ತವರು ಮನೆ ಸೇರಿದ ಅಮೂಲ್ಯ: ವೇದಾಂತ್ ಹೆಂಡತಿ ಮಾತನ್ನು ಕೇಳುತ್ತಾನಾ..?

ಅಮೂಲ್ಯಗೆ ಜೋರು ಮಾಡಿದ ಚಂದ್ರ

ಮನೆಗೆ ಬಂದ ಅಮೂಲ್ಯ, ಚಂದ್ರಳ ಮೇಲೆ ಕೂಗಾಡಿದ್ದಾಳೆ. ಯಾರು ನೀನು, ನಮ್ಮ ಮನೆಗೆ ಯಾಕೆ ಬಂದೆ ಎಂದು ಬೈಯುತ್ತಾಳೆ. ಆದರೆ ಚಂದ್ರ ವಾಪಸ್ ಅಮೂಲ್ಯಳಿಗೆ ಜೋರು ಮಾಡಿ ಬೈಯುತ್ತಾಳೆ. ಇಬ್ಬರು ವಾದ ಮಾಡುತ್ತಾರೆ. ಅಮೂಲ್ಯ, ಚಂದ್ರಾಗೆ ವೀಡಿಯೋ ತೋರಿಸಿ ಯಾರು ನೀನು, ನಿನಗೂ ತೇಜಸ್‌ಗೂ ಏನು ಸಂಬಂಧ, ನಮ್ಮ ಮನೆಗೆ ಯಾಕೆ ಬಂದೆ ಎಂದು ಪ್ರಶ್ನೆ ಮಾಡುತ್ತಾಳೆ. ಚಂದ್ರ ಬಗ್ಗುವುದಿಲ್ಲ. ಅಮೂಲ್ಯಳಿಗೆ ಎದುರುತ್ತರ ಕೊಡುತ್ತಾಳೆ.

ವೇದಾಂತ್ ಕೋಪಕ್ಕೆ ಸುಹಾಸಿನಿ ಕಾರಣ

ಈ ವೇಳೆ ಸುಹಾಸಿನಿ ಬೇಕಂತಲೇ ಚಂದ್ರಳನ್ನು ತಳ್ಳುತ್ತಾಳೆ. ಆಗ ವೇದಾಂತ್ ಬಂದು ಅಮೂಲ್ಯಗೆ ಬೈಯುತ್ತಾನೆ. ಅಮೂಲ್ಯ ಸತ್ಯ ಹೇಳಿದರೂ ಕೇಳುವುದಿಲ್ಲ. ವೀಡಿಯೋ ತೋರಿಸಲು ಬಂದರೂ ಕೂಡ ವೇದಾಂತ್ ಕೇಳದೇ ಅಮೂಲ್ಯ ಮೇಲೆ ಕೈ ಮಾಡಲು ಕೈ ಎತ್ತುತ್ತಾನೆ. ಆಗ ಅಮೂಲ್ಯ ಕೋಪ ಮಾಡಿಗೊಂಡು ರೂಮಿಗೆ ಹೋಗುತ್ತಾಳೆ. ಸುಹಾಸಿನಿ ಮಾಡಿದ ಕೆಲಸದಿಂದ ಅಮೂಲ್ಯ, ವೇದಾಂತ್ ಎದುರು ಕೆಟ್ಟವಳಾಗಿದ್ದಾಳೆ. ವೇದಾಂತ್ ಕೂಡ ಹೆಂಡತಿ ಮಾತು ಕೇಳದೇ ತಪ್ಪು ಮಾಡಿದ್ದಾನೆ.

ಮನೆ ಬಿಟ್ಟು ಬಂದ ಅಮೂಲ್ಯ

ಅಮೂಲ್ಯ, ವೇದಾಂತ್ ಮೇಲೆ ಕೋಪ ಮಾಡಿಕೊಂಡು ಮನೆಯಿಂದ ಹೊರಡುತ್ತಾಳೆ. ಮನೆಯಲ್ಲಿ ಯಾರು ತಡೆದರೂ ಕೇಳುವುದಿಲ್ಲ. ಎಲ್ಲರಿಗೂ ವಾಪಸ್ ಬುದ್ಧಿ ಹೇಳಿ ಮನೆಯಿಂದ ಹೊರಡುತ್ತಾಳೆ. ಅಮೂಲ್ಯ ಸೀದಾ ತನ್ನ ತವರು ಮನೆಗೆ ಹೋಗುತ್ತಾಳೆ. ಅಮೂಲ್ಯ ಮನೆಯಲ್ಲಿ ಏನೆಲ್ಲಾ ನಡೆಯಿತು ಎಂಬುದನ್ನು ವಿವರಿಸುತ್ತಾಳೆ. ಅಮೂಲ್ಯ ಮನೆ ಬಿಟ್ಟು ಬಂದಿದ್ದಕ್ಕೆ ಮೊದಲು ಭಯಪಡುತ್ತಾರೆ. ನಂತರ ಸುಮ್ಮನಾಗುತ್ತಾರೆ. ವೇದಾಂತ್‌ಗೆ ಎಲ್ಲವೂ ಅರ್ಥವಾಗುತ್ತದೆ ಎಂದು ಸಮಾಧಾನ ಮಾಡುತ್ತಾರೆ. ಅಮೂಲ್ಯ ಕೂಡ ವೇದಾಂತ್ ಬಂದು ಕ್ಷಮೆ ಕೇಳುವವರೆಗೂ ಹೋಗುವುದಿಲ್ಲ ಎಂದು ಹೇಳುತ್ತಾಳೆ.

ಅಮೂಲ್ಯ ವೇದಾಂತ್‌ಗೆ ಸತ್ಯ ಹೇಳುತ್ತಾಳಾ..?

ಮನೆಯಲ್ಲಿ ಎಲ್ಲರೂ ವೇದಾಂತ್‌ಗೆ ಬೈಯುತ್ತಾರೆ. ನೀನು ಅಮೂಲ್ಯ ಮೇಲೆ ಕೈ ಎತ್ತಬಾರದಿತ್ತು. ಅಮೂಲ್ಯ ಮೇಲೆ ಅಷ್ಟು ಪ್ರೀತಿ ಇಟ್ಟಿರುವ ನೀನು ಹೀಗೆ ಮಾಡಬಾರದಿತ್ತು ಎಂದು ಹೇಳುತ್ತಾರೆ. ಇನ್ನು ಸಾರ್ಥಕ್, ವೇದಾಂತ್‌ಗೆ ಬುದ್ಧಿ ಹೇಳುತ್ತಾನೆ. ಮೊದಲು ಹೋಗಿ ಅಮೂಲ್ಯಳನ್ನು ಮನೆಗೆ ವಾಪಸ್ ಕರೆದುಕೊಂಡು ಬನ್ನಿ. ಮುಂದಿನ ಸಲ ಹೀಗೆ ನಡೆಯದಂತೆ ನೋಡಿಕೊಳ್ಳಿ ಎನ್ನುತ್ತಾನೆ. ಇನ್ನು ಅಮೂಲ್ಯ ವೇದಾಂತ್ ಗೆ ಸತ್ಯ ಹೇಳುತ್ತಾಳಾ..?