ಕೋಟ್ಯಧಿಪತಿಯಲ್ಲಿ ಇಂಚರಾ ಆಸೆಗೆ ತಣ್ಣೀರು ಹಾಕಿದ ಮಹಾತ್ಮ ಗಾಂಧಿ ಹತ್ಯೆ ಪ್ರಶ್ನೆ.!

ಫಾಸ್ಟೆಸ್ಟ್ ಫಿಂಗರ್ ಪ್ರಶ್ನೆ ಯಾವುದು?

ಕಡಿಮೆಯಿಂದ ಪ್ರಾರಂಭಿಸಿ, ತೂಕದ ಈ ಘಟಕಗಳನ್ನ ಏರಿಕೆ ಕ್ರಮದಲ್ಲಿ ಜೋಡಿಸಿ?

A ಮೆಟ್ರಿಕ್ ಟನ್

B ಕಿಲೋಗ್ರಾಂ

C ಮಿಲಿಗ್ರಾಂ

D ಗ್ರಾಂ

ಸರಿಯಾದ ಉತ್ತರ: C ಮಿಲಿಗ್ರಾಂ, D ಗ್ರಾಂ, B ಕಿಲೋಗ್ರಾಂ, A ಮೆಟ್ರಿಕ್ ಟನ್

ಅತಿ ವೇಗವಾಗಿ ಉತ್ತರ ನೀಡಿದ ಇಂಚರಾ ಹಾಟ್ ಸೀಟ್ ಗೆ ಆಯ್ಕೆಯಾದರು.

ಯಾವ ಲೈಫ್ ಲೈನ್ ಇರಲಿಲ್ಲ

ಒಂಭತ್ತನೇ ಪ್ರಶ್ನೆವರೆಗೂ ಸರಿಯಾದ ಉತ್ತರ ನೀಡಿದ್ದ ಇಂಚನಾ 1.60 ಲಕ್ಷ ಗೆದ್ದುಕೊಂಡಿದ್ದರು. ಅಷ್ಟೋತ್ತಿಗಾಲೇ ಮೂರೂ ಲೈಫ್ ಲೈನ್ ಬಳಕೆಯಾಗಿತ್ತು. ಸದ್ಯಕ್ಕೆ ಇಂಚರಾ ಬಳಿ ಯಾವುದೇ ಲೈಫ್ ಇರಲಿಲ್ಲ. ಹಾಗಾಗಿ, ಮುಂದಿನ ಪ್ರಶ್ನೆ 3.20 ಲಕ್ಷಕ್ಕೆ. ಎರಡನೇ ಸೇಫ್ ಝೋನ್ ತಲುಪುವ ಪ್ರಶ್ನೆ. ಇದಕ್ಕೆ ಸರಿಯಾಗಿ ಉತ್ತರ ಕೊಟ್ಟರೇ 3.20 ಪಕ್ಕಾ. ತಪ್ಪು ಉತ್ತರ ಕೊಟ್ಟರೇ ಹತ್ತು ಸಾವಿರಕ್ಕೆ ಕುಸಿತ ಆಗುತ್ತೆ.

ಇಂಚರಾಗೆ ಕೈಕೊಟ್ಟ ಪ್ರಶ್ನೆ ಇದೇ

1944 ರಲ್ಲಿ ಮಹಾತ್ಮ ಗಾಂಧಿಯವರನ್ನು ಚೂರಿಯಿಂದ ಹಲ್ಲೆ ಮಾಡಲು ನುಗ್ಗಿದ ಯಾರನ್ನು ತಡೆಯಲಾಯಿತು?

A ಮಣಿಶಂಕರ್ ಪುರೋಹಿತ್

B ನಾರಾಯಣ ಆಪ್ಟೆ

C ನಾಥೂರಾಮ್ ಗೋಡ್ಸೆ

D ಗೋಪಾಲ್ ಗೋಡ್ಸೆ

ಇಂಚರಾ ಏನು ಮಾಡಿದ್ರು?

ನಾಥೂರಾಮ್ ಗೋಡ್ಸೆ ಮತ್ತು ಗೋಪಾಲ್ ಗೋಡ್ಸೆ ಆಯ್ಕೆಗಳ ಬಗ್ಗೆ ಗೊಂದಲಕ್ಕೆ ಒಳಗಾದ ಇಂಚರಾ, ರಿಸ್ಕ್ ತೆಗೆದುಕೊಳ್ಳುವುದು ಬೇಡ ಎಂದು ನಿರ್ಧರಿಸಿದರು. ತಪ್ಪು ಉತ್ತರ ಕೊಟ್ಟರೇ ಕೈಯಲ್ಲಿರುವ ಹಣವೂ ಸಿಗಲ್ಲ ಎಂಬುದನ್ನ ಅರಿತ ಇಂಚರಾ ಆಟವನ್ನ ಕ್ವಿಟ್ ಮಾಡಿದರು. ಅಲ್ಲಿಗೆ ಕೈಯಲ್ಲಿದ್ದ 1.60 ಲಕ್ಷ ಹಣವನ್ನ ತನ್ನಲ್ಲಿ ಉಳಿಸಿಕೊಂಡರು.

ಸರಿಯಾದ ಉತ್ತರವೇನು?

ಆಟ ಕ್ವಿಟ್ ಮಾಡಿದ ಬಳಿಕ ಹಾಗೆ ಸುಮ್ಮನೆ ಉತ್ತರಿಸಿ ಎಂದಾಗ ಇಂಚರಾ ಅವರ ಅನುಮಾನ ನಾಥೊರಾಮ್ ಗೋಡ್ಸೆ ಮೇಲೆ ಇತ್ತು. ಹಾಗಾಗಿ, ಅದೇ ಇರಬಹುದು ಎಂದರು. ದುರಾದೃಷ್ಟವಶಾತ್ ಅದೇ ಸರಿ ಉತ್ತರ ಆಗಿತ್ತು (C ನಾಥೂರಾಮ್ ಗೋಡ್ಸೆ). ಆದರೆ, ಆಟ ಕ್ವಿಟ್ ಮಾಡಿದ್ದ ಇಂಚರಾ, ನಿರಾಸೆಯಿಂದ ಆಟ ಮುಗಿಸಿದರು.