'ಬಿಗ್ ಬಾಸ್' ಮೋಸ ಮಾಡಿದ್ರಾ.!? ಅನುಪಮಾ ಗೌಡ ಮಾಡಿದ್ದು ಇದೆಂಥಾ ಆರೋಪ.?!

ಕ್ಯಾಪ್ಟನ್ ಆಯ್ಕೆಗಾಗಿ ವಿಶಿಷ್ಟ ಚಟುವಟಿಕೆ

ಈ ವಾರದ ಮನೆಯ ಕ್ಯಾಪ್ಟನ್ ಆಯ್ಕೆಗಾಗಿ 'ಬಿಗ್ ಬಾಸ್' ಒಂದು ಚಟುವಟಿಕೆ ನೀಡಿದ್ದರು. ಗಾರ್ಡನ್ ಏರಿಯಾದಲ್ಲಿ ಹದಿಮೂರು ಬ್ಲಾಕ್ ಗಳಿದ್ದು, ಸ್ಪರ್ಧಿಗಳಿಗೆ ಸಿಕ್ಕ ಚೀಟಿಯ ನಂಬರ್ ಅಧಾರದಲ್ಲಿ ನಿಂತು, ನೀಡಲಾದ ತುಣುಕುಗಳನ್ನ ಉಪಯೋಗಿಸಿ ಭಾವಚಿತ್ರವೊಂದನ್ನು ರಚಿಸಬೇಕಿತ್ತು. ಮನೆಯ ಒಬ್ಬ ಸದಸ್ಯರ ಭಾವಚಿತ್ರವನ್ನ ಯಾವುದೇ ಒಬ್ಬ ಸದಸ್ಯ ಪೂರ್ಣಗೊಳಿಸಿದಾಗ ಚಟುವಟಿಕೆ ಅಲ್ಲಿಗೆ ಮುಗಿಯುತ್ತಿತ್ತು.

ಅನುಪಮಾಗೆ ಸಿಕ್ಕಿದ್ದು ರಿಯಾಝ್ ಭಾವಚಿತ್ರ

ಅನುಪಮಾ ಗೌಡಗೆ 1 ನೇ ಬ್ಲಾಕ್ ಸಿಕ್ಕಿದ್ದು, ಅವರು ರಿಯಾಝ್ ಭಾವಚಿತ್ರವನ್ನ ಪೂರ್ಣಗೊಳಿಸಬೇಕಿತ್ತು.

ಮೊದಲು ಪೂರ್ಣಗೊಳಿಸಿದ ಅನುಪಮಾ

''ಕ್ಯಾಪ್ಟನ್ ಆಯ್ಕೆ ಪ್ರಕ್ರಿಯೆಗಾಗಿ ನೀಡಲಾಗಿದ್ದ ತುಣುಕುಗಳನ್ನು ಉಪಯೋಗಿಸಿ, ಚಟುವಟಿಕೆಯನ್ನ ಅನುಪಮಾ ಮೊದಲು ಪೂರ್ಣಗೊಳಿಸಿದರು. ರಿಯಾಝ್ ಭಾವಚಿತ್ರವನ್ನ ಅನುಪಮಾ ಗೌಡ ಸರಿಯಾಗಿ ಜೋಡಿಸಿದರು. ಹೀಗಾಗಿ, ರಿಯಾಝ್ ಈ ವಾರ ಮನೆಯ ಕ್ಯಾಪ್ಟನ್ ಆಗಿ ಆಯ್ಕೆ ಆಗಿದ್ದಾರೆ'' ಎಂದು 'ಬಿಗ್ ಬಾಸ್' ಘೋಷಿಸಿದರು.

ಶಾಕ್ ಆದ ಅನುಪಮಾ ಗೌಡ

ಎರಡನೇ ಬಾರಿ ಕ್ಯಾಪ್ಟನ್ ಆಗುವ ಖುಷಿಯಲ್ಲಿದ್ದ ಅನುಪಮಾಗೆ 'ಬಿಗ್ ಬಾಸ್' ಬಿಗ್ ಶಾಕ್ ಕೊಟ್ಟುಬಿಟ್ಟರು. ''ರಿಯಾಝ್ ಕ್ಯಾಪ್ಟನ್ ಅಗಿ ಆಯ್ಕೆ ಆಗಿದ್ದಾರೆ'' ಎಂದು 'ಬಿಗ್ ಬಾಸ್' ಘೋಷಿಸುತ್ತಿದ್ದಂತೆಯೇ ಅನುಪಮಾ ''ಇದು ಮೋಸ'' ಅಂತ ಹೇಳಲು ಶುರು ಮಾಡಿದರು.

