ಪರಸ್ಪರ ಹಾರ ಹಾಕಿಕೊಂಡ ರಾಕೇಶ್-ಕವಿತಾ: ಮುನಿಸಿಕೊಂಡ ಅಕ್ಷತಾ.!

'ಬಿಗ್ ಬಾಸ್' ನೀಡಿದ್ದ ವಿಶೇಷ ಚಟುವಟಿಕೆ

ಮನೆಯ ಎಲ್ಲಾ ಸ್ಪರ್ಧಿಗಳಿಗೂ 'ಬಿಗ್ ಬಾಸ್' ಒಂದು ವಿಶೇಷ ಚಟುವಟಿಕೆ ನೀಡಿದರು. ಅದೇ 'ಇಷ್ಟ ಕಷ್ಟ'. ಈ ಚಟುವಟಿಕೆ ಅನುಸಾರ, ತಮಗೆ ಇಷ್ಟ ಆಗುವ ಒಬ್ಬರಿಗೆ ಸ್ಪರ್ಧಿಗಳು ಹಾರ ಹಾಕಬೇಕಿತ್ತು. ಇಷ್ಟ ಪಡದ ಇಬ್ಬರು ಸದಸ್ಯರ ಮುಖಕ್ಕೆ ಸ್ಪರ್ಧಿಗಳು ಮಸಿ ಬಳಿಯಬೇಕಿತ್ತು.

ಪರಸ್ಪರ ಹಾರ ಹಾಕಿಕೊಂಡ ಕವಿತಾ-ರಾಕೇಶ್

'ಇಷ್ಟ ಕಷ್ಟ' ಚಟುವಟಿಕೆ ಅನುಸಾರ, ಆಂಡ್ರ್ಯೂಗೆ ಕ್ಷಮೆ ಕೇಳಿದ ಕವಿತಾ ದೊಡ್ಡ ಗುಣವನ್ನು ಶ್ಲಾಘಿಸುತ್ತಾ ಆಕೆಗೆ ರಾಕೇಶ್ ಹಾರ ಹಾಕಿದರು. ಇನ್ನೂ ಮನನೊಂದಿದ್ದ ಕವಿತಾಗೆ ಹುರುಪು ತುಂಬುವ ಕೆಲಸ ಮಾಡಿದ ರಾಕೇಶ್ ಗೆ ಆಕೆ ಮಾಲಾರ್ಪಣೆ ಮಾಡಿದರು. ಅಲ್ಲಿಗೆ, ಇಷ್ಟ ಕಷ್ಟ ಟಾಸ್ಕ್ ನಲ್ಲಿ ಕವಿತಾ-ರಾಕೇಶ್ ಪರಸ್ಪರ ಹಾರ ಬದಲಾಯಿಸಿಕೊಂಡಂತಾಯಿತು.

ಕವಿತಾ ಜೊತೆ ರಾಕೇಶ್ ಮಾತುಕತೆ

ಇಷ್ಟು ದಿನ ಅಕ್ಷತಾ ಜೊತೆಗೆ ಇರುತ್ತಿದ್ದ ರಾಕೇಶ್, ಇದೀಗ ಕವಿತಾ ಜೊತೆಗೆ ಆತ್ಮೀಯವಾಗಿ ಇರಲು ಆರಂಭಿಸಿದ್ದಾರೆ. ಇದು ಅಕ್ಷತಾಗೆ ಕಿರಿಕಿರಿ ತರಿಸಿದೆ. ''ನೀನು ದೊಡ್ಡ ಫ್ಲರ್ಟ್'' ಎನ್ನುತ್ತಾ ರಾಕೇಶ್ ಮೇಲೆ ಅಕ್ಷತಾ ಮುನಿಸಿಕೊಂಡಿದ್ದರು. ಬಳಿಕ ರಾಕೇಶ್-ಅಕ್ಷತಾ ಪ್ಯಾಚಪ್ ಆದರು.

ಪರಸ್ಪರ ಹಾರ ಹಾಕಿಕೊಂಡ ಶಶಿ-ಧನರಾಜ್

'ಇಷ್ಟ ಕಷ್ಟ' ಟಾಸ್ಕ್ ನಲ್ಲಿ ಬರೀ ಕವಿತಾ-ರಾಕೇಶ್ ಮಾತ್ರ ಅಲ್ಲ.. ಶಶಿ-ಧನರಾಜ್ ಹಾಗೂ ರಶ್ಮಿ-ಮುರಳಿ ಕೂಡ ಪರಸ್ಪರ ಭೇಷ್ ಎನ್ನುತ್ತಾ ಹಾರ ಹಾಕಿಕೊಂಡರು.