ಎರಡು ಜಡೆ ಸೇರಿದರೆ ಜಗಳ, ಅಂಥದ್ರಲ್ಲಿ ರಾಗಿಣಿ-ರಕ್ಷಿತಾ ಫ್ರೆಂಡ್ಸ್ ಆಗಿದ್ದು ಹೇಗೆ.?

ನಂ.1 ಯಾರಿ ವಿತ್ ಶಿವಣ್ಣ ಕಾರ್ಯಕ್ರಮದಲ್ಲಿ ರಾಗಿಣಿ-ರಕ್ಷಿತಾ

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ನಿರೂಪಣೆಯಲ್ಲಿ ಮೂಡಿ ಬರುತ್ತಿರುವ 'ನಂ.1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದಲ್ಲಿ ರಕ್ಷಿತಾ ಹಾಗೂ ರಾಗಿಣಿ ದ್ವಿವೇದಿ ಅತಿಥಿಗಳಾಗಿ ಪಾಲ್ಗೊಂಡಿದ್ದರು. ಇಲ್ಲೇ ತಮ್ಮ ಸ್ನೇಹದ ಬಗ್ಗೆ ರಾಗಿಣಿ ಹಾಗೂ ರಕ್ಷಿತಾ ಮನಬಿಚ್ಚಿ ಮಾತನಾಡಿದರು.

ರಕ್ಷಿತಾಗೆ ರಾಗಿಣಿ ಫ್ಯಾನ್.!

ನೀವು ನಂಬ್ತೀರೋ, ಬಿಡ್ತಿರೋ... ರಕ್ಷಿತಾಗೆ ರಾಗಿಣಿ ದೊಡ್ಡ ಅಭಿಮಾನಿ. ರಕ್ಷಿತಾ ಅವರ 'ಸುಂಟರಗಾಳಿ' ಹಾಡು ನೋಡಿ, ಅವರಿಗೆ ಫ್ಯಾನ್ ಆಗಿದ್ರಂತೆ ರಾಗಿಣಿ. ಆ ಇಂಟ್ರೆಸ್ಟಿಂಗ್ ಕಥೆ ಇಲ್ಲಿದೆ, ಓದಿರಿ...

ಪಾರ್ಟಿಯಲ್ಲಿ ಇಬ್ಬರ ಮೊದಲ ಭೇಟಿ

''ನಾವಿಬ್ಬರು ಭೇಟಿ ಆಗಿದ್ದು ಒಂದು ಪಾರ್ಟಿಯಲ್ಲಿ. ನಾನು ಪಾರ್ಟಿ ನಡೆಯುತ್ತಿದ್ದ ಜಾಗದ ಒಳಗೆ ಹೋದಾಗ, ಕಾರ್ನರ್ ಟೇಬಲ್ ನಲ್ಲಿ ರಕ್ಷಿತಾ ಕುಳಿತಿದ್ದರು. ಆಗ ನನಗೆ ಯಾರೋ ಬಂದು ರಕ್ಷಿತಾ ಇಲ್ಲಿದ್ದಾರೆ ಅಂತ ಹೇಳಿದರು. ನಾನು ರಕ್ಷಿತಾ ಅವರ ದೊಡ್ಡ ಅಭಿಮಾನಿ. ಅವರ 'ಸುಂಟರಗಾಳಿ' ಹಾಡನ್ನ 15 ಬಾರಿ ನಾನು ನೋಡಿರಬಹುದು. ಆ ಹಾಡಲ್ಲಿ ಅವರ ಡ್ಯಾನ್ಸ್ ನನಗೆ ತುಂಬಾ ಇಷ್ಟ ಆಗಿತ್ತು. ಅವರನ್ನ ಮೀಟ್ ಮಾಡಲೇಬೇಕು ಅಂತ ಅಂದುಕೊಂಡಿದ್ದೆ. ಪಾರ್ಟಿಯಲ್ಲಿ ಅವರನ್ನ ನೋಡಿದಾಗ ಅಕ್ಷರಶಃ ಓಡಿ ಹೋಗಿ ತಬ್ಬಿಕೊಂಡಿದ್ದೇನೆ. ಅಲ್ಲಿಂದ ನಮ್ಮ ಸ್ನೇಹ ಶುರು ಆಯ್ತು. ರಕ್ಷಿತಾಗೆ ಅಭಿಮಾನಿ ಆಗಿದ್ದವಳು ಇಂದು ಸ್ನೇಹಿತೆ ಆಗಿದ್ದೇನೆ'' - ರಾಗಿಣಿ ದ್ವಿವೇದಿ, ನಟಿ

ಒಂದು ದಿನವೂ ಜಗಳ ಆಡಿಲ್ಲ!

''ನಾವಿಬ್ಬರು ಎಲ್ಲೇ ಹೋದರೂ ಜೋರಾಗಿ ಮಾತನಾಡುತ್ತೇವೆ. ಎಲ್ಲರೂ ನಮ್ಮನ್ನೇ ನೋಡುತ್ತಲಿರುತ್ತಾರೆ. ಐದಾರು ವರ್ಷಗಳಲ್ಲಿ ಒಂದು ದಿನ ಕೂಡ ರಾಗಿಣಿ ಜೊತೆಗೆ ಜಗಳ ಆಡಿಲ್ಲ'' - ರಕ್ಷಿತಾ, ನಟಿ