ಬಿಗ್ ಬಾಸ್ ಮನೆಗೆ ಹೃತಿಕ್ ಸೋದರಿ ಸುನೈನಾ ಎಂಟ್ರಿ?

ಸಾಹಿಲ್ ಖಾನ್ ರಿಂದ ಬಿಗ್ ಬಾಸ್ ಮನೆ ಪ್ರವೇಶ?

ನಟ ಸಾಹಿಲ್ ಖಾನ್ ಅವರು ಹಲವಾರು ವಿವಾದಕ್ಕೆ ಸಿಲುಕಿದ್ದರು. ನಟ ಜಾಕಿ ಶ್ರಾಫ್ ಅವರ ಪತ್ನಿ ಆಯೇಷಾ ಜೊತೆ ಅಫೇರ್, 5 ಕೋಟಿ ರು ವಂಚನೆ ಆರೋಪ ಹೊತ್ತಿದ್ದರು. ಈಗ ವಿವಾದ ಬಗ್ಗೆ ಮತ್ತೊಮ್ಮೆ ಮಾತನಾಡಲು ಮನೆಗೆ ಬರುವ ನಿರೀಕ್ಷೆಯಿದೆ.

ನಟಿ ಸಂಯುಕ್ತಾ

ಬಿಗ್ ಬಾಸ್ ಸ್ಪರ್ಧಿ ಕೀತ್ ಸಿಕ್ವೇರಾ ಅವರ ಜೊತೆ 7 ವರ್ಷ ದಾಂಪತ್ಯದಲ್ಲಿದ್ದ ಸಂಯುಕ್ತಾ ಅವರು ನಂತರ ವಿಚ್ಛೇದನ ಪಡೆದುಕೊಂಡಿದ್ದರು. ಬಾಲಿವುಡ್ ನಲ್ಲಿ ಅಯೂಬ್ ಖಾನ್ ಜೊತೆ ಸಲಾಮಿ ಎಂಬ ಚಿತ್ರದಲ್ಲೂ ನಟಿಸಿದ್ದರು. ಈಗ ಕೀತ್ ಅವರ ಮಾಜಿ ಪತ್ನಿಯಾಗಿರುವ ಸಂಯುಕ್ತಾ ಎಂಟ್ರಿ ಬಗ್ಗೆ ಮಾತು ಕೇಳಿ ಬಂದಿದೆ.

ಕೀತ್ ಗೆ ತ್ರಿಬ್ಬಲ್ ಟ್ರಬಲ್

ಡಬ್ಬಲ್ ಟ್ರಬಲ್ ಬಿಗ್ ಬಾಸ್ ನಲ್ಲಿ ಕೀತ್ ಗೆ ಈಗ ತ್ರಿಬ್ಬಲ್ ಟ್ರಬಲ್ ಶುರುವಾಗಬಹುದು. ಸಂಯುಕ್ತಾ ಎಂಟ್ರಿ ಕೊಟ್ಟರೆ ಕೀತ್ ಹಾಗೂ ಹಾಲಿ ಗೆಳತಿ ರೊಶೆಲ್ ಹಾಗೂ ಮಂದನಾ ಕರಿಮಿ ಜೊತೆ ಕೀತ್ ಹೇಗೆ ನಡೆದುಕೊಳ್ಳುತ್ತಾರೆ ಕಾದುನೋಡಬೇಕಿದೆ.

ಹೃತಿಕ್ ರೋಷನ್ ಅಕ್ಕ ಸುನೈನಾ ರೋಷನ್

ಹೃತಿಕ್ ರೋಷನ್ ಅಕ್ಕ ಸುನೈನಾ ರೋಷನ್ ಅವರು ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದುಕೊಳ್ಳಲು ಸಿದ್ಧರಾಗಿದ್ದಾರೆ.

ಸುನೈನಾ ಹಾಗೂ ರಾಜೀವ್ ಪಾಲ್ ಜೋಡಿ

ಸುನೈನಾ ಹಾಗೂ ರಾಜೀವ್ ಪಾಲ್ ಜೋಡಿಯಾಗಿ ಕೆಲವರ್ಷಗಳ ಕಾಲ ಇದ್ದರು ಅದರೆ ಅದು ಅಧಿಕೃತವಾಗಿರಲಿಲ್ಲ. ಇಬ್ಬರ ನಡುವೆ ಗೆಳೆತನ ಮಾತ್ರ ಇದೆ ಎಂದು ಸುದ್ದಿ ಬಂದಿತ್ತು. ಕ್ಯಾನ್ಸರ್, ಹೃತಿಕ್ ರೋಷನ್ ದಾಂಪತ್ಯ ಕಲಹ ಸೇರಿದಂತೆ ಅನೇಕ ವಿಷಯಗಳ ಬಗ್ಗೆ ಇರುವ ಕುತೂಹಲವನ್ನು ತಣಿಸಲು ಸುನೈನಾ ಎಂಟ್ರಿ ಕೊಟ್ಟರೂ ಅಚ್ಚರಿ ಪಡಬೇಕಾಗಿಲ್ಲ.