ಇದು ಮೋಸ ತಾನೆ.?

''ಬಿಗ್ ಬಾಸ್' ಇದು ಮೋಸ... ನಾನು ತಾನೆ ಟಾಸ್ಕ್ ಮಾಡಿದ್ದು... ಇವರು (ರಿಯಾಝ್) ಕ್ಯಾಪ್ಟನ್ ಆಗೋಕೆ ನಾನು ಯಾಕೆ ಕಷ್ಟ ಪಡಬೇಕಿತ್ತು.?'' ಎಂದು ಅನುಪಮಾ ಗೌಡ ನಗುತ್ತಲೇ ಕ್ಯಾಮರಾ ಮುಂದೆ ಹೇಳಲು ಶುರು ಮಾಡಿದರು.

ಮೊದಲೇ ರೂಲ್ಸ್ ಹೇಳಬೇಕಿತ್ತು.!

''ಇದು ಮೋಸ ತಾನೆ... ನಾನು ತಾನೆ ಟಾಸ್ಕ್ ನ ಕಂಪ್ಲೀಟ್ ಮಾಡಿದ್ದು, ನಾನು ತಾನೆ ಕ್ಯಾಪ್ಟನ್ ಆಗಬೇಕಿತ್ತು. ರೂಲ್ಸ್ ನ ಮೊದಲೇ ನನಗೆ ಹೇಳಬೇಕಿತ್ತು'' ಎಂದು ಅನುಪಮಾ ಗೌಡ ಕ್ಯಾಮರಾ ಮುಂದೆ ಹೇಳಿದರು.

ಇದು ಮೋಸ... ಇದು ಮೋಸ...

''ಕ್ಯಾಪ್ಟನ್ ಆಗಬೇಕಿತ್ತು ಅಂತ ನನಗೇನೂ ಇರ್ಲಿಲ್ಲ'' ಅಂತ ಶ್ರುತಿ ಬಳಿ ಹೇಳಿದರೂ, ''ಇದು ಮೋಸ... ಇದು ಮೋಸ'' ಅಂತ ಪದೇ ಪದೇ ಕ್ಯಾಮರಾ ಮುಂದೆ ಬಂದು ಅನುಪಮಾ ಹೇಳುತ್ತಿದ್ದರು. ಜೊತೆಗೆ 'ಬಿಗ್ ಬಾಸ್'ಗೆ ''ಐ ಹೇಟ್ ಯು'' ಎಂದುಬಿಟ್ಟರು ಅನುಪಮಾ ಗೌಡ.

ಅನುಪಮಾ ಕಾಲೆಳೆದ ಚಂದನ್

''ನಾನು ಆಲ್ರೆಡಿ ಕ್ಯಾಪ್ಟನ್ ಆಗಿದ್ದೇನೆ. ನನಗೇನೂ ಸಮಸ್ಯೆ ಇಲ್ಲ'' ಅಂತ ಅನುಪಮಾ ಗೌಡ ಹೇಳಿದಾಗ, ''ಆದರೂ ಒಂಥರಾ ಖುಷಿ ಆಗುತ್ತೆ'' ಅಂತ ಚಂದನ್ ಶೆಟ್ಟಿ ಕಾಲೆಳೆದರು.

ಇವರೆಲ್ಲರಿಗೂ ಖುಷಿ ಆಗಿದೆ

ರಿಯಾಝ್ ಕ್ಯಾಪ್ಟನ್ ಆಗಿದ್ದು ಸಮೀರಾಚಾರ್ಯ, ದಿವಾಕರ್, ಜಯಶ್ರೀನಿವಾಸನ್ ಹಾಗೂ ಚಂದನ್ ಶೆಟ್ಟಿಗೆ ಖುಷಿ ಕೊಟ್ಟಿದೆ.