ಜಗಳಗಂಟ ಜಗನ್ ಗೆ ಮಾತಲ್ಲೇ ಗುಂಡ್ ಪಿನ್ ಚುಚ್ಚಿದ ಸಂಯುಕ್ತ ಹೆಗ್ಡೆ.!

ಜಗನ್ ಗೆ ಪ್ರಶ್ನೆ ಹಾಕಿದ ಸಂಯುಕ್ತ

'ಬಿಗ್ ಬಾಸ್' ಮನೆಯೊಳಗೆ ಕಾಲಿಡುತ್ತಿದ್ದಂತೆಯೇ, ಎಲ್ಲರ ಬಗ್ಗೆ ಕಾಮೆಂಟ್ ಮಾಡಲು ಶುರು ಮಾಡಿದ ಸಂಯುಕ್ತ, ''ನಿಮಗೆ ಒಂದು ಪ್ರಶ್ನೆ ಕೇಳ್ತೀನಿ. ನಿಜವಾದ ಉತ್ತರ ನೀಡಬೇಕು'' ಎಂದು ಜಗನ್ ಜೊತೆ ಮಾತಿಗಿಳಿದರು.

ಸಂಯುಕ್ತ ಕೇಳಿದ ಪ್ರಶ್ನೆ ಏನು.?

''ನಿಮಗೆ ದುಬೈನಲ್ಲಿ ಗರ್ಲ್ ಫ್ರೆಂಡ್ ಇದ್ದಾರೆ ಅಲ್ವಾ.?'' ಅಂತ ಸಂಯುಕ್ತ ಪ್ರಶ್ನೆ ಕೇಳಿದಾಗ ''ಹೌದು'' ಎಂದು ಜಗನ್ ಒಪ್ಪಿಕೊಂಡರು. ಆಗ, ''ಮತ್ತೆ ಆಶಿತಾ ಜೊತೆ ನಿಮ್ಮ ಕಡೆಯಿಂದ ಏನಿತ್ತು.?'' ಎಂದು ಪ್ರಶ್ನಿಸಿದರು ನಟಿ ಸಂಯುಕ್ತ

ಜಗನ್ ಕೊಟ್ಟ ಉತ್ತರ ಏನು.?

''ನಾನು ಆಶಿತಾನ ಯಾವತ್ತೂ ಗರ್ಲ್ ಫ್ರೆಂಡ್ ತರಹ ನೋಡೇ ಇಲ್ಲ. ನಾನು ಯಾವತ್ತೂ ಆ ತರಹ ನಡೆದುಕೊಂಡಿಲ್ಲ. ನಾವು ಒಂದು ಫ್ಯಾಮಿಲಿ ತರಹ ಇದ್ವಿ'' ಎಂದು ಜಗನ್ ಉತ್ತರಿಸಿದಾಗ ಸಂಯುಕ್ತ ಪ್ರತಿಕ್ರಿಯೆ ಸಕಾರಾತ್ಮಕವಾಗಿರಲಿಲ್ಲ.

ಜಗನ್ ಕೇಳಿದ್ದೇನು.?

ಸಂಯುಕ್ತ ನೇರ ನುಡಿ ನೋಡಿ ''ಎಷ್ಟು ದಿನ ಇರ್ತೀರಾ ಅಂತ ಡಿಸೈಡ್ ಮಾಡಿದ್ದೀರಾ.?'' ಎಂದು ಜಗನ್ ಕೇಳಿದರು.

ತಿರುಗೇಟು ಕೊಟ್ಟ ಸಂಯುಕ್ತ

''ನಿಮ್ಮನ್ನ ಕಳುಹಿಸಿ ಆದ್ಮೇಲೆ ನಾನು ಮನೆಗೆ ಹೋಗೋದು ಅಂತ ಡಿಸೈಡ್ ಮಾಡಿಕೊಂಡೇ ಬಂದಿದ್ದೇನೆ'' ಎಂದು ಜಗನ್ ಗೆ ತಿರುಗೇಟು ಕೊಟ್ಟರು ಸಂಯುಕ್ತ. ಅದಕ್ಕೆ ''ಸೋ ಸ್ವೀಟ್'' ಎಂದಷ್ಟೇ ಹೇಳಿ ಜಗನ್ ಸುಮ್ಮನಾದರು.

ಜಗಳಗಂಟ ಜಗನ್

''ತುಂಬಾ ಜಗಳ ಮಾಡ್ತೀರಾ. ಮಾತು ಮಾತಿಗೂ ಜಗಳ ಮಾಡ್ತೀರಾ. ಜಗಳಗಂಟ ಅಂತಾನೇ ಕಾಣಿಸಿಕೊಳ್ಳುತ್ತಿದ್ದೀರಾ'' ಎಂದು ಜಗನ್ ಬಗ್ಗೆ ಸಂಯುಕ್ತ ಕಾಮೆಂಟ್ ಮಾಡಿದರು.