ಕಿರುತೆರೆ ನಟಿ ರಾಧಿಕಾ ಜೊತೆಗೆ ನಟ ಶ್ರವಂತ್ ಮದುವೆ ಸಂಭ್ರಮ.!

ಶ್ರವಂತ್-ರಾಧಿಕಾ ಮದುವೆ

ನಟ ಶ್ರವಂತ್ ಮತ್ತು ರಾಧಿಕಾ ಮದುವೆ ನಿನ್ನೆ ಗ್ರ್ಯಾಂಡ್ ಆಗಿ ನಡೆದಿದೆ. ಹಲವು ದಿನಗಳಿಂದ ಪ್ರೀತಿಸುತ್ತಿದ್ದ ಈ ಜೋಡಿ ಇದೀಗ ಹೊಸ ಬದುಕಿಗೆ ನಾಂದಿ ಹಾಡಿದ್ದಾರೆ. ಶ್ರವಂತ್ ಮತ್ತು ರಾಧಿಕಾ ವಿವಾಹಕ್ಕೆ ಕಿರುತೆರೆ ಲೋಕದ ನಟ-ನಟಿಯರು ಸಾಕ್ಷಿ ಆಗಿದ್ದರು.

ನೆಗೆಟಿವ್ ಶೇಡ್ ಪಾತ್ರ

ಖಾಸಗಿ ವಾಹಿನಿಯಲ್ಲಿ ಪ್ರಸಾರ ಆಗುವ ಜನಪ್ರಿಯ ಧಾರಾವಾಹಿಯೊಂದರಲ್ಲಿ ರಾಧಿಕಾ ಅಭಿನಯಿಸುತ್ತಿದ್ದಾರೆ. ನೆಗೆಟಿವ್ ಶೇಡ್ ಇರುವ ಪಾತ್ರದಲ್ಲಿ ನಟಿಸುತ್ತಿರುವ ರಾಧಿಕಾ, ಅದೇ ಪಾತ್ರದಿಂದ ಫೇಮಸ್ ಆಗಿದ್ದಾರೆ.

'ಹೀರೋ' ಶ್ರವಂತ್

ಕಿರುತೆರೆ ಲೋಕದಲ್ಲೂ ಫೇಮಸ್ ಆಗಿದ್ದ ಶ್ರವಂತ್, ಹಲವು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. 2008 ರಲ್ಲಿ ಬಿಡುಗಡೆ ಆದ 'ಚಿಕ್ಕಮಗಳೂರ ಚಿಕ್ಕಮಲ್ಲಿಗೆ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಹೀರೋ ಆಗಿ ಗುರುತಿಸಿಕೊಂಡ ಶ್ರವಂತ್, 'ನಾವಿಕ', 'ನೆನಪಿದೆಯ', 'ಪರಾರಿ' ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

ತಮಿಳು ಚಿತ್ರದಲ್ಲೂ ಅಭಿನಯ

ಅಸಲಿಗೆ ನಟ ಶ್ರವಂತ್ ತಂದೆ ಮತ್ತು ತಾತ ಕನ್ನಡ ಚಿತ್ರರಂಗದ ನಿರ್ಮಾಪಕರು. ಹೀಗಾಗಿ ಚಿತ್ರರಂಗದ ಬಗ್ಗೆ ಆಸಕ್ತಿ ಹೊಂದಿದ್ದ ಶ್ರವಂತ್, ಬಣ್ಣದ ಬದುಕಿಗೆ ಕಾಲಿಟ್ಟರು. ಅಂದ್ಹಾಗೆ, ತಮಿಳಿನ ಚಿತ್ರವೊಂದರಲ್ಲೂ ನಟ ಶ್ರವಂತ್ ಅಭಿನಯಿಸಿದ್ದಾರೆ.