'ಟಿವಿ' ದುರ್ಯೋಧನ 'ಬಿಗ್'ವಿಮಾನಕ್ಕೆ ರೀ ಎಂಟ್ರಿ!

ಎಲಿಮಿನೇಷನ್ ಆಗಲು ಕಾರಣ ಸ್ಪಷ್ಟವಿದೆ

ಇತ್ತೀಚಿನ ಟಾಸ್ಕ್ ವೊಂದರಲ್ಲಿ ಪುನೀತ್ ಅವರು ಆರ್ಯ ಬಬ್ಬರ್ ಮೇಲೆ ಕೈ ಮಾಡಿ ಗಾಯಗೊಳಿಸಿದ್ದರು. ತಕ್ಷಣವೇ ಗಂಟು ಮೂಟೆ ಕಟ್ಟುವಂತೆ ಬಿಗ್ ಬಾಸ್ ಆದೇಶಿಸಿದ್ದರು. ಗೌತಮ್ ಗುಲಾಟಿಯಂತೂ ಪುನೀತ್ ನಿರ್ಗಮನ ಕಂಡು ಕಣ್ಣೀರಿಟ್ಟಿದ್ದ.

ಕ್ಷಮೆ ಬೇಡಿದ ಪುನೀತ್ ಇಸ್ಸಾರ್

ಮಾರ್ಷಲ್ ಆರ್ಟ್ಸ್ ಪ್ರಯೋಗ ಮಾಡಿದ್ದು ನನ್ನ ತಪ್ಪು ಎಂದು ಒಪ್ಪಿಕೊಂಡ ಪುನೀತ್ ಅವರು ಇತರೆ ಸ್ಪರ್ಧಿಗಳಲ್ಲಿ ಕ್ಷಮೆಯಾಚಿಸಿದ್ದರು. ಪುನೀತ್ ಅವರ ಭಾವುಕ ಕ್ಷಮೆಯಾಚನೆಯಲ್ಲಿ ನಾಟಕೀಯತೆ ಕಾಣದ ಇತರೆ ಸ್ಪರ್ಧಿಗಳು ಅವರನ್ನು ಕ್ಷಮಿಸಲು ಮುಂದಾಗಿರುವ ಸುದ್ದಿ ಬಂದಿದೆ. ಪುನೀತ್ ನಮ್ಮೊಂದಿಗೆ ಶೋ ನಲ್ಲಿ ಮುಂದುವರೆಯಲು ನಮ್ಮೆಲ್ಲರ ಆಕ್ಷೇಪಣೆ ಏನು ಇಲ್ಲ ಎಂಬ ಸಂದೇಶ ರವಾನಿಸಿದ್ದಾರೆ.

ಪುನೀತ್ ಪುನರ್ ಆಗಮನ ಸಾಧ್ಯವೇ?

ಪುನೀತ್ ಇಸ್ಸಾರ್ ಅವರು ಈ ಬಾರಿ ಲಕ್ಕಿಯಾದರೂ ಹೆಚ್ಚು ದಿನ ಮನೆಯಲ್ಲಿ ಉಳಿಯುವುದು ಕಷ್ಟ. ಇತರೆ ಸ್ಪರ್ಧಿಗಳ ನಡುವೆ ಹಿರಿಯನಾಗಿ ಹೆಚ್ಚು ಭಾವುಕನಾಗಿ ಕಂಡು ಬರುವ ಪುನೀತ್ ಅವರು ಮುಂದಿನ ಕೆಲ ವಾರಗಳಲ್ಲೇ ಮನೆಯಿಂದ ಹೊರಬೀಳುವ ಲಕ್ಷಣಗಳಿವೆ ಎಂಬ ಸುದ್ದಿಯೂ ಇದೆ. ಅದರೆ, ಭಾವುಕನಾದರೂ ಪುನೀತ್ ಅವರು ಪ್ರಬಲ ಸ್ಪರ್ಧಿಯಂತೂ ಹೌದು.

ಏನಾಗುವುದೋ ಕಾದು ನೋಡೋಣ

ಕಲರ್ಸ್ ವಾಹಿನಿಯ ಅತಿದೊಡ್ಡ ರಿಯಾಲಿಟಿಶೋ ಬಿಗ್ ಬಾಸ್ ನಲ್ಲಿ ಹೆಚ್ಚು ದಿನ ಉಳಿಯಲು ಇತರೆ ಸ್ಪರ್ಧಿಗಳ ಮನಸ್ಥಿತಿಯನ್ನು ಅರಿಯಬೇಕಾದ ಅಗತ್ಯವಿದೆ. ನನ್ನ ಪಾಡಿಗೆ ನಾನಿರುತ್ತೇನೆ ಎಂದರೆ ಆಗುವುದಿಲ್ಲ ಎಂಬ ಸತ್ಯ ಮಿನಿಷಾ ಎಲಿಮಿನೇಷನ್ ನಿಂದ ಇತರೆ ಸ್ಪರ್ಧಿಗಳಿಗೆ ಅರಿವಾಗಿದೆ. ಈ ಸತ್ಯ ಇತರರಿಗಿಂತ ಮುಂಚಿತವಾಗಿ ಅರಿತಿರುವ ಪುನೀತ್ ಕಥೆ ಏನಾಗುವುದೋ ಕಾದು ನೋಡೋಣ