ಕಾಮಾಲೆ ಕಣ್ಣಿಗೆ ಕಾಣೋದೆಲ್ಲ ಹಳದಿಯೇ.! ಅವರು ಮಾಡಿದ್ರೆ ಮೋಸ, ಇವರು ಮಾಡಿದ್ರೆ.?

ಮನೆ ಇಬ್ಭಾಗ ಆಗಿದೆ.!

ಓಪನ್ ನಾಮಿನೇಷನ್ ಪ್ರಕ್ರಿಯೆ ಮುಗಿದ ಬಳಿಕ, ''ಎಷ್ಟು ಬೇಡ, ಬೇಡ ಅಂತ ಹೇಳಿದ್ರೂ... 'ಬಿಗ್ ಬಾಸ್' ಮನೆ ಎರಡು ಭಾಗ ಆಗ್ಹೋಗಿದೆ'' ಅಂತ ಸಿಹಿ ಕಹಿ ಚಂದ್ರು ಕಾಮೆಂಟ್ ಮಾಡಿದರು.

ದಡ್ಡರಾಗುತ್ತಿದ್ದೇವೆ.!

''ಇಬ್ಭಾಗ ಆಗ್ಹೋಗಿದೆ. ಅದನ್ನ ಬದಲಾಯಿಸಲು ಆಗಲ್ಲ. ಬದಲಾಯಿಸುವ ಪ್ರಯತ್ನದಲ್ಲಿ ನಾವು ದಡ್ಡರಾಗುತ್ತಿದ್ದೇವೆ'' ಎಂದು ಸಿಹಿ ಚಂದ್ರುಗೆ ಜಗನ್ನಾಥ್ ಹೇಳಿದರು. ಜೊತೆಗೆ, ''ಪ್ರತಿ ವಾರ ಓಪನ್ ನಾಮಿನೇಷನ್ ಇದ್ದರೆ ಚೆನ್ನಾಗಿರುತ್ತೆ. ಆದ್ರೆ ಇರಲ್ಲ ಅಂದುಕೊಳ್ಳುತ್ತೇನೆ'' ಎಂದೂ ಹೇಳಿದರು.

ಜಗನ್ ಅರಿವಿಗೆ ಬರಲಿಲ್ವಾ.?

''ಕ್ಲೀನ್ ಆಗಿ ಅವರೆಲ್ಲರೂ (ಜನಸಾಮಾನ್ಯ ಸ್ಪರ್ಧಿಗಳು) ಯಾರ ವಿರುದ್ಧ ಯಾರು ವೋಟ್ ಮಾಡಬೇಕು ಅಂತ ಅಲ್ಲಲ್ಲೇ ಹಿಡಿದುಕೊಂಡರು'' ಎಂದು ಜಗನ್ನಾಥ್ ಹೇಳಿದರು. ಆದ್ರೆ, ತಮ್ಮ ಗುಂಪು (ಸೆಲೆಬ್ರಿಟಿ ಸ್ಪರ್ಧಿ) ಕೂಡ ಜನಸಾಮಾನ್ಯ ಸ್ಪರ್ಧಿಗಳನ್ನ ಟಾರ್ಗೆಟ್ ಮಾಡಿದ್ದು ಅವರ ಅರಿವಿಗೆ ಬರಲಿಲ್ವಾ.?

ಗಮನಿಸಿದ ಚಂದ್ರು

''ನಾವು ಕೂಡ ಅವರ ಮೇಲೆ ಡಾಮಿನೇಟ್ ಮಾಡಿದ್ವಿ. ನಾವು ಕೂಡ ಅವರನ್ನೇ ನಾಮಿನೇಟ್ ಮಾಡಿದ್ದು'' ಎಂದು ವಾಸ್ತವವನ್ನ ಸಿಹಿ ಕಹಿ ಚಂದ್ರು ವಿವರಿಸಿದರು.

ಕೊಟ್ಟ ಕಾರಣ ಸರಿ ಇರಲಿಲ್ವಂತೆ.!

ಜನಸಾಮಾನ್ಯ ಸ್ಪರ್ಧಿಗಳು, ಸೆಲೆಬ್ರಿಟಿ ಸ್ಪರ್ಧಿಗಳನ್ನು ನಾಮಿನೇಟ್ ಮಾಡುವಾಗ ಅವರು ಕೊಟ್ಟ ಕಾರಣಗಳು ಸರಿಯಿರಲಿಲ್ಲ ಅಂತ ಆಶಿತಾ ಹೇಳ್ತಾರೆ. ಹಾಗಾದ್ರೆ, ಸೆಲೆಬ್ರಿಟಿ ಸ್ಪರ್ಧಿಗಳು ಕೊಟ್ಟ ಕಾರಣ ಸರಿ ಇತ್ತೇ.? ವೀಕ್ಷಕರೇ ನಿರ್ಧಾರ ಮಾಡಬೇಕು.!

ಇದು ಮೋಸ ಅಂತೆ.!

''ನಾವು ನಾಮಿನೇಟ್ ಮಾಡಿದ್ವಿ ಅಂತ ಅವರು ನಮ್ಮನ್ನ ನಾಮಿನೇಟ್ ಮಾಡಿದರು. ಅದು ಮೋಸ'' ಅಂತ ಅನುಪಮಾ ಗೌಡ ಉದ್ಗಾರ ಮಾಡಿದರು. ಹಾಗಾದ್ರೆ, ಸೆಲೆಬ್ರಿಟಿ ಸ್ಪರ್ಧಿಗಳು ಮಾಡಿದೆಲ್ಲವೂ ನ್ಯಾಯಸಮ್ಮತವಾಗಿತ್ತು ಅಂತ ನಿಮಗೆ ಅನಿಸುತ್ತದೆಯೇ.? ನಿಮ್ಮ ಅಭಿಪ್ರಾಯವನ್ನು ಕಾಮೆಂಟ್ ಮಾಡಿ... ನಿಮ್ಮ ಫಿಲ್ಮಿಬೀಟ್ ಕನ್ನಡ ಫೇಸ್ ಬುಕ್ ಪುಟವನ್ನ ಲೈಕ್ ಮಾಡಿ ಕಾಮೆಂಟ್ ಮಾಡಿ....