ಅಗ್ನಿ ದುರಂತ: ಧಗಧಗ ಉರಿದು ಸುಟ್ಟು ಕರಕಲಾದ 'ಬಿಗ್ ಬಾಸ್' ಮನೆ

'ಬಿಗ್ ಬಾಸ್' ಮನೆಯಲ್ಲಿ ಬೆಂಕಿ ಅವಘಡ

ಮುಂಜಾನೆ ಮೂರು ಗಂಟೆ ಹೊತ್ತಿಗೆ 'ಬಿಗ್ ಬಾಸ್' ಮನೆಯಲ್ಲಿ ಅಗ್ನಿ ದುರಂತ ಸಂಭವಿಸಿದೆ. ಮೊದಲು 'ಬಿಗ್ ಬಾಸ್' ಮನೆಯ ಪಕ್ಕದಲ್ಲಿ ಇದ್ದ ಮೇಣದ ಮ್ಯೂಸಿಯಂನಲ್ಲಿ ಶಾರ್ಟ್ ಸರ್ಕ್ಯೂಟ್ ನಿಂದ ಬೆಂಕಿ ಕಾಣಿಸಿಕೊಂಡಿದೆ. ಬಳಿಕ 'ಬಿಗ್ ಬಾಸ್' ಮನೆಗೂ ಬೆಂಕಿ ವ್ಯಾಪಿಸಿದೆ. 'ಬಿಗ್ ಬಾಸ್' ಎಡಿಟಿಂಗ್ ರೂಮ್ ಸೇರಿದಂತೆ 'ಬಿಗ್ ಬಾಸ್' ಮನೆಯೊಳಗಿದ್ದ ಪೀಠೋಪಕರಣಗಳೂ ಸುಟ್ಟು ಭಸ್ಮವಾಗಿದೆ.

ಬೆಂಕಿ ನಂದಿಸಲು ಅಗ್ನಿ ಶಾಮಕ ದಳ ಹರಸಾಹಸ

'ಬಿಗ್ ಬಾಸ್' ಮನೆಯಲ್ಲಿ ಆವರಿಸಿರುವ ಬೆಂಕಿ ನಂದಿಸಲು ಅಗ್ನಿಶಾಮಕ ಸಿಬ್ಬಂದಿ ಹರಸಾಹಸ ಪಡುತ್ತಿದ್ದಾರೆ. ಆದರೂ, ಬೆಂಕಿ ನಂದಿಸಲು ಇನ್ನೂ ಸಾಧ್ಯವಾಗಿಲ್ಲ.

ಸುಟ್ಟು ಕರಕಲಾಗಿದೆ

'ಬಿಗ್ ಬಾಸ್' ಮನೆಯ ಒಳಭಾಗಕ್ಕೂ ಬೆಂಕಿ ಆವರಿಸಿರುವುದರಿಂದ, ಬೆಂಕಿ ನಂದಿಸಲು ಸಾಧ್ಯವಾಗುತ್ತಿಲ್ಲ. ಅದಾಗಲೇ ಮುಕ್ಕಾಲು ಭಾಗದಷ್ಟು 'ಬಿಗ್ ಬಾಸ್' ಮನೆ ಬೆಂಕಿಯ ಕೆನ್ನಾಲಿಗೆಗೆ ಸುಟ್ಟು ಕರಕಲಾಗಿದೆ.

ಕೋಟ್ಯಾಂತರ ರೂಪಾಯಿ ನಷ್ಟ

ಬೆಂಕಿ ಅವಘಡದಿಂದಾಗಿ ಕಲರ್ಸ್ ವಾಹಿನಿ ಹಾಗೂ 'ಬಿಗ್ ಬಾಸ್' ನಡೆಸುವ ಎಂಡೆಮಾಲ್ ಸಂಸ್ಥೆಗೆ ಕೋಟ್ಯಾಂತರ ರೂಪಾಯಿ ನಷ್ಟವಾಗಿದೆ.