'ಬಿಗ್ ಬಾಸ್' ಸ್ಪರ್ಧಿಗಳ ಆಯ್ಕೆ ವಿಚಾರದಲ್ಲಿ ಸುದೀಪ್ ಮೂಗು ತೂರಿಸಲ್ಲ, ಯಾಕೆ.?

ಇದೇ ಸತ್ಯ

''ಇಂದು ವೇದಿಕೆ ಮೇಲೆ ಕೂತಿದ್ದೇನೆ. ಆದ್ರೆ, ಈ ಬಾರಿಯ (ಬಿಗ್ ಬಾಸ್ ಕನ್ನಡ-5') ಸ್ಪರ್ಧಿಗಳು ಯಾರು ಅನ್ನೋದು ನನಗೆ ಗೊತ್ತಿಲ್ಲ. ಇದೇ ಸತ್ಯ'' ಎಂದು ಸುದೀಪ್ ಹೇಳಿದರು.

ಯಾರೋ ಮಾಡಿದ ತಪ್ಪಿಗೆ ನನ್ನ ಹೆಸರು ಬಂತು

''ಬಿಗ್ ಬಾಸ್ ಕನ್ನಡ-1' ಯಶಸ್ವಿ ಆದ್ಮೇಲೆ, ಎರಡನೇ ಸೀಸನ್ ಸ್ಪರ್ಧಿಗಳ ಹೆಸರನ್ನ ಚಾನೆಲ್ ನವರೇ ನನಗೆ ಹೇಳಿದ್ದರು. ಬಳಿಕ ಅದು ಲೀಕ್ ಆದ್ಮೇಲೆ, ''ನೀವು ಯಾರಿಗಾದರೂ ಹೇಳಿದ್ದೀರಾ'' ಅಂತ ನನಗೆ ಕೇಳಿದರು. ಬೇರೆ ಯಾರೋ ಮಾಡಿದ ತಪ್ಪಿಗೆ ಅಲ್ಲಿ ನನ್ನ ಹೆಸರು ಬಂತು. ಗೊತ್ತಿದ್ದರೆ, ತಾನೆ ನನ್ನ ಹೆಸರು ಬರುವುದು. ಹೀಗಾಗಿ, ತಿಳಿದುಕೊಳ್ಳುವುದೇ ಬೇಡ ಅಂತ ಹೊರಗೆ ಇದ್ದೇನೆ'' ಅಂತ ನಡೆದ ಘಟನೆಯೊಂದನ್ನ ಸುದೀಪ್ ನೆನಪಿಸಿಕೊಂಡರು.

ನಾನು ಯಾರನ್ನೂ ಸೂಚಿಸುವುದಿಲ್ಲ.!

''ಕಾರ್ಯಕ್ರಮಕ್ಕೆ ನಾನು ಯಾರನ್ನೂ ರೆಕ್ಮೆಂಡ್ ಮಾಡಲ್ಲ. ಸೂಚಿಸುವುದೂ ಇಲ್ಲ. ನನಗೆ ಯಾವುದೇ ಅಧಿಕಾರ ಇಲ್ಲ'' ಅಂತಲೂ ಸುದೀಪ್ ಹೇಳಿದ್ದಾರೆ.

ಅಕ್ಟೋಬರ್ 15 ರಂದು 'ಬಿಗ್ ಬಾಸ್ ಕನ್ನಡ-5' ಓಪನ್ನಿಂಗ್

ಅಂದ್ಹಾಗೆ, ಈ ಬಾರಿ 'ದೊಡ್ಮನೆ'ಯೊಳಗೆ ಯಾರೆಲ್ಲ ಹೋಗುತ್ತಾರೆ ಎಂಬ ಪ್ರಶ್ನೆಗೆ ಉತ್ತರ ಅಕ್ಟೋಬರ್ 15 ರಂದು ಸಂಜೆ ಆರು ಗಂಟೆಗೆ ಲಭ್ಯವಾಗಲಿದೆ.