ಜಗ್ಗುದಾದಾ ಜೊತೆ ಹೊಸ ಕ್ಯಾರೆಕ್ಟರ್ ಬಗ್ಗುದಾದಾ

ಈಟಿವಿ ಕನ್ನಡ ವಾಹಿನಿಯ ಬಿಗ್ ಬಾಸ್ ರಿಯಾಲಿಟಿ ಶೋ 59ನೇ ದಿನದ ಹೈಲೈಟ್ಸ್ ಇಲ್ಲಿವೆ. ಮನೆಯಲ್ಲಿ ಕಳ್ಳ ಪೋಲೀಸ್ ಆಟ ಜೋರಾಗಿ ನಡೆಯುತ್ತಿದೆ. ಒಂದರ್ಥದಲ್ಲಿ ಮನೆ ಕಳ್ಳರ ಸಂತೆಯಾಗಿದೆ. ಇನ್ಸ್ ಪೆಕ್ಟರ್ ಉಳ್ಳಾಗಡ್ಡಿ ಪಾತ್ರದಲ್ಲಿ ಅರುಣ್ ಸಾಗರ್ ಕಳ್ಳರನ್ನು ಹಿಡಿಯುವ ಪ್ರಯತ್ನ ಮಾಡುತ್ತಿದ್ದಾರೆ.

ಕಳ್ಳರ ಗುಂಪಿನ ನಾಯಕ ಜಗ್ಗುದಾದಾ ಆಗಿ ಯಾರಿಗೂ ಸಂದೇಹ ಬಾರದಂತೆ ಬ್ರಹ್ಮಾಂಡ ಶರ್ಮಾ ಅವರು ಕಳ್ಳತನದಲ್ಲಿ ತೊಡಗಿಕೊಂಡಿದ್ದಾರೆ. ರಾತ್ರಿ ಮನೆಯಲ್ಲಿ ದೀಪ ಆರುತ್ತಿದ್ದಂತೆ ತಮ್ಮ ಕಾರ್ಯಾಚರಣೆಯನ್ನು ಶರ್ಮಾ ಸಾಹೇಬರು ಶುರುವಚ್ಚಿಕೊಳ್ಳುತ್ತಿದ್ದಾರೆ.

ಆದರೆ ಜಗ್ಗುದಾದಾ ಇವರೇ ಎಂದು ಹೇಳಲು, ಪತ್ತೆ ಹಚ್ಚಲು ಮಾತ್ರ ಸಾಧ್ಯವಾಗಿಲ್ಲ. ಇದರ ಜೊತೆಗೆ ವಿಜಯ್ ರಾಘವೇಂದ್ರ ಅವರಿಗೆ ಬಿಗ್ ಬಾಸ್ ಮತ್ತೊಂದು ರಹಸ್ಯ ಟಾಸ್ಕ್ ಕೊಟ್ಟಿದ್ದಾರೆ. ಅದೇನೆಂದರೆ ಜಗ್ಗುದಾದಾ ಜೊತೆಗೆ ರಾಘು ಬಗ್ಗುದಾದಾ ಆಗಿ ಅಭಿನಯಿಸಬೇಕು. ಅವರೂ ಒಂದಷ್ಟು ವಸ್ತುಗಳನ್ನು ಕದಿಯಬೇಕು.