'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಗೆದ್ದ ಬಾಲಕಿಗೆ ಸಿಕ್ಕ ಬಹುಮಾನ ಮೊತ್ತವೆಷ್ಟು.?

'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಫಿನಾಲೆ ವೇದಿಕೆಯಲ್ಲಿ ಪುಟ್ಟ ಪುಟ್ಟ ಮಕ್ಕಳು ತಮ್ಮ ಸೂಪರ್ ಡ್ಯಾನ್ಸ್ ಮೂಲಕ ಧೂಳೆಬ್ಬಿಸಿದರು. ಕೊನೆಯ ಹಂತದಲ್ಲಿ 5 ಜನ ಮಕ್ಕಳು ಫಿನಾಲೆ ವೇದಿಕೆಯಲ್ಲಿದ್ದರು. ಒಬ್ಬರು ಪ್ರಶಸ್ತಿಗೆ ಭಾಜನರಾದರು.

ಕಾರ್ಯಕ್ರಮದ ಮೊದಲ ದಿನದಿಂದಲೂ ಮೋಡಿ ಮಾಡುತ್ತಾ ಬಂದಿದ್ದ ನೇತ್ರಾವತಿ ಈ ಬಾರಿಯ 'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಕೀರಿಟಕ್ಕೆ ಮುತ್ತಿಟ್ಟಿದ್ದಾರೆ.

'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಗೆದ್ದ ನೇತ್ರಾವತಿಗೆ ಸ್ಟಾರ್ ಸುವರ್ಣ ವಾಹಿನಿ ಕಡೆಯಿಂದ 10 ಲಕ್ಷ ರೂಪಾಯಿ ಮತ್ತು ಪ್ರಶಸ್ತಿ ಬಹುಮಾನವಾಗಿ ಸಿಕ್ಕಿದೆ.

'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಫಿನಾಲೆಯಲ್ಲಿ ನೇತ್ರಾವತಿ ಮೊದಲನೇ ಬಹುಮಾನ ಪಡೆದುಕೊಂಡರೇ, ರಿತಿಕಾ ಎರಡನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.

'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಕಾರ್ಯಕ್ರಮ ಮೊದಲ ಎಪಿಸೋಡ್ ಗೆ ಚಾಲನೆ ಕೊಟ್ಟಿದ್ದ ಪುನೀತ್ ರಾಜ್ ಕುಮಾರ್, ಗ್ರ್ಯಾಂಡ್ ಫಿನಾಲೆಯಲ್ಲೂ ಅತಿಥಿಯಾಗಿ ಆಗಮಿಸಿದ್ದರು. ಈ ವೇಳೆ ನಟಿ ರಶ್ಮಿಕಾ ಮಂದಣ್ಣ ಕೂಡ ಭಾಗಿಯಾಗಿದ್ದರು.