Jothe Jotheyali: ಝೇಂಡೇ ಅನ್ನು ವರ್ಧನ್ ಕಂಪನಿಯ ಚೀಫ್ ಎಂದು ಒಪ್ಪಿದ ಶಾರದಾ

ಅನು ಜೊತೆ ಮಾತನಾಡಿದ ಶಾರದಾ

ಮನೆಗೆ ಬರುವ ಶಾರದಾ, ಮೀರಾಗೆ ವೆಲ್ಕಮ್ ಪಾರ್ಟಿಗೆ ವ್ಯವಸ್ಥೆ ಮಾಡುವಂತೆ ಹೇಳುತ್ತಾಳೆ. ಮೀರಾಗೆ ಏನು ಹೇಳಬೇಕು ಎಂಬುದೇ ತಿಳಿಯುವುದಿಲ್ಲ. ಹರ್ಷ ಮತ್ತು ಅನು ಶಾರದಾ ಅವರನ್ನು ಪ್ರಶ್ನೆ ಮಾಡುತ್ತಾರೆ. ಶಾರದಾ ಅದಕ್ಕೆ, ನನ್ನ ಮೇಲೆ ನಿಮಗೆ ನಂಬಿಕೆ ಇದ್ದರೆ ಸುಮ್ಮನಿರಿ. ವೆಲ್ಕಮ್ ಪಾರ್ಟಿ ಬಗ್ಗೆ ಯೋಚಿಸಿ. ಝೇಂಡೇ ಏನು ಅಂತ ನನಗೆ ಚೆನ್ನಾಗಿ ಗೊತ್ತಿದೆ. ಅವನನ್ನ ನಾನು ಹ್ಯಾಂಡಲ್ ಮಾಡುತ್ತೀನಿ ಎಂದು ಹೇಳುತ್ತಾಳೆ. ಬಳಿಕ ಅನು ಜೊತೆಗೆ ಮಾತನಾಡಬೇಕು ಎಂದು ಹೇಳಿ ಅವಳನ್ನು ರೂಮಿಗೆ ಕರೆದುಕೊಂಡು ಹೋಗುತ್ತಾಳೆ.

ವೆಲ್ಕಮ್ ಪಾರ್ಟಿಗೆ ಮೀರಾ ಸಿದ್ಧತೆ

ಇತ್ತ ಮೀರಾ, ಹರ್ಷ ಮತ್ತು ಮಾನ್ಸಿ ಚರ್ಚೆ ಮಾಡುತ್ತಾರೆ. ಏನಾಗುತ್ತಿದೆ, ಮುಂದೇನು ಮಾಡಬೇಕು ಎಂದು ತಲೆ ಕೆಡಿಸಿಕೊಳ್ಳುತ್ತಾರೆ. ಮಾನ್ಸಿ, ಮೀರಾಳಿಗೆ ಬೈಯುತ್ತಾಳೆ. ಝೇಂಡೇ ಮಾತನ್ನು ಹೇಗೆ ನಂಬಿದೆ ಎಂದು ಕೇಳುತ್ತಾಳೆ. ಆಗ ಹರ್ಷ, ಆರ್ಯ ಬ್ರೋ ಬದುಕಿರಲೂ ಬಹುದು ಎಂದು ಮಾತನಾಡಿಕೊಳ್ಳುತ್ತಾನೆ. ಬಹುಶಃ ಆರ್ಯ ಅವರ ಮುಖ ಬದಲಾಗಿರಬೇಕು ಎಂದಾಗ ಮಾನ್ಸಿ ಮತ್ತೆ ಡಿಎನ್‌ಎ ಟೆಸ್ಟ್ ಬಗ್ಗೆ ಪ್ರಸ್ತಾಪ ಮಾಡುತ್ತಾಳೆ. ಇನ್ನು ಮೀರಾ ಆಫೀಸಿನಲ್ಲಿ ವೆಲ್ಕಮ್ ಪಾರ್ಟಿಗೆ ಸಿದ್ಧತೆಯನ್ನು ಮಾಡುತ್ತಿರುತ್ತಾಳೆ.

ಪ್ರಿಯಾ, ಪ್ರಭು ಎಲ್ಲಿಗೆ ಹೋಗಿದ್ದಾರೆ..?

ಇತ್ತ ಊರಿಗೆ ಬರುವ ಆರಾಧನಾ ಮತ್ತು ಸಂಜು ಹೋಗುತ್ತಾರೆ. ಆದರೆ ಮನೆ ಬೀಗ ಹಾಕಿರುತ್ತದೆ. ಇದನ್ನು ನೋಡಿ ಆರಾಧನಾ ಶಾಕ್ ಆಗುತ್ತಾಳೆ. ಅಷ್ಟರಲ್ಲಿ ಅಲ್ಲೇ ಇದ್ದವರು ಬಂದು ಪ್ರಿಯದರ್ಶಿನಿ ಮತ್ತು ಪ್ರಭು ದೇಸಾಯಿ ಇಬ್ಬರೂ ತೀರ್ಥಯಾತ್ರೆಗೆ ತೆರಳಿದ್ದಾರೆ ಎಂದು ಹೇಳುತ್ತಾನೆ. ಆರಾಧನಾ ಎಷ್ಟೇ ಫೋನ್ ಟ್ರೈ ಮಾಡಿದರೂ ರಿಸೀವ್ ಮಾಡುವುದಿಲ್ಲ. ಇದರಿಂದ ಬೇಸರ ಮಾಡಿಕೊಳ್ಳುತ್ತಾಳೆ. ಎಲ್ಲರೂ ಸೇರಿ ಯಾವುದೋ ಸತ್ಯವನ್ನು ನನ್ನಿಂದ ಮುಚ್ಚಿಡುತ್ತಿದ್ದಾರೆ. ನಾನಂತೂ ಸತ್ಯ ತಿಳಿಯದೇ ಇಲ್ಲಿಂದ ಹೊರಡಲ್ಲ ಎಂದು ಹೇಳುತ್ತಾಳೆ.

ವೀಡಿಯೋ ಕಳಿಸಿದ ಮೀರಾ

ಇನ್ನು ಝೇಂಡೇ ಆಫೀಸಿನ ಪರಿಸ್ಥಿತಿ ತಿಳಿಯಲು ಕಾಲ್ ಮಾಡುತ್ತಾನೆ. ಆದರೆ ಮೀರಾ ರಿಸೀವ್ ಮಾಡುವುದಿಲ್ಲ. ವೆಲ್ಕಮ್ ಪಾರ್ಟಿ ಅರೇಂಜ್‌ಮೆಂಟ್ಸ್ ವೀಡಿಯೋ ಮಾಡಿ ಕಳಿಸುತ್ತಾಳೆ. ನಿಮ್ಮನ್ನು ವೆಲ್ಕಮ್ ಮಾಡಲು ಕಾಯುತ್ತಿರುತ್ತೇನೆ ಎಂದು ಹೇಳುತ್ತಾಳೆ. ಈ ಮಾತುಗಳನ್ನು ಕೇಳಿ ಝೇಂಡೇ ಖುಷಿ ಪಡುತ್ತಾನೆ. ಆದರೆ ಶಾರದಾ ಏನೋ ದೊಡ್ಡ ಪ್ಲ್ಯಾನ್ ಮಾಡಿದ್ದು, ಮುಂದೆ ಏನಾಗುತ್ತದೋ ಎಂದು ಕಾದು ನೋಡಬೇಕಿದೆ.