ಹಂಸಲೇಖ ಸಾಹಿತ್ಯದ ಬಗ್ಗೆ ಜಯಂತ್ ಕಾಯ್ಕಿಣಿ ಆಡಿದ ಮಾತಿದು

ಜಯಂತ್ ಕಾಯ್ಕಿಣಿ ಸಾಹಿತ್ಯ ಅಂದರೆ ಕನ್ನಡಿಗರಿಗೆ ತುಂಬ ಇಷ್ಟ. ಅವರು ಬರೆಯುವಂತಹ ಒಂದೊಂದು ಸಾಲುಗಳು ಸಹ ಸಿನಿಮಾ ಪ್ರೇಮಿಗಳ ಮನ ಮುಟ್ಟುತ್ತದೆ. ಆದರೆ ಸಾಹಿತಿ ಜಯಂತ್ ಕಾಯ್ಕಿಣಿ ಅವರಿಗೆ ಹಂಸಲೇಖ ಸಾಹಿತ್ಯ ಅಂದರೆ ತುಂಬ ಇಷ್ಟ ಅಂತೆ.

''ಹಂಸಲೇಖ ಅವರು ಮಾಡಿದಷ್ಟು ವೆರೈಟಿ, ಅವರಿಗೆ ಇರುವಷ್ಟು ಶಬ್ದ ಸಂಪತ್ತು, ಅವರಿಗೆ ಇರುವಂತಹ ಆಳವಾದ ಜೀವನದ ಸ್ಫೂರ್ತಿ ದೊಡ್ಡದು. ಅವರದ್ದು ಬಹಳ ಸಮೃದ್ಧ ಸಾಹಿತ್ಯ'' ಅಂತ ಜಯಂತ್ ಕಾಯ್ಕಿಣಿ ಅವರು ಹಂಸಲೇಖ ಬಗ್ಗೆ ಹೇಳಿದ್ದಾರೆ.

ಇತ್ತೀಚಿಗಷ್ಟೆ ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮ 'ಸೂಪರ್ ಟಾಕ್ ಟೈಂ'ಗೆ ಆಗಮಿಸಿದ್ದ ಜಯಂತ್ ಕಾಯ್ಕಿಣಿ ಅವರಿಗೆ ಅಕುಲ್ 'ನಿಮ್ಮ ಪ್ರಕಾರ ಸ್ಟೈಲಿಶ್ ರೈಟರ್ ಯಾರು' ಅಂತ ಪ್ರಶ್ನೆ ಕೇಳಿದರು. ಅದಕ್ಕೆ ಜಯಂತ್ ಕಾಯ್ಕಿಣಿ ಅವರು ಹಂಸಲೇಖ ಅವರ ಹೆಸರನ್ನು ಹೇಳಿದರು.