ಜಗನ್ ಗೆ ಒಲಿದು ಬಂತು ಅದೃಷ್ಟ: ಇಂತಹ ಚಾನ್ಸ್ ಯಾರಿಗುಂಟು ಯಾರಿಗಿಲ್ಲ.!

ಕ್ಯಾಪ್ಟನ್ ಅಯ್ಕೆಗಾಗಿ 'ಬಿಗ್ ಬಾಸ್' ಕೊಟ್ಟ ಟಾಸ್ಕ್ ಏನು.?

ಪ್ರತಿ ಬಾರಿ ಬಝರ್ ಆದಾಗ ಪಾನೀಯದ ಬಾಟಲ್ ನ ಪಡೆಯುವ ಸದಸ್ಯರು, ಅದರಿಂದ ಒಂದು ಗುಟುಕು ಪಾನೀಯ ಕುಡಿದು, ಅದನ್ನು ಲಿವಿಂಗ್ ಏರಿಯಾದಲ್ಲಿ ಇರುವ ಮೇಜಿನ ಮೇಲೆ ಇಟ್ಟು ನಂತರ ಬಝರ್ ಆಗುವವರೆಗೂ ಕಾಯಬೇಕು. ಬಝರ್ ಆದ ಕೂಡಲೆ ಕ್ಯಾಪ್ಟನ್ ಆಗಲು ಅನರ್ಹ ಎಂದು ತಮಗೆ ಎನಿಸುವ ಒಬ್ಬ ಸದಸ್ಯರಿಗೆ ಪಾನೀಯ ಬಾಟಲ್ ನ ಹಸ್ತಾಂತರಿಸಬೇಕು. ಕೊನೆಗೆ ಪಾನೀಯದ ಬಾಟಲ್ ನ ಪಡೆಯದ ಸದಸ್ಯರೇ ಈ ಚಟುವಟಿಕೆಯ ವಿಜೇತರು ಎಂದು 'ಬಿಗ್ ಬಾಸ್' ಘೋಷಿಸಿದರು.

ಜಗನ್ ಕೈಗೆ ಪಾನೀಯದ ಬಾಟಲ್ ಬರಲೇ ಇಲ್ಲ.!

ಕಳೆದ ವಾರದ ಕ್ಯಾಪ್ಟನ್ ಜೆಕೆಯಿಂದ ಶುರುವಾದ ಈ ಚಟುವಟಿಕೆ ದಿವಾಕರ್, ಸಮೀರಾಚಾರ್ಯ, ಅನುಪಮಾ ಗೌಡ, ನಿವೇದಿತಾ ಗೌಡ ಸೇರಿದಂತೆ ಎಲ್ಲರಿಗೂ ಹಸ್ತಾಂತರವಾಯಿತು. ಕೊನೆಯಲ್ಲಿ ಜಗನ್ ಮಾತ್ರ ಪಾನೀಯದ ಬಾಟಲ್ ಪಡೆಯದ ಕಾರಣ ಮನೆಯ ಕ್ಯಾಪ್ಟನ್ ಆದರು.

ಶಾಕ್ ಕೊಟ್ಟ 'ಬಿಗ್ ಬಾಸ್'

ಜಗನ್ ಕ್ಯಾಪ್ಟನ್ ಆಗಿ ಆಯ್ಕೆ ಆದ್ಮೇಲೆ, ನಾಮಿನೇಷನ್ ಪ್ರಕ್ರಿಯೆ ಆರಂಭ ಆಯ್ತು. ಎಂದಿನಂತೆ ನಾಮಿನೇಷನ್ ಪ್ರಕ್ರಿಯೆ ನಡೆಸದೆ, ಕ್ಯಾಪ್ಟನ್ ಜಗನ್ ಹಾಗೂ ಹೊಸ ಸ್ಪರ್ಧಿ ವೈಷ್ಣವಿ ರನ್ನ ಹೊರತು ಪಡಿಸಿ ಎಲ್ಲರನ್ನೂ 'ಬಿಗ್ ಬಾಸ್' ನೇರವಾಗಿ ನಾಮಿನೇಟ್ ಮಾಡಿದರು.

ಕಾರಣ ಏನು.?

ಮನೆಯ ಸದಸ್ಯರ ಬಗ್ಗೆ ವೀಕ್ಷಕರ ಅಭಿಪ್ರಾಯವನ್ನು ಏಕ ಕಾಲಕ್ಕೆ ತಿಳಿಯುವ ಸಲುವಾಗಿ ಎಲ್ಲರನ್ನೂ ಬಿಗ್ ಬಾಸ್ ನಾಮಿನೇಟ್ ಮಾಡಿದ್ದಾರೆ.

ಸೇಫ್ ಆದ ಜಗನ್

ವೀಕ್ಷಕರ ಅಭಿಪ್ರಾಯವನ್ನು 'ಬಿಗ್ ಬಾಸ್' ಸಂಗ್ರಹಿಸುತ್ತಿರುವ ಸಂದರ್ಭದಲ್ಲಿ ಜಗನ್ನಾಥ್ ಸೇಫ್ ಆಗಿದ್ದಾರೆ. ಇದು ಲಕ್ ಅಲ್ಲದೇ ಮತ್ತೇನು.?

ಹೆಚ್ಚು ಟ್ರೋಲ್ ಗೆ ಒಳಗಾಗಿದ್ದ ಜಗನ್.!

ಸೋಷಿಯಲ್ ಮೀಡಿಯಾದಲ್ಲಿ ಅತಿ ಹೆಚ್ಚು ಟ್ರೋಲ್ ಗೆ ಒಳಗಾಗಿರುವವರ ಪೈಕಿ ಜಗನ್ ಕೂಡ ಒಬ್ಬರು. ಅಂಥದ್ರಲ್ಲಿ ಜಗನ್ ಈ ವಾರ ಸುರಕ್ಷಿತವಾಗಿದ್ದಾರೆ. ಇಡೀ ಮನೆ ಡೇಂಜರ್ ಝೋನ್ ನಲ್ಲಿ ಇರುವಾಗ, ಜಗನ್ ಗೆ ಯಾವುದೇ ತಲೆ ನೋವಿಲ್ಲ. ಇಂತಹ ಅದೃಷ್ಟ ಯಾರಿಗುಂಟು ಯಾರಿಗಿಲ್ಲ.!?