'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮದಲ್ಲಿ 'ಇವರೆಲ್ಲ' ಸ್ಪರ್ಧಿಗಳಂತೆ.! ಹೌದೇನು.?

'ನಾಗಮಂಡಲ' ವಿಜಯಲಕ್ಷ್ಮಿ

ಕಳೆದ ಎರಡು 'ಬಿಗ್ ಬಾಸ್' ಸೀಸನ್ ಸಂಭಾವ್ಯ ಸ್ಪರ್ಧಿಗಳ ಪಟ್ಟಿಯಲ್ಲೂ ನಟಿ ವಿಜಯಲಕ್ಷ್ಮಿ ಹೆಸರಿತ್ತು. ಈ ಬಾರಿಯೂ ನಟಿ ವಿಜಯಲಕ್ಷ್ಮಿ ಹೆಸರು ಎಲ್ಲೆಡೆ ಕೇಳಿಬರುತ್ತಿದೆ. ಹಾಗ್ನೋಡಿದ್ರೆ, 'ಬಿಗ್ ಬಾಸ್'ನಲ್ಲಿ ಆಸಕ್ತಿ ಇಲ್ಲ ಎಂಬ ಕಾರಣಕ್ಕೆ ಕಳೆದ ಬಾರಿ ಸಿಕ್ಕ ಆಫರ್ ನ ವಿಜಯಲಕ್ಷ್ಮಿ ರಿಜೆಕ್ಟ್ ಮಾಡಿದ್ದರು. ಆದ್ರೀಗ, ಅವಕಾಶಗಳನ್ನು ಅರಸಿ ಮರಳಿ ಬೆಂಗಳೂರಿಗೆ ಬಂದಿರುವ ವಿಜಯಲಕ್ಷ್ಮಿ 'ಬಿಗ್ ಬಾಸ್' ಮನೆಗೆ ಹೋಗಲು ಮನಸ್ಸು ಮಾಡಬಹುದೇ.?

'ಡಿಂಪಲ್ ಕ್ವೀನ್' ರಚಿತಾ ರಾಮ್

ಸಾಲು ಸಾಲು ಸಿನಿಮಾಗಳ ನಡುವೆ 'ಡಿಂಪಲ್ ಕ್ವೀನ್' ರಚಿತಾ ರಾಮ್ ಕಿರುತೆರೆಯಲ್ಲಿಯೂ ಬಿಜಿಯಾಗಿದ್ದಾರೆ. ಅಂದ್ಮೇಲೆ, 'ಬಿಗ್ ಬಾಸ್' ಮನೆಯಲ್ಲಿ ಲಾಕ್ ಆಗಲು ರಚಿತಾ ರಾಮ್ ಒಪ್ಪಿಕೊಳ್ತಾರಾ.?

'ಪುಟ್ಟಗೌರಿ' ರಂಜನಿ ರಾಘವನ್

'ಬಿಗ್ ಬಾಸ್ ಕನ್ನಡ-6' ಸಂಭಾವ್ಯ ಸ್ಪರ್ಧಿಗಳ ಪಟ್ಟಿಯಲ್ಲಿ 'ಪುಟ್ಟಗೌರಿ ಮದುವೆ' ಖ್ಯಾತಿಯ ರಂಜನಿ ರಾಘವನ್ ಹೆಸರು ಕೂಡ ಇದೆ. ಧಾರಾವಾಹಿ ಬಿಟ್ಟು ರಂಜನಿ 'ಬಿಗ್ ಬಾಸ್' ಮನೆಗೆ ಹೋಗ್ತಾರಾ ಅನ್ನೋದೇ ನಮ್ಮ ಡೌಟು.! ಇಲ್ಲಾಂದ್ರೆ, ಅಷ್ಟರಲ್ಲಿ 'ಪುಟ್ಟಗೌರಿ ಮದುವೆ'ಗೆ ಫುಲ್ ಸ್ಟಾಪ್ ಬೀಳಬಹುದಾ.?

'ಮುಂಗಾರು ಮಳೆ' ನೇಹಾ ಶೆಟ್ಟಿ

'ಮುಂಗಾರು ಮಳೆ-2' ಸಿನಿಮಾ ಆದ್ಮೇಲೆ ಟಾಲಿವುಡ್ ಕಡೆಗೆ ನೇಹಾ ಶೆಟ್ಟಿ ಮುಖ ಮಾಡಿದ್ದರು. ಹೀಗಿರುವಾಗ 'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮದಲ್ಲಿ ನೇಹಾ ಶೆಟ್ಟಿ ಸ್ಪರ್ಧಿಸುತ್ತಾರಾ.? ನಮಗಂತೂ ಗೊತ್ತಿಲ್ಲ.

ನಾಟ್ಯ 'ಮಯೂರಿ'

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಮೂಡಿಬಂದ ಡ್ಯಾನ್ಸ್ ರಿಯಾಲಿಟಿ ಶೋಗಳಿಗೆ ತೀರ್ಪುಗಾರರಾಗಿದ್ದವರು ಮಯೂರಿ. ಇದೇ ಮಯೂರಿ 'ಬಿಗ್ ಬಾಸ್'ಗೆ ಬರಬೇಕು ಎಂಬುದು ಕೆಲವರ ಬಯಕೆ. ಅದು ಈಡೇರುತ್ತಾ.?

Rapid ರಶ್ಮಿ

ಬಾಯಿ ತೆಗೆದರೆ ಪಟ ಪಟ ಅಂತ ಮಾತನಾಡುವ Rapid ರಶ್ಮಿ ಇತ್ತೀಚೆಗಷ್ಟೇ ವಿವಾದದ ಸುಳಿಯಲ್ಲಿ ಸಿಲುಕಿದ್ದರು. ತಮ್ಮದೇ ಆದ ಅಭಿಮಾನಿ ಬಳಗ ಹೊಂದಿರುವ ರಶ್ಮಿಗೆ 'ಬಿಗ್ ಬಾಸ್' ಕಡೆಯಿಂದ ಆಫರ್ ಹೋಗಿದ್ಯಾ.?

'ಸಿಲ್ಲಿ ಲಲ್ಲಿ' ರವಿಶಂಕರ್ ಗೌಡ

ನಗಿಸುವ ಕಲೆ, ಅಭಿನಯ, ಹಾಡುಗಾರಿಕೆ... ಇವೆಲ್ಲ ಹೊಂದಿರುವ ಮನರಂಜನೆಯ ಕಂಪ್ಲೀಟ್ ಪ್ಯಾಕೇಜ್ ಆಗಿರುವ ರವಿಶಂಕರ್ ಗೌಡ ಹೆಸರು ಕೂಡ 'ಬಿಗ್ ಬಾಸ್ ಕನ್ನಡ-6' ಸಂಭಾವ್ಯ ಸ್ಪರ್ಧಿಗಳ ಪಟ್ಟಿಯಲ್ಲಿದೆ.

ನ್ಯೂಸ್ ಆಂಕರ್ ರಾಧಾ ಹಿರೇಗೌಡರ್

ಕಳೆದ ಎರಡ್ಮೂರು ಆವೃತ್ತಿಗಳಿಂದಲೂ ಸಂಭಾವ್ಯ ಸ್ಪರ್ಧಿಗಳ ಪಟ್ಟಿಯಲ್ಲಿ ರಾಧಾ ಹಿರೇಗೌಡರ್ ಹೆಸರು ಇತ್ತು. ಈ ಬಾರಿಯೂ ಅದೇ ಮುಂದುವರೆದಿದೆ. ಇಲ್ಲಿಯವರೆಗೂ 'ಬಿಗ್ ಬಾಸ್' ಮನೆ ಕಡೆಗೆ ಮುಖ ಮಾಡದ ರಾಧಾ ಹಿರೇಗೌಡರ್ ಈ ಬಾರಿ ಏನ್ಮಾಡ್ತಾರೋ.?

ನಟ ಅನಿರುದ್ಧ್

ಡಾ.ವಿಷ್ಣುವರ್ಧನ್ ರವರ ಅಳಿಯ ನಟ ಅನಿರುದ್ಧ್ ಹೆಸರು ಈ ಬಾರಿ ಕೇಳಿಬರುತ್ತಿದೆ. ಹಾಗಾದ್ರೆ, ಅನಿರುದ್ಧ್ ರನ್ನ ಕಲರ್ಸ್ ವಾಹಿನಿ ಅಪ್ರೋಚ್ ಮಾಡಿದ್ಯಾ.?

ನಿರೂಪ್ ಭಂಡಾರಿ

'ರಾಜರಥ' ಸಿನಿಮಾ ಬಿಡುಗಡೆ ಆದ ಸಂದರ್ಭದಲ್ಲಿ ವಿವಾದದ ಕೇಂದ್ರ ಬಿಂದು ಆಗಿದ್ದ ನಿರೂಪ್ ಭಂಡಾರಿ 'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಾರಾ.?

'ಕಿರಿಕ್ ಪಾರ್ಟಿ' ಚಂದನ್ ಆಚಾರ್

'ಕಿರಿಕ್ ಪಾರ್ಟಿ' ಸಿನಿಮಾದಲ್ಲಿ ರಕ್ಷಿತ್ ಶೆಟ್ಟಿ ಗೆಳೆಯನಾಗಿ ಕಾಣಿಸಿಕೊಂಡಿದ್ದ ಚಂದನ್ ಆಚಾರ್ ಈ ಬಾರಿ 'ಬಿಗ್ ಬಾಸ್' ಮನೆಗೆ ಹೋಗುವ ಸಾಧ್ಯತೆ ಇದೆ.

ಸರಿಗಮಪ ವಿಜೇತ ಚನ್ನಪ್ಪ

'ಸರಿಗಮಪ' ರಿಯಾಲಿಟಿ ಶೋನಲ್ಲಿ ಗೆಲುವಿನ ನಗೆ ಬೀರಿದ್ದ ಚನ್ನಪ್ಪ 'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಬಹುದು ಎನ್ನಲಾಗಿದೆ.

ನಟ ಅಚ್ಯುತ್ ಕುಮಾರ್

ಹಲವಾರು ಕನ್ನಡ ಸಿನಿಮಾಗಳಲ್ಲಿ ಅದ್ಭುತ ಅಭಿನಯ ನೀಡಿರುವ ಅಚ್ಯುತ್ ಕುಮಾರ್ 'ಬಿಗ್ ಬಾಸ್' ಮನೆಯಲ್ಲಿ ಲಾಕ್ ಆಗಲು ಹಸಿರು ನಿಶಾನೆ ತೋರುತ್ತಾರಾ.?

ಹೀರೋ ಪೃಥ್ವಿ

'ನಾನು ಮತ್ತು ವರಲಕ್ಷ್ಮಿ' ಸಿನಿಮಾದಲ್ಲಿ ಅಭಿನಯಿಸಿದ್ದ ನಟ ಪೃಥ್ವಿ ಹೆಸರೂ ಕೂಡ ಕೇಳಿಬರುತ್ತಿದೆ. ಪೃಥ್ವಿ ಜೊತೆಗೆ 'ಬಿಗ್ ಬಾಸ್' ತಂಡ ಮಾತುಕತೆ ನಡೆಸಿದ್ಯಾ.?

'ಒಗ್ಗರಣೆ ಡಬ್ಬಿ' ಮುರಳಿ

'ಒಗ್ಗರಣೆ ಡಬ್ಬಿ' ಕಾರ್ಯಕ್ರಮದ ಮೂಲಕ ಜನಪ್ರಿಯತೆ ಗಳಿಸಿರುವ ಮುರಳಿ 'ಬಿಗ್ ಬಾಸ್'ಗೂ ಬರ್ತಾರಾ.? ಕಾದು ನೋಡಬೇಕು.