ಕುರಿ ಪ್ರತಾಪ್ ಗೆ 'ಬಿಗ್ ಬಾಸ್' ಕೊಡುತ್ತಿರುವ ಸಂಭಾವನೆ ಇಷ್ಟೊಂದಾ.?

Recommended Video

'ಬಿಗ್ ಬಾಸ್ ಕನ್ನಡ-7' ಕಾರ್ಯಕ್ರಮ ಶುರುವಾಗಿ ಸರಿಯಾಗಿ ಒಂದು ವಾರ ಮುಗಿದಿದೆ. ಈ ಒಂದು ವಾರದಲ್ಲಿ 'ಬಿಗ್ ಬಾಸ್' ಮನೆ ಬಹುತೇಕ ಶಾಂತವಾಗಿತ್ತು. ಹಿರಿಯ ಪತ್ರಕರ್ತ ರವಿ ಬೆಳಗೆರೆಯಂತೂ 'ದೊಡ್ಮನೆ'ಯಲ್ಲಿ ಎಲ್ಲರ ಮನಸ್ಸು ಗೆದ್ದರು. ಮೊದಲ ವಾರ ರವಿ ಬೆಳಗೆರೆ ಮೇಲೆ ಫೋಕಸ್ ತುಸು ಹೆಚ್ಚೇ ಇತ್ತು. ಇದೀಗ 'ಬಿಗ್ ಬಾಸ್' ಮನೆಯಿಂದ ರವಿ ಬೆಳಗೆರೆ ಹೊರಗೆ ಬಂದಿದ್ದಾರೆ. ಫೋಕಸ್ ಎಲ್ಲರ ಮೇಲೂ ಶಿಫ್ಟ್ ಆಗುವ ಈ ಹೊತ್ತಲ್ಲಿ ವೀಕ್ಷಕರಿಗೆ ಕುರಿ ಪ್ರತಾಪ್ ಮೇಲೆ ನಿರೀಕ್ಷೆಯ ಮೂಟೆಯೇ ಇದೆ.

ಹಾಗ್ನೋಡಿದ್ರೆ, 'ಬಿಗ್ ಬಾಸ್' ಮನೆಯೊಳಗೆ ಕುರಿ ಪ್ರತಾಪ್ ಹೋಗಬೇಕು ಎಂಬುದು ವೀಕ್ಷಕರ ಹೆಬ್ಬಯಕೆ ಆಗಿತ್ತು. 'ಕುರಿಗಳು ಸಾರ್..' ಮತ್ತು 'ಮಜಾ ಟಾಕೀಸ್' ಕಾರ್ಯಕ್ರಮಗಳಿಂದ ಕಿರುತೆರೆ ವೀಕ್ಷಕರ ಮನೆಮಾತಾಗಿದ್ದ ಕುರಿ ಪ್ರತಾಪ್ 'ಬಿಗ್ ಬಾಸ್' ಮನೆಯೊಳಗೆ ಹೋದರೆ ಮನರಂಜನೆ ಗ್ಯಾರೆಂಟಿ ಅಂತಲೇ ನೋಡುಗರು ಭಾವಿಸಿದ್ದರು.

ವೀಕ್ಷಕರ ಒತ್ತಾಯದ ಮೇರೆಗೆ ಕುರಿ ಪ್ರತಾಪ್ 'ಬಿಗ್ ಬಾಸ್ ಕನ್ನಡ-7'ನಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದಾರೆ. ಒಂದು ವಾರದಲ್ಲಿ ನಿರೀಕ್ಷೆ ಮಟ್ಟ ತಲುಪಿಲ್ಲ ಅಂದ್ರೂ, ಕುರಿ ಪ್ರತಾಪ್ ಸಾಧ್ಯವಾದಷ್ಟು ಮನರಂಜನೆ ಕೊಟ್ಟಿದ್ದಾರೆ.

ಡಿಮ್ಯಾಂಡ್ ಜಾಸ್ತಿ ಇದ್ದಿದ್ರಿಂದ 'ಬಿಗ್ ಬಾಸ್' ಮನೆಯೊಳಗೆ ಬಂದ ಕುರಿ ಪ್ರತಾಪ್ ಗೆ 'ಬಿಗ್ ಬಾಸ್' ಕೊಡುತ್ತಿರುವ ಸಂಭಾವನೆ ಎಷ್ಟು ಗೊತ್ತಾ.? ಫೋಟೋ ಸ್ಲೈಡ್ ಗಳಲ್ಲಿ ಓದಿರಿ....

ಕುರಿ ಪ್ರತಾಪ್ ಸಂಭಾವನೆ ಎಷ್ಟು.?

'ಬಿಗ್ ಬಾಸ್ ಕನ್ನಡ-7' ಕಾರ್ಯಕ್ರಮದಲ್ಲಿ ಕುರಿ ಪ್ರತಾಪ್ ಪಡೆಯುತ್ತಿರುವ ಸಂಭಾವನೆ 25 ಸಾವಿರ ರೂಪಾಯಿ. ಅದು ದಿನವೊಂದಕ್ಕೆ. ಹಾಗಂತ ಮೂಲಗಳು ತಿಳಿಸಿವೆ.

ಲಕ್ಷಾಧಿಪತಿ ಗ್ಯಾರೆಂಟಿ

ದಿನಕ್ಕೆ 25 ಸಾವಿರ ಸಿಗುವುದು ಖಚಿತವೇ ಆಗಿದ್ದರೆ, 'ಬಿಗ್ ಬಾಸ್ ಕನ್ನಡ-7' ಕಾರ್ಯಕ್ರಮ ಗೆಲ್ಲದೇ ಹೋದರೂ, ನೂರು ದಿನಗಳ ಕಾಲ 'ದೊಡ್ಮನೆ'ಯೊಳಗೆ ಬಂಧಿಯಾಗಿದ್ದರೆ ಕುರಿ ಪ್ರತಾಪ್ ಲಕ್ಷಾಧಿಪತಿ ಆಗುವುದು ಖಚಿತ.

ಸಂಭಾವನೆ ಅಂದ್ರೆ ದುಡ್ಡು ಅಷ್ಟೇ ಅಲ್ಲ.!

'ಬಿಗ್ ಬಾಸ್' ಕಾರ್ಯಕ್ರಮದಲ್ಲಿ ಕೆಲ ಸ್ಪರ್ಧಿಗಳು ದುಡ್ಡಿಗಾಗಿ ಕಾಂಟ್ರ್ಯಾಕ್ಟ್ ಗೆ ಸಹಿ ಹಾಕಿದರೆ, ಹಲವರು ಕಲರ್ಸ್ ಕುಟುಂಬದ ಬೇರೆ ಶೋಗಳಲ್ಲಿ ಭಾಗವಹಿಸಲು ಕಮ್ಮಿಟ್ ಆಗುತ್ತಾರೆ. ಹೀಗಾಗಿ ಕುರಿ ಪ್ರತಾಪ್ ಸಂಭಾವನೆಯನ್ನ ಡಿಮ್ಯಾಂಡ್ ಮಾಡಿದ್ದಾರೋ, ಇಲ್ಲ ಬೇರೆ ಶೋ ಒಪ್ಪಿಕೊಂಡಿದ್ದಾರೋ ಎಂಬುದಕ್ಕೆ ಸದ್ಯ ಸ್ಪಷ್ಟನೆ ಸಿಕ್ಕಿಲ್ಲ.

ಕುರಿ ಇನ್ನೂ ಕಮಾಲ್ ಮಾಡಿಲ್ಲ

ಪಂಚಿಂಗ್ ಡೈಲಾಗ್ ಹೊಡೆಯುವುದರಲ್ಲಿ ನಿಸ್ಸೀಮನಾಗಿರುವ ಕುರಿ ಪ್ರತಾಪ್ 'ಬಿಗ್ ಬಾಸ್' ಶೋನಲ್ಲಿ ಮೊದಲ ವಾರ ಅಷ್ಟೇನು ಕಮಾಲ್ ಮಾಡಲಿಲ್ಲ. ಇನ್ನಾದರೂ ಕುರಿ ಪ್ರತಾಪ್ ಎಚ್ಚೆತ್ತುಕೊಂಡರೆ ಅವರ ಅಭಿಮಾನಿಗಳಿಗೇ ಖುಷಿ.

ಚಿತ್ರಕೃಪೆ: ಕಲರ್ಸ್ ಕನ್ನಡ/ವೂಟ್