ಒಂದು ವಾರ 'ಬಿಗ್ ಬಾಸ್' ಮನೆಯಲ್ಲಿದ್ದ ರವಿ ಬೆಳಗೆರೆಗೆ ಸಿಕ್ಕ ಸಂಭಾವನೆ ಎಷ್ಟು.?

ಸಂಭಾವನೆ ಕೇಳಲಿಲ್ಲ.!

''ನನಗೆ ಸಂಭಾವನೆ ಕೊಡಲಿಲ್ಲ. ನಾನೂ ಕೇಳಲಿಲ್ಲ. ಪರಮೇಶ್ವರ್ ಗುಂಡ್ಕಲ್ ನನಗೆ ಒಳ್ಳೆಯ ಸ್ನೇಹಿತ. 'ಬಿಗ್ ಬಾಸ್' ಮೂಲಕ ಕರ್ನಾಟಕದ ಜನತೆಗೆ ನನ್ನ ಇನ್ನೊಂದು ಮುಖ ಪರಿಚಯ ಆಗುತ್ತೆ ಎಂಬ ಕಾರಣಕ್ಕೆ ನಾನು ದುಡ್ಡು ಕೇಳಲಿಲ್ಲ. ನನ್ನ ಬಳಿಯೇ ಸಾಕಷ್ಟು ದುಡ್ಡು ಇದೆ'' ಎಂದು ಸಂದರ್ಶನವೊಂದರಲ್ಲಿ ರವಿ ಬೆಳಗೆರೆ ಹೇಳಿಕೊಂಡಿದ್ದಾರೆ.

ಕಮ್ಮಿಟ್ ಆಗಿದ್ದು ಒಂದು ವಾರಕ್ಕೆ ಮಾತ್ರ.!

ಪತ್ರಿಕೆ, ಶಾಲೆ ಮತ್ತು ಪುಸ್ತಕ ಬರೆಯುತ್ತಿರುವ ರವಿ ಬೆಳಗೆರೆಗೆ ಅದನ್ನೆಲ್ಲ ಬಿಟ್ಟು 'ಬಿಗ್ ಬಾಸ್' ಮನೆಯೊಳಗೆ ನೂರು ದಿನ ಇರುವುದು ಕಷ್ಟಸಾಧ್ಯ. ಹೀಗಾಗಿ ಹೋಗುವಾಗಲೇ ಒಂದೇ ವಾರ ಮಾತ್ರ ಇರೋದು ಅಂತ ರವಿ ಬೆಳಗೆರೆ ಹೇಳಿದ್ರಂತೆ. ಒಂದು ವಾರಕ್ಕೆ ಮಾತ್ರ 'ಬಿಗ್ ಬಾಸ್'ಗೆ ರವಿ ಬೆಳಗೆರೆ ಕಮಿಟ್ ಆಗಿದ್ರಂತೆ.

ಹಾಗಿದ್ರೆ, ಸ್ಪರ್ಧಿ ಅಂತ ತೋರಿಸಿದ್ದು ಯಾಕೆ.?

ಒಂದು ವಾರಕ್ಕೆ ಮಾತ್ರ ಕಮಿಟ್ ಆಗಿದ್ದ ರವಿ ಬೆಳಗೆರೆರವರನ್ನ 'ಬಿಗ್ ಬಾಸ್' ಮೊದಲು ಸ್ಪರ್ಧಿ ಅಂತ ಯಾಕೆ ಪರಿಚಯ ಮಾಡಿದ್ದರು ಎಂಬುದು ಸದ್ಯ ಎಲ್ಲರಿಗೂ ಕಾಡುತ್ತಿರುವ ಪ್ರಶ್ನೆ.

ವೈಲ್ಡ್ ಕಾರ್ಡ್ ಎಂಟ್ರಿಕೊಡ್ತಾರಾ ರವಿ ಬೆಳಗೆರೆ.?

ಇದೀಗಷ್ಟೇ 'ಬಿಗ್ ಬಾಸ್' ಮನೆಯಿಂದ ಹೊರಗೆ ಬಂದಿರುವ ರವಿ ಬೆಳಗೆರೆ ವೈಲ್ಡ್ ಕಾರ್ಡ್ ಎಂಟ್ರಿ ಬಗ್ಗೆ ಅಷ್ಟು ಗಮನ ಕೊಟ್ಟಿಲ್ಲ. ಮುಂದೊಂದು ದಿನ ರವಿ ಬೆಳಗೆರೆ ವೈಲ್ಡ್ ಕಾರ್ಡ್ ಎಂಟ್ರಿ ಕೊಟ್ಟರೂ ಆಶ್ಚರ್ಯ ಪಡಬೇಕಿಲ್ಲ.