತೆ.!

''ದೇವ್ರಾಣೆ... ಸತ್ಯವಾಗ್ಲೂ... ಯಾರಿಗೂ ಹೇಳಲ್ಲ 'ಬಿಗ್ ಬಾಸ್'... ಒಂದೇ ಒಂದು ಚಿಕ್ಕ ಬಾಟಲ್ ವೈನ್... ಹ್ಯಾಪಿ ನ್ಯೂ ಇಯರ್ ಗೆ ಕೊಟ್ಟರೆ ಚೆನ್ನಾಗಿರುತ್ತೆ 'ಬಿಗ್ ಬಾಸ್'' ಎಂದು ಕ್ಯಾಮರಾ ಮುಂದೆ ದಿವಾಕರ್ ಪರಿಪರಿಯಾಗಿ ಕೇಳಿಕೊಳ್ಳುತ್ತಿದ್ದರು.

ಒಬ್ಬನೇ ಇದ್ದೀನಲ್ವಾ..

''ಒಬ್ಬನೇ ಇದ್ದೀನಲ್ವಾ, ಅದಕ್ಕೆ ಕೊಡಿ.. ಇವತ್ತು ಮಾತ್ರ ಕೊಡಿ. ನಾಳೆಯಿಂದ ಬೇಡ. ಮಲಗುವ ಟೈಮ್ ಆದಾಗ ಲೈಟ್ ಆಫ್ ಮಾಡ್ತೀರಲ್ಲಾ.. ಆಗ ಕೊಡಿ ಪರ್ವಾಗಿಲ್ಲ'' - ದಿವಾಕರ್

ಕಿಕ್ ಇರಲ್ಲ.!

''ವೈನ್ ಏನೂ ಕಿಕ್ ಇರಲ್ಲ 'ಬಿಗ್ ಬಾಸ್'. ವೈನ್... ಗೊತ್ತಲ್ವಾ ದ್ರಾಕ್ಷಿಯಿಂದ ಮಾಡಿರುವುದು. ಚಿಕ್ಕ ಬಾಟಲ್ ಕಳುಹಿಸಿಕೊಡಿ 'ಬಿಗ್ ಬಾಸ್'. ಇವತ್ತು ಹೊಸ ವರ್ಷ ಅಲ್ವಾ, ಸೆಲೆಬ್ರೇಷನ್ ಮಾಡ್ತೀವಿ ಅದಕ್ಕೆ ಕಳುಹಿಸಿಕೊಡಿ. ನೀವು ಕೊಟ್ಟು ಬಿಟ್ಟರೆ ಖುಷಿ ಆಗ್ಬಿಡುತ್ತೇನೆ. ಎಷ್ಟು ಖುಷಿ ಆಗುತ್ತೇನೆ ಅಂದ್ರೆ ಸಾಯುವ ತನಕ ಮರೆಯೋದಿಲ್ಲ. ಊಟ ಆದ್ಮೇಲೆ ವೈನ್ ಕುಡಿದು ಆರಾಮಾಗಿ ನಿದ್ದೆ ಮಾಡುತ್ತೇನೆ'' - ದಿವಾಕರ್

ತಥಾಸ್ತು ಎನ್ನಲು ಸಾಧ್ಯವೇ.?!

ಹೊಸ ವರ್ಷದ ಪ್ರಯುಕ್ತ ಎಲ್ಲ ಸ್ಪರ್ಧಿಗಳಿಗೂ 'ಬಿಗ್ ಬಾಸ್' ಭಕ್ಷ್ಯ ಭೋಜನವನ್ನ ಕಳುಹಿಸಿಕೊಟ್ಟರು. ದಿವಾಕರ್ ಇಟ್ಟ ಬೇಡಿಕೆಗೆ 'ಬಿಗ್ ಬಾಸ್' ತಥಾಸ್ತು ಎನ್ನಲಿಲ್ಲ. ಹಾಗೆ ಮಾಡಲು ಸಾಧ್ಯವೂ ಇಲ್ಲ.