ರಾಕೇಶ್ ಬಗ್ಗೆ ಅಕ್ಷತಾ ಪಾಂಡವಪುರ ತಾಯಿಗೆ ಕೆಂಡದಷ್ಟು ಕೋಪ.?

'ಬಿಗ್ ಬಾಸ್' ಮನೆಯಲ್ಲಿ ಫ್ಯಾಮಿಲಿ ವೀಕ್

'ಬಿಗ್ ಬಾಸ್' ಕಾರ್ಯಕ್ರಮದಲ್ಲಿ ಸದ್ಯ ಫ್ಯಾಮಿಲಿ ವೀಕ್ ಚಾಲ್ತಿಯಲ್ಲಿದೆ. ಸ್ಪರ್ಧಿಗಳ ಕುಟುಂಬದವರು 'ಬಿಗ್ ಬಾಸ್' ಮನೆಯೊಳಗೆ ಒಬ್ಬೊಬ್ಬರಾಗಿ ಎಂಟ್ರಿಕೊಡುತ್ತಿದ್ದಾರೆ. ಇದರೊಂದಿಗೆ 'ರಿಮೋಟ್ ಕಂಟ್ರೋಲ್' ಟಾಸ್ಕ್ ಕೂಡ ನಡೆಯುತ್ತಿದೆ. ಇದರ ಅನುಸಾರ, ಅಕ್ಷತಾ ತಾಯಿ ಅಂಬುಜಾಕ್ಷಿ 'ಬಿಗ್ ಬಾಸ್' ಮನೆಯೊಳಗೆ ಕಾಲಿಟ್ಟರು.

ರಾಕೇಶ್ ಮುಖವನ್ನ ನೋಡಲಿಲ್ಲ.!

ಎಲ್ಲ ಸ್ಪರ್ಧಿಗಳನ್ನೂ ಅಕ್ಷತಾ ತಾಯಿ ಅಂಬುಜಾಕ್ಷಿ ಆತ್ಮೀಯವಾಗಿ ಮಾತನಾಡಿಸಿದರು. ಆದ್ರೆ, ರಾಕೇಶ್ ಮುಖವನ್ನು ನೋಡಲು ಮಾತ್ರ ಅವರು ಇಷ್ಟ ಪಡಲಿಲ್ಲ. ರಾಕೇಶ್ ರನ್ನ ಅಕ್ಷತಾ ಪರಿಚಯ ಮಾಡಿಸಿದಾಗ, ಅವರೊಂದಿಗೆ ಮುಖ ಕೊಟ್ಟು ಅಂಬುಜಾಕ್ಷಿ ಮಾತನಾಡಲಿಲ್ಲ.

ಮಗಳಿಗೆ ಕಿವಿಮಾತು

''ಗೆದ್ದು ಬಾ.. ಚೆನ್ನಾಗಿ ಆಟ ಆಡು.. ಬರೀ ರಾಕೇಶ್ ಹಿಂದೆ ಇರಬೇಡ.. ಯಾರ ಜೊತೆಗೂ ಜಗಳ ಆಡಬೇಡ.. ಕೋಪ ಮಾಡಿಕೊಳ್ಳಬೇಡ'' ಎಂದು ಮಗಳು ಅಕ್ಷತಾಗೆ ತಾಯಿ ಅಂಬುಜಾಕ್ಷಿ ಸಲಹೆ ನೀಡಿದರು.

ರಾಕೇಶ್ ಜೊತೆಗೆ ಮಾತನಾಡಲು ಇಷ್ಟ ಇರಲಿಲ್ಲ.!

ರಾಕೇಶ್ ಜೊತೆಗೆ ಮಾತನಾಡಲು ಅಂಬುಜಾಕ್ಷಿ ಅವರಿಗೆ ಇಷ್ಟ ಇರಲಿಲ್ಲ. ಆದರೂ, ''ಎಲ್ಲರನ್ನೂ ಮಾತನಾಡಿಸು. ಇಲ್ಲಾಂದ್ರೆ, ಬೇಜಾರು ಮಾಡಿಕೊಳ್ಳುತ್ತಾನೆ'' ಅಂತ ತಾಯಿಗೆ ಅಕ್ಷತಾ ಹೇಳಿದರು.

ಮುಂದೆ ಬಂದ ರಾಕೇಶ್

''ನನ್ನ ಮೇಲೆ ಕೋಪ ಇದ್ಯಾ..?'' ಎನ್ನುತ್ತಾ ಅಕ್ಷತಾ ತಾಯಿಯನ್ನ ಮಾತನಾಡಿಸಲು ರಾಕೇಶ್ ಮುಂದಾದರು. ಆಗ, ''ಇಲ್ಲ'' ಎಂದರು. ''ಏನಾದರೂ ತಪ್ಪಾಗಿದ್ದರೆ ಕ್ಷಮಿಸಿ'' ಎಂದು ರಾಕೇಶ್ ಕೇಳಿಕೊಂಡಾಗ, ''ನೀನು ನನ್ನ ಮಗನ ಥರ'' ಅಂತ ಅಂಬುಜಾಕ್ಷಿ ಹೇಳಿದರು.

ಮಟನ್ ಚಾಪ್ಸ್ ತಯಾರು ಮಾಡಿದ ಅಕ್ಷತಾ ತಾಯಿ

'ಬಿಗ್ ಬಾಸ್' ಮನೆಯ ಸ್ಪರ್ಧಿಗಳಿಗೆಲ್ಲಾ ಅಕ್ಷತಾ ತಾಯಿ ಮಟನ್ ಚಾಪ್ಸ್ ತಯಾರು ಮಾಡಿದರು. ಅಕ್ಷತಾ ತಾಯಿ ಅಂಬುಜಾಕ್ಷಿ ಅವರಿಗೆ ಆಂಡಿ, ಧನರಾಜ್ ಮತ್ತು ನವೀನ್ ಫೇವರಿಟ್ ಸ್ಪರ್ಧಿಗಳಂತೆ.!

ಪರಸ್ಪರ ಕ್ಷಮೆಯಾಚಿಸಿದ ಅಕ್ಷತಾ-ರಾಕೇಶ್

ಅಮ್ಮ ಅಂಬುಜಾಕ್ಷಿ ಬಂದು ಹೋದ್ಮೇಲೆ, ರಾಕೇಶ್ ಬಳಿ ಅಕ್ಷತಾ ಕ್ಷಮೆ ಕೇಳಿದರು. ಹಾಗೇ, ರಾಕೇಶ್ ಕೂಡ ಕ್ಷಮೆಯಾಚಿಸಿದರು. ಇನ್ಮುಂದೆ ಇವರಿಬ್ಬರ ನಡುವಿನ ಈಕ್ವೇಶನ್ ಯಾವ ರೀತಿ ಇರುತ್ತೋ, ನೋಡಬೇಕು